لوقا 9:12 - ثريفيث 2020

¹² وَامِي يعْذُو ڒْحَاڒ ؤُسِين-د غَارس ثنْعَاش ن يمحْضَارن نّس نَّان-اَس: "سكّ يوْذَان-أَ سَّا غَار ڒدْشُوْرَاث ذ ثُوْذْرِين يُوْذْسن اَمُّو ذ وَامُّو، أَذ رْزُوْن مِين غَا شّن ذ مَانِي غَا سنْسن مِينْزِي اَمْشَان-أَ ذ ڒخْڒَا وَاهَا."

لوقا 9:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 14:13

وَامِي د يَارَّا عِيْسَى ڒخْبَار نِّي، ئِرُوْح سّنِّي وَاحْذس ذِي ثْغَرَّابُوْت غَار يِجّن ن ومْشَان يخْڒَا. أَرِّين-د ڒخْبَار ڒْغَاشِي، ذْفَارن-ث زِي ثْندَّام خ يضَارن.

أَسڒْمذ ن سِيذِيثْنغ عِيْسَى لْكِتَاب ن مَتَّى 15:23

وَار ذَاس ينِّي عِيْسَى ؤُڒَا ذ يجّن ن وَاوَاڒ. قَارّْبن غَارس يمحْضَارن نّس نَّان-اَس: "ثَمْغَارْث-أَ سُوْفغ-يت خَانغ، زِي صْبَاح نتَّاث ثْذفَّار-اَنغ ثسْغُوْيِيو خَانغ."

أَسڒْمذ ن سِيذِيثْنغ عِيْسَى لْكِتَاب ن مَتَّى 15:32

ئِڒَاغَا-د عِيْسَى إِ يمحْضَارن نّس ينَّا-ٱسن: "نش قّْسن-اَيِي يِوْذَان-أَ. ثڒْتِيَّام زݣ وَامِي اَقَاثن اَكِذِي وَار غَارْسن شَا مِين غَا شّن. وَار خْسغ شَا اَثن سّكّغ نِثْنِي وَار شِّين شَا حمَا وَار تسْخِيفّن خ وبْرِيذ."

لوقا 9:11

وَامِي ڒْغَاشِي سّْنن مَانَايَا ذْفَارن-ث. نتَّا يسْتقْبڒ-يثن يبْذَا يسَّاوَاڒ اَكِذْسن خ ڒْمُلْك ن أَربِّـي يسْݣنْفَا يِنِّي يخْسن اَذ ݣنْفَان.

لوقا 9:13

ينَّا-ٱسن عِيْسَى: "ؤُشم-اَسن كنِّيو مِين غَا شّن." نَّان-اَس: "نشِّين غَارْنغ ذَا غِير خمْسَا ن ثْخبَّازِين ذ ثْنَاين ن يسڒْمَان. مَا أَ نْرَاح نشِّين أَ نْسغ مَشَّا إِ مَارَّا يوْذَان-أَ؟"

يوحنا 6:1

منْبَعْد إِ مَانَايَا يرُوْح عِيْسَى اَذ يࢲْوَا ڒبْحَر ن لْجَالِيل (قَّارن-اَس إِ ڒبْحَر نِّي طَبَرْيَا).

أيث-فيليـپـي 1:19

لِأَنَّا سّْنغ خْمِي تتَّارم خَافِي إِ أَربِّـي ذ اَرُّوْح ن سِيذِيثْنغ عِيْسَى لْمَسِيح يتْعَوَان-اَيِي اَتَاف مِين ذَايِي يتوْقِيعن اَذ يذْوڒ ذ اَسفْڒث ينُو.