لوقا 8:21 - ثريفيث 2020

²¹ يَارَّا خَاسن ينَّا-ٱسن: "أَقَا يمَّا ذ اَيثْمَا نِثْنِي ذ يوْذَان نِّي يتْسْڒَان إِ وَاوَاڒ ن أَربِّـي خدّْمن زَّايس."

لوقا 8:21 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:5

عَاذ يسَّاوَاڒ بُطْرُس يهْوَا-د خَاسن يِجّن ن وسيْنُو يتْسقْسِيق. ثنْدق-د يجّن ن ثْمِيجَّا زݣ وسيْنُو نِّي ثنَّا-ٱسن: "قَا ذ وَانِيتَا ذ مِّي يعِيزّن، نش فَرْحغ زَّايس. صنّْطث غَارس."

أَسڒْمذ ن سِيذِيثْنغ عِيْسَى لْكِتَاب ن مَتَّى 25:40

أَذ د يَاس وزدْجِيذ اَذَاسن يِينِي: أَقَا تسْڒَام ڒْحَقّ: مِين ثݣِّيم إِ يِجّن ن وُوْمَا ذ اَمزْيَان زݣ أَيثْمَا، ثݣِّيم-اَيِي-ت إِ نش.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:45

أَذ د يَاس وزدْجِيذ اَذَاسن يِينِي: أَقَا تسْڒَام ڒْحَقّ: مِين وَار ثݣِّيم شَا إِ يِجّن ن وُوْمَا ذ اَمزْيَان زݣ أَيثْمَا، وَار ذَايِي ت ثݣِّيم شَا إِ نش.

أَسڒْمذ ن سِيذِيثْنغ عِيْسَى لْكِتَاب ن مَتَّى 28:10

ڒخْدّنِّي ينَّا-ٱسنْت عِيْسَى: "وَار تݣّْوْذنْت شَا. رُوْحنْت سِيوْضنْت ڒخْبَار إِنِينْت إِ أَيثْمَا: رُوْحث غَار ثْمُوْرْث ن لْجَلِيل ذِنِّي إِي ذَايِي غَا ثࢲرم."

لوقا 8:15

وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم يِوْذَان إِي تسْڒَان إِ وَاوَاڒ ن أَربِّـي قبْڒن-ث س وُوْڒ نْسن اَصبْحَان ذ اَشمْڒَاڒ، صبَّارن حمَا اَذ اَرْون.

لوقا 8:20

ندْقن-د شَان يِوذان نَّان-اَس: "أَقَا يمَّاش ذ أَيثْمَاش بدّن غَار بَارَّا رزُّوْن اَشك ࢲرن."

يوحنا 13:17

ڒخُّو ثسّْنم مَانَايَا، سَّعْذ نْوم مڒَا ثݣِّيم مِين ذَاوم نِّيغ.

يوحنا 20:17

ينَّا-ٱس عِيْسَى: "وَار ذَايِي تطّف شَا، قَا نش عَاذ وَار ݣَعّْذغ شَا غَار بَابَا. رُوْح غَار اَيثْمَا ينُو، إِن-اَسن قَا نش اَذ ݣَعّْذغ غَار بَابَا ذ بَابَاثْوم، غَار أَربِّـي ينُو ذ أَربِّـي نْوم."

22 أيث-كورينث 5:16

خ مَانَاينِّي، زِي سَّا اَڒ ثْسَاونْت نشِّين وَار نْخزَّر شَا ذِي حَدّ عْلَاحْسَاب ڒَعْقڒ ن دُّنشْت-أَ. وَاخَّا نْخزَّر قْبڒ ذِي لْمَسِيح عْلَاحْسَاب ڒَعْقڒ ن دُّنشْت-أَ، ڒخُّو وَار ث نتْوِيڒِي شَا اَمنِّي.

22 أيث-كورينث 6:18

أَذ يڒِيغ ذ بَابَاثْوم، كنِّيو اَذ تِيڒِيم ذ ثَارْوَا ينُو ذ يِيسِّي ينُو. أَمنِّي يقَّار أَربِّـي يزمَّرن إِ كُڒْشِي.>

ثبرات غار يعقوب 1:22

فَا مَاشِي اَذ تسْڒم إِ وَاوَاڒ ن أَربِّـي أُو صَافِي؛ ئِتْخصَّا-كنِّيو اَزَّايس ثْخدّْمم حمَا وَار ثْخدّْعم شَا يخف نْوم.

1 يوحنا 2:29

خْمِي غَا ثسّْنم بلِّي نتَّا نِيْشَان إِݣ يدْجَا، أَتَاف اَذَايْوم ثِيڒِي تِّقث بلِّي بْنَاذم إِݣ يسْخدَّامن مِين يدْجَان نِيْشَان نتَّا يخْڒق-د زَّايس.

3 يوحنا 1:11

آي ؤُمَا ينُو يعِيزّن، وَار تْقلَّاد شَا مِين يدْجَان ذ اَعفَّان؛ لَّا، قلّد مِين يدْجَان ذ اَصبْحَان. ونِّي يتݣّن مِين يدْجَان ذ اَصبْحَان نتَّا زِي أَربِّـي؛ ونِّي يتݣّن مِين يدْجَان ذ اَعفَّان نتَّا وَار يتْوِيڒِي شَا أَربِّـي.