لوقا 8:13 - ثريفيث 2020

¹³ زَّرِّيعث نِّي إِݣ يوْضَان جَار يِزْرَا نتَّاث اَم يِوْذَان إِي تسْڒَان إِ وَاوَاڒ ن أَربِّـي، قبْڒن-ث س ڒفْرَاحث. وَامِي وَار ؤُوْثِين بُو يࢲوْرَان مْلِيح ذغْيَا تْنقْڒَاعن. تَامْنن زَّايس غِير ذݣ يِجّن ن ڒْوقْث وَاهَا، ذِي ڒْوقْث ن ڒمْحَاين ذغْيَا تفّْغن اَبْرِيذ.

لوقا 8:13 ပူးပေါင်းရင်းမြစ်များ

مرقس 6:20

مَايمِّي؟ ڒَاحقَّاش هِيرُوْدُس يتݣّْوذ زِي يَحْيَى. ئِسّن بلِّي نتَّا ذ يجّن ن ورْيَاز يدْجَا نِيشَان، ذ اَمْقدّس. ئِحمَّا-ث هِيرُوْدُس، ئِتعْجِيب-اَس خْمِي يتْحدَّاث وَلَكِن يتْغِيمَا يسْتْعجِّيب ذَايس اَطَّاس.

لوقا 8:12

زَّرِّيعث نِّي إِݣ يوْضَان خ وبْرِيذ نتَّاث اَم يِوْذَان إِي تسْڒَان إِ وَاوَاڒ ن أَربِّـي. ئِتْرَاح إِبْڒِيس يتكّس-اَسن-ث زݣ وُوْڒ حمَا وَار تِيمْنن شَا، وَار نجّْمن شَا.

لوقا 8:14

زَّرِّيعث نِّي إِݣ يوْضَان جَار يسنَّانن نتَّاث اَم يِوْذَان إِي تسْڒَان إِ وَاوَاڒ ن أَربِّـي، وَلَكِن ذغْيَا تمْجيَّافن س ومْنُوْس ذ وَاݣْڒَا ذ شّهَاوَاث ن دُّنشْت-أَ وَار نفّْعن شَا.

يوحنا 15:2

كُڒ اَكشُّوْض إِي د يفّْغن زَّايِي وَار يتِيرو شَا يزكُّوْنن ن وضِيڒ اَث يقسّ بَابَا. أُو كُڒ اَكشُّوْض إِݣ يتَارْون يزكُّوْنن ن وضِيڒ أَث يزْبَار حمَا اَذ د يَرْنِي يزكُّوْنن نّغْنِي.

يوحنا 15:6

مڒَا شَان يِجّن وَار يقِّيم شَا ذَايِي، أَتَاف اَذ يمنْضَار غَار بَرَّا اَمشْنَاو يكشُّوْضن يُوزْغن، أَثن سْمُوْنن اَثن ݣّن ذِي ثْمسِّي اَذ شمْضن.

يوحنا 5:35

يَحْيَى يُوْسَا-د ذ ڒفْنَار يرقَّان يتشْرِيقن، كنِّيو ثخْسم اَذ تْفَرْحم شَان ڒِيَّام س نُّوْر نّس.

1 أيث-كورينث 13:2

نش مَعْلِيك غَارِي لْقُدْرَا اَذ سِّيوْڒغ اَم لْأَنْبِيَا، مَعْلِيك فهْمغ مَارَّا مِين ينُوْفَّرن ذ مَارَّا ثُوْسْنَا، مَعْلِيك سْخدَّامغ لْإِيمَان اَذ سْمُوْتِّيغ يذُوْرَار-أَ، إِڒِي ذ وَالُو إِي دْجِيغ نش مڒَا وَار تْحِبِّيغ شَا.

1 أيث-كورينث 15:2

أَقَا ثْنجّْمم زَّايس وَامِي ذَايس تطّْفم مْلِيح ذݣ وَاوَاڒ ن تّبْشِير نِّي ونِّي إِي زِي كنِّيو بشَّرغ. مڒَا لَّا، زَعْمَا لْإِيمَان نْوم ثسْبطّْڒم-ث.

أيث-ݣلاطيا 3:1

آ أَيث-ݣَلَاطْيَا، مَا ثْبُوْهْڒِيّم نِغ؟ وِي ذَاوم يݣِّين سّْحُوْر؟ نْشرّح-اَوم مْلِيح زَّاث إِ ثِيطَّاوِين نْوم مَامّش يمُّوْث لْمَسِيح خ صَّلِيب.

أيث-ݣلاطيا 3:4

مَارَّا مِين تْعدّْبم، مَا يرُوْح ذ ڒْبَاطڒ نِغ؟ لَّا، يمْكن مَاشِي ذ صَّح!

أيث-ؤفسوس 3:17

حمَا لْمَسِيح اَذ يزْذغ ذݣ وُوْڒَاون نْوم س لْإِيمَان. تتَّارغ إِ أَربِّـي عَاوذ اَذ تْوَاࢲُّوْم اَذ تُوْوْثم مْلِيح يࢲوْرَان ذݣ وشَاڒ ن ڒمْحِبّث

أيث-كولوس 1:23

وَلَكِن لَابُد اَذ تقِّيمم ذِي لْإِيمَان نْوم نِيشَان اَذ تْبدّم خ دْسَاس، وَار ثْسمّْحم شَا ذِي لْأَمَال ن لْإِنْجِيل تُوْغَا إِي تسْڒِيم. لْإِنْجِيل-أَ تْوَابشَّرنْت زَّايس قَاع ثِمسْڒَايِين يتْوَاخڒْقن سْوَادَّاي وجنَّا، أُو نش بُوْلُس ذوْڒغ ذ اَخدَّام نّس.

أيث-كولوس 2:7

ئِتْخصَّا-كنِّيو اَذ تِيڒِيم ثبْنَام خ دْسَاس نّس مْلِيح، أَذ تِيڒِيم ثْجهْذم ذِي لْإِيمَان نْوم مَامّش إِي كنِّيو سڒْمَاذن، أَذ تِيڒِيم تنْفيَّاضم س شُّكر.

1 أيث-سلونيك 3:5

خ مَانَايَا، وَامِي ؤُݣِيغ اَذ صْبَرغ عَاذ كْتَار، سّكّغ-د غَارْوم تِيْمُوْتَاوُس بَاش اَذ سّْنغ لْإِيمَان نْوم. ݣّْوْذغ ونِّي يتْغَرَّان تُوْغَا يغَرّ-يكنِّيو س يبْرِيذن نّس أُوْشَا مِين تُوْغَا نخْذم جَارَاوم يمْكن يذْوڒ اَخْمِي وَار نݣِّي وَالُو.

1 تيموتاوس 1:19

أَتَاف اَغَارش يِيڒِي لْإِيمَان نّش ذ يِجّن ضَّمِير ذ اَصبْحَان. مَاشِي اَم ڒبْعَاضِيث سمْحن ذِي مَانَايَا أُوْشَا لْإِيمَان نْسن يغَرق اَم يِج وغَرَّابُو ذِي ڒبْحَر.

يعيبرانيين 10:39

وَلَكِن نشِّين مَاشِي زݣ يِنِّي يتْعقَابن غَار ذفَّار بَاش أَ نفْنَا؛ لَّا، نشِّين زݣ يِنِّي يتَامْنن أَ نْسنْجم ڒَعْمَار نّغ.

ثبرات غار يعقوب 2:26

شُوْف، دَّات ن بْنَاذم بْڒَا بُوْحْبڒ ثمُّوث، أَمنِّي لْإِيمَان بْڒَا ڒخْذَايم يمُّوْث.

2 بطرس 2:20

شُوْف، ئِثَرَّاسن-أَ مڒَا تُوْغَا سّْنن سِيذِيثْنغ عِيْسَى لْمَسِيح اَروْڒن زِي ڒوْسخ ن دُّنشْت-أَ سّنِّي عَاوذ عقْبن-د حْنُوْنّْضن ذَايس يذْوڒ يحكّم خَاسن، أَتَاف اَنݣَّارُو نْسن يقْسح كْتَار زݣ ومزْوَارُو نْسن.

2 بطرس 2:22

ئِوْقع ذ صَّح مِين يقَّار لْمِثَال: <أَقْزِين يعْقب-د اَذ يشّ مِين د ينْصر> نِغ <ثِڒفْث يعُوْمّن ذݣ وَامَان ثذْوڒ-د اَذ تحْنُوْنّض ذݣ ؤُرْوِيض.>

1 يوحنا 2:19

فّْغن زَّايْنغ وَلَكِن تُوْغَا وَار دْجِين شَا زَّايْنغ. مَعْلِيك زَّايْنغ، أَتَاف قِّيمن اَكِذْنغ. نِثْنِي فّْغن بَاش اَد د يبَان بلِّي وَار دْجِين شَا زَّايْنغ.

ثبرات زي يهوذا 1:12

يثَرَّاسن-أَ يِيْنَا تْوسَّاخن يمنْسِيون نْوم ن ثمْعَاشَرْث. تتّن اَكِذْوم بْڒَا مَا ٱذ سذْحَان، نِثْنِي ݣِّين اَم شَا ن يمكْسَاون إِي عتّْقن يخف نْسن وَاهَا. نِثْنِي ذ يسيْنُوْثن بْڒَا يَانْࢲَار غِير يتَاوِي-ثن اَرِّيح يتَارَّا-ثن. نِثْنِي ݣِّين اَم ثْشجُّوْرَا ذِي ڒخْڒِيف وَار يتَارْون شَا، تْنقْڒَاعنْت-يد زݣ يࢲوْرَان نْسنْت؛ يعْنِي يبْرِيذن نْسنْت مُّوْثن س ثْنَاين.