لوقا 6:6 - ثريفيث 2020

⁶ يجّن ن نْهَار ن سّبْث ن لْعِبَادَا نّغْنِي، يُوْذف عِيْسَى غَار يِجّن ن ثمْزِيذَا ن أَيث-إِسْرَائِيل يبْذَا يسڒْمَاذ. ذِنِّي يجّن ن ورْيَاز فُوْس نّس اَفُوْسِي يمُّوْث.

لوقا 6:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 4:23

ئِݣُّوْر عِيْسَى ذِي لْإِقْلِيم ن لْجَلِيل مَارَّا، ئِسڒْمَاذ ذِي ثمْزِيذَاوِين ن أَيث-إِسْرَائِيل يتْبشَّر-يثن س لْإِنْجِيل ن ڒْمُلْك ن أَربِّـي يسْݣنْفَا مَارَّا ڒهْڒَاشَاث ذ دِّعَان ن دَّات ذݣ يِوْذَان.

لوقا 13:10

تُوْغَا عِيْسَى يسڒْمَاذ ذݣ يِجّن ن ثمْزِيذَا ن أَيث-إِسْرَائِيل ذِي نْهَار ن سّبْث ن لْعِبَادَا.

لوقا 14:3

ينَّا-ٱسن عِيْسَى إِ يِنِّي يتْشرَّاحن شَّرِيعَا ذ يِنِّي زِي ڒْحِزب ن يفَرِّيسِيْين: "مَا حَلَال اَذ يتْوَاسْݣنْفَا بْنَاذم ذِي نْهَار ن لْعِبَادَا مَا لَّا؟"

لوقا 4:16

يُوْسَا-د غَار وبِيلَاج ن نَاصِرَا مَانِي يربَّا. نْهَار ن سّبْث ن لْعِبَادَا يرُوْح غَار ثمْزِيذَا اَم ڒبْدَا، ئِكَّر حمَا اَذ يغَر.

لوقا 4:31

ئِرُوْح عِيْسَى غَار وبِيلَاج ن كَفرْنَاحُوم إِݣ يدْجَان ذِي ثْمُوْرْث ن لْجَلِيل، ئِبْذَا يسڒْمَاذ يوْذَان ذِنِّي ذِي نْهَار ن لْعِبَادَا نْسن كُڒ سّبْث.

لوقا 6:1

ئِجّن ن نْهَار ن سّبْث ن لْعِبَادَا، يعْذُو عِيْسَى ذݣ وبْرِيذ ذِي ڒْوسْط ن يمنْدِي اَكِذس يمحْضَارن نّس. بْذَان يمحْضَارن نّس تكّْسن ثِيْذرِين، تْقشَّارن-ثنْت س يفَاسّن نْسن، تتّن-ثنْت.

لوقا 6:5

ينَّا-ٱسن عِيْسَى: "مِّيس ن بْنَاذم إِݣ يدْجَان ذ لْحَاكم حتَّا خ نْهَار ن سّبْث ن لْعِبَادَا."

يوحنا 5:3

تْغِيمَان ذِنِّي اَطَّاس ن يمهْڒَاش ذ يضَرْغَاڒن ذ يزحَّافن ذ ينشْرُوْفن، {تْرَاجَان اَمَان ن صَّرِيج اَذ نْهزّن.

يوحنا 9:16

نَّان ڒبْعَاض ن يفَرِّيسِيْين نِّي: "بْنَاذم نِّي وَار يدْجِي شَا زِي أَربِّـي مِينْزِي وَار يوقَّار شَا نْهَار ن لْعِبَادَا." وَلَكِن ڒبْعَاض نّغْنِي نَّان: "لَّا، مَامّش بْنَاذم ذ لْعَاصِي زَعْمَا اَذ يݣّ لْمُعْجِيزَاث-أَ؟" خ مَانَايَا يوْقع لْخِلَاف جَارَاسن.