لوقا 9:20 - ثريفيث 2020

²⁰ ينَّا-ٱسن عِيْسَى: "ئِي كنِّيو، مِين ذَايِي د تَارَّام نش؟" ئِنْدق-د بُطْرُس ينَّا-ٱس: "شك ذ لْمَسِيح ن أَربِّـي."

لوقا 9:20 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 22:42

ينَّا-ٱسن: "مِين ذَاوم يمظْهَارن ذِي لْمَسِيح؟ ؤُو ث يِيڒَان؟" نَّان-اَس: "ذ مِّيس ن دَاود."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:63

ئِقِّيم عِيْسَى يسْقَر وَار ذَاس يِينِّي وَالُو. أُوْشَا ينَّا-ٱس اَرَّايس نِّي: "تتَّارغ زَّايش اَذَانغ ثجَّادْجذ س أَربِّـي يدَّرن حمَا اَذَانغ ثِينِيذ: مَا شك ذ لْمَسِيح، ذ مِّيس ن أَربِّـي؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 5:47

مڒَا تْسدْجَامم غِير خ يمدُّوْكَاڒ نْوم، إِيوَا مِين تݣّم ذ زّْيَادَا؟ أَقَا ؤُڒَا ذ ڒْكُفَّار تݣّن مَانَايَا!

مرقس 14:61

ئِقِّيم عِيْسَى يسْقَار وَار خَاس يَارِّي شَا. ئِكَّر يسّقْسَا-ث عَاوذ اَرَّايس ن ڒْفُقَهَا ينَّا-ٱس: "مَا شك ذ لْمسِيح مِّيس ن أَربِّـي إِي يدْجَان مُبَارِك؟"

مرقس 8:29

ينَّا-ٱسن عِيْسَى: "ئِي كنِّيو، مِين ذَايِي د تَارَّام نش؟" ئِنْدق-د بُطْرُس ينَّا-ٱس: "شك ذ لْمَسِيح."

لوقا 22:67

نَّان-اَس: "مڒَا شك ذ لْمَسِيح إِنِي-يَانغ-ت!" ينَّا-ٱسن: "مڒَا نِيغ-اَوم-ت، كنِّيو اَتَاف وَار ذَايِي تِيمْنم شَا.

لوقا 9:19

أَرِّين خَاس نَّان-اَس: "ئِجّن يقَّار شك ذ يَحْيَى. ئِجّن يقَّار شك ذ إِلْيَاس. ئِجّن يقَّار شك زِي لْأَنْبِيَا يقْذِيمن إِي د يكَّرن زِي ڒْموْث."

يوحنا 1:41

ڒخْدّنِّي يُوْفَا ؤُمَاس سِمْعَان ينَّا-ٱس نُوْفَا لْمَسِيَا. (أَوَاڒ-أَ لْمَسِيَا يخس اَذ يِينِي لْمَسِيح.)

يوحنا 1:49

ينَّا-ٱس نَاثْنَاهِيل إِ عِيْسَى: "آ لْمُعَلِّم، قَا شك ذ مِّيس ن أَربِّـي، شك ذ اَزدْجِيذ ن أَيث-إِسْرَائِيل."

يوحنا 11:27

ثنَّا-ٱس: "وَاه آ سِيذِي. نش ؤُمْنغ قَا شك ذ لْمَسِيح، شك ذ مِّيس ن أَربِّـي، شك ذ ونِّي إِي د يتَاسن غَار دُّنشْت."

يوحنا 20:31

ثِمسْڒَايِين-أَ ؤُرِينْت حمَا اَذ تَامْنم بلِّي عِيْسَى نتَّا ذ لْمَسِيح مِّيس ن أَربِّـي بَاش مڒَا ثُوْمْنم اَغَارْوم ثِيڒِي ثُوْذَارْث ذݣ يِيسم نّس.

يوحنا 4:29

"أَرَاحم-د اَذ تࢲرم يجّن ن ورْيَاز ينَّا-ٱيِي مَارَّا مِين ݣِّيغ. يمْكن ذ لمَسِيح نِغ؟"

يوحنا 4:42

نَّان-اَس إِ ثمْغَارْث نِّي نشِّين وَار نْتِيمن شَا ڒخُّو غِير عْلَاحْسَاب مِين ذَانغ ثنِّيذ شم، مِينْزِي يسِّيوڒ اَكِذْنغ س يِيخف نّغ أُو نشِّين نسّن بلِّي ذ صَّح ذ وَا إِݣ يسنْجَامن دُّنشْت.

يوحنا 7:41

ينّغْنِي نَّان: "نتَّا ذ لمَسِيح." وَلَكِن ڒبْعَاض زَّايسن نَّان: "مَا ٱذ د يَاس لمَسِيح زِي ثْمُوْرْث ن لْجَالِيل؟

ڒخذايم 17:3

ئِسفْهَام-يثن يسْبيَّان-اَسن دَّلِيل خ مَامّش أُو لَابُد لْمَسِيح اَذ يتْوَاعدّب اَذ د يكَّر زِي ڒْموْث. ينَّا-ٱسن قَا عِيْسَى-يَا إِي زِي كنِّيو تْبشَّارغ نتَّا س يِيخف نّس ذ لْمَسِيح.

ڒخذايم 8:36

ݣُّوْرن ذݣ وبْرِيذ ؤُوْضن غَار شَان وَامَان. ينَّا-ٱس وحَبَاشِي نِّي: "أَقَاش اَمَان مُوْجُوْد، مِين ذَايِي يُوْغن نش وَار تْوَاطهَّارغ شَا س وَامَان-أَ؟"

ڒخذايم 9:22

شَاوُل نتَّا يَرْنِي يتْحدَّاث س جّْهذ، يسذْهَاش أَيث-إِسْرَائِيل إِݣ يزدّْغن ذِي دِمَشق، ئِسبيّن-اَسن-د س وَاوَاڒ نّس قَا عِيْسَى ذ لْمَسِيح.

1 يوحنا 5:1

مَارَّا ونِّي غَا يَامْنن عِيْسَى نتَّا ذ لْمَسِيح اَتَاف يخْڒق-د زِي أَربِّـي. أُو مَارَّا ونِّي يتخْسن بَابَاثْنغ اَتَاف نتَّا عَاوذ يتخْس ثَارْوَا نّس إِي زَّايس د يخڒْقن.