لوقا 8:41 - ثريفيث 2020

⁴¹ يُوْسَا-د غَارس يجّن ن ورْيَاز قَّارن-اَس يَاݣْرُس. نتَّا ذ اَرَّايس ن ثمْزِيذَا إِي يدْجَان ذِنِّي. يوْضَا غَار يضَارن ن عِيْسَى يبْذَا يتْحشَّام-يث اَطَّاس حمَا اَكِذس يرَاح غَار ثدَّارْث نّس

لوقا 8:41 ပူးပေါင်းရင်းမြစ်များ

لوقا 13:14

أَرَّايس ن ثمْزِيذَا نِّي وَار ذَاس يعْجِيب بُو ڒْحَاڒ وَامِي عِيْسَى يسْݣنْفَا ثَمْغَارْث نِّي ذِي نْهَار ن سّبْث ن لْعِبَادَا. ئِكَّر نتَّا ينَّا-ٱسن إِ يِوْذَان: "أَربِّـي يُوْشَا ستِّيَّام ن ڒْخذْمث ذِي ستِّيَّام نِّي إِي د غَا تَاسم اَذ تْݣنْفِيم، وَار يدْجِي بُو ذِي نْهَار ن لْعِبَادَا."

لوقا 17:16

ئِسجّذ-اَس إِ عِيْسَى غَار يضَارن نّس يبْذَا يتْشكَّر-يث. نتَّا أَرْيَاز نِّي زِي سَامَارْيَا.

لوقا 5:8

سِمْعَان بُطْرُس وَامِي يࢲْرا مَانَايَا يُوْسَا-د يوْضَا غَار يضَارن ن عِيْسَى ينَّا-ٱس: "آ سِيذِي، بعّذ خَافِي نش ذ لْعَاصِي."

لوقا 8:42

مِينْزِي غَارس غِير يجّن ن ثْحنْجِيرْث وَاهَا عْڒَاين اَذ تݣّ ثنْعَاش يسݣّْوُسَا، تْمتَّا. ئِكَّر عِيْسَى يرُوْح، تمْزَاحَامن خَاس ڒْغَاشِي.

لوقا 8:49

وَامِي عَاذ يسَّاوَاڒ، يُوْسَا-د يجّن زِي ثدَّارْث ن اَرَّايس نِّي ن ثمْزِيذَا ينَّا-ٱس: "يدْجِيش شك ثمُّوْث. وَار تْعدَّاب شَا ڒخُّو لْمُعَلِّم."

يوحنا 11:21

ثنَّا-ٱس مَرْثَا إِ عِيْسَى: "آ سِيذِي، مَعْلِيك اَقَاش ذَانِيتَا إِڒِي وَار يمُّوْث شَا ؤُمَا.

ڒخذايم 13:15

منْبَعْد إِ ثْغُوْرِي زِي لْكُتُب ن شَّرِيعَا ن مُوْسَى ذ لْأَنْبِيَا، سّكّن اَرُّوْيَاس ن ثمْزِيذَا اَوَاڒ نْسن إِ بَرْنَابَا ذ شَاوُل نَّان-اَسن: "آي اَيثْمَا، مڒَا غَارْوم شَان وَاوَاڒ إِي زِي غَا ثْشجّْعم شَّعْب-أَ، إِنِيم-اَسن-ث."

ڒخذايم 18:17

كَّرن مَارَّا إِذْسن طّْفن سَاسْتِين رفْقِي ن ثمْزِيذَا ن أَيث-إِسْرَائِيل ؤُوْثِين-ث زَّاث إِ لْمَحْكَامَا. ݣَالْيُوْن نتَّا وَار ث يشْقِي شَا مَانَاينِّي قَاع.

ڒخذايم 18:8

ڒفْقِي ن ثمْزِيذَا نِّي قَّارن-اَس كْرِيسْپُـوْس، يُوْمن س سِيذِيثْنغ نتَّا ذ مَارَّا ڒحْبَاب نّس. خَربِّي ن يِوْذَان زِي ثنْدِينْت ن كُوْرِينْث وَامِي سْڒِين إِ وَاوَاڒ ن بُوْلُس، ؤُمْنن تْوَاطهَّارن س وَامَان.

ڒخذايم 9:38

سْڒِين يمحْضَارن ذِي ثنْدِينْت ن يَافَا بلِّي بُطْرُس اَقَاث ذݣ وبِيلَاج ن لُوْدَّا. لُوْدَّا ثُوْذس-د إِ يَافَا، سّكّن غَارس ثْنَاين ن يِوْذَان حشْمن-ث نَّان-اَس: "عَافك اَرْوَاح اَكِذْنغ ذغْيَا!"

لواحي ن يوحنا 5:8

وَامِي ييْسِي لْكِتَاب-أَ، لْمخْلُوقَاث نِّي س اَرْبعَا ذ اَرْبعَا أُو عِشْرِين ن يمْغَارن نِّي سجّْذن-اَس إِ يِزْمَار. مْكُڒ يجّن زَّايْسن غَارس ثْݣَامْبْرِيت غَارس ثِمجْمَارِين ݣِّين-ثنْت س دّْهب عمَّارنْت س تْبَخُوْر، يعْنِي ذ ثْࢲَادْجِيث ن ڒْمُوْمِنِين صَّالِحِين.