28 أَقَا تسْڒَام: زِي مِين د جِّينْت ثمْغَارِين وَار يدْجِي حَدّ ذ اَمقّْرَان زِي يَحْيَى، وَلَكِن ونِّي إِي يدْجَان ذ اَمزْيَان قَاع ذِي ڒْمُلْك ن أَربِّـي نتَّا ذ اَمقّْرَان زِي يَحْيَى."
أَقَا تسْڒَام ڒْحَقّ: زِي مِين د جِّينْت ثمْغَارِين، وَار يدْجِي حَدّ ذ اَمقّْرَان زِي يَحْيَى، وَلَكِن ونِّي إِي يدْجَان ذ اَمزْيَان قَاع ذِي ڒْمُلْك ن وجنَّا نتَّا ذ اَمقّْرَان زِي يَحْيَى.
ذِي ڒْوقْث نِّي يمظْهَار-د يَحْيَى، ئِتْطهَّار إِ يِوْذَان س وَامَان يتْبشَّر-يثن ذِي ڒخْڒَا ن يَهُوْذِيَا.
ئِجَاوب-يثن يَحْيَى مَارَّا ينَّا-ٱسن: "قَا نش طهَّارغ-كنِّيو س وَامَان، وَلَكِن اَذ د يَاس يجّن يجْهذ خَافِي، وَار سْذِيهِيدْجغ شَا اَذَاس فسْيغ ؤُڒَا ذ يفِيڒَان ن ثْسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.
ذ يَحْيَى إِي خف يسَّاوَاڒ لْكِتَاب: <أَقَا تْسكِّيغ-د يجّن ن اَرَّسُوْل ينُو زَّاثش، حمَا اَذَاش يسوْجذ اَبْرِيذ نّش.>
مَارَّا يوْذَان تسْڒَان خَاس، ؤُڒَا ذ يعشَّارن نِثْنِي س يِيخف نْسن عْتَرْفن بلِّي مَانَايَا يدْجَا نِيشَان مِينْزِي نِثْنِي تْوَاطهَّارن س وَامَان عْلَاحْسَاب يَحْيَى.
ينَّا-ٱسن: "ونِّي غَا يقبْڒن شَان وحنْجِير اَم وَانِيتَا عْلَاحْسَاب يسم ينُو، أَخْمِي ذ نش إِݣ يقْبڒ. ونِّي ذَايِي يقبّْڒن، أَتَاف يقْبڒ ونِّي ذَايِي د يسّكّن. مِينْزِي ونِّي يدْجَان زَّايْوم ذ اَمزْيَان قَاع، ذ نتَّا إِݣ يدْجَان ذ اَمقّْرَان."