لوقا 6:49 - ثريفيث 2020

⁴⁹ ونِّي يتسْڒَان إِ وَاوَاڒ ينُو وَار زَّايس يخدّم شَا اَتَاف يتْشَابَّاه ذݣ يِجّن ن ورْيَاز يبْنَا ثَدَّارْث نّس خ وشَاڒ بْڒَا دْسَاس. وَامِي خَاس يعْذُو يغْزَار نِّي ثوْضَا ذغْيَا ذ اَبْرِيذ، ثقِّيم ذ ڒْخِرْبث."

لوقا 6:49 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:3

خ مَانَايَا، تݣّث مَارَّا مِين ذَاوم قَّارن، خذْمم زَّايس. وَلَكِن وَار تݣّم شَا اَم نِثْنِي، مَايمِّي؟ لِأَنَّا نِثْنِي وَار تݣّن شَا مِين قَّارن.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:10

أَطَّاس إِي غَا يكْفَرن زݣ يِنِّي إِي يُوْمْنن. أَذ زّنْزن اَيَاوْيَا، أَذ عِيفّن اَيَاوْيَا.

مرقس 4:17

وَامِي وَار ؤُوْثِين بُو يࢲوْرَان مْلِيح ذغْيَا تْنقْڒَاعن. خْمِي د تَاسنْت شَان ڒمْحَاين نِغ ذ شَان وعدّب خ سَّبَاب ن وَاوَاڒ ن أَربِّـي، ذغْيَا تفّْغن اَبْرِيذ.

لوقا 12:47

أَوقَّاف نِّي نتَّا يسّن مِين يرزُّو سِيذس وَلَكِن وَار يسوْجِيذ شَا إِ سِيذس وَار يتݣّ شَا مِين يرزُّو سِيذس، أَتَاف اَذ يتْوَاعَاقب اَطَّاس.

لوقا 19:14

وَلَكِن شَّعْب نّس عِيفّن-ث سذْفَارن-اَس شَا ن نُّوْيَاب اَڒ مَانِي غَا يرَاح بَاش اَذ ينِين قَا نشِّين وَار نخْس شَا اَرْيَاز-أَ اَذ يِيڒِي ذ اَزدْجِيذ خَانغ.

لوقا 19:27

أَمَّا ڒْعَذْيَان ينُو يِنِّي تُوْغَا وَار يخْسن شَا اَخَاسن يڒِيغ ذ اَزدْجِيذ، أَوِيم-ثن-د ذَانِيتَا نْغم-ثن زَّاثِي."

لوقا 6:46

مَايمِّي ذَايِي ثقَّارم آ سِيذِي، آ سِيذِي أُو كنِّيو وَار تݣّم مِين ذَاوم قَّارغ؟

لوقا 6:48

ئِتْشَابَّاه ذݣ يِجّن ن ورْيَاز إِݣ يبنَّان ثَدَّارْث نّس، ئِغْزَا اَطَّاس يݣَّا دْسَاس خ وزْرُو. وَامِي د يحْمڒ يغْزَار يعْذُو خ ثدَّارْث نِّي، وَار يزمَّر اَت يسنْهزّ مِينْزِي ثبْنَا مْلِيح.

لوقا 7:1

وَامِي يكمّڒ عِيْسَى اَوَاڒ نّس اَك يِوْذَان إِي تُوْغَا ذَاس يتسْڒَان، يُوْذف غَار وبِيلَاج ن كَفرْنَاحُوْم.

يوحنا 15:2

كُڒ اَكشُّوْض إِي د يفّْغن زَّايِي وَار يتِيرو شَا يزكُّوْنن ن وضِيڒ اَث يقسّ بَابَا. أُو كُڒ اَكشُّوْض إِݣ يتَارْون يزكُّوْنن ن وضِيڒ أَث يزْبَار حمَا اَذ د يَرْنِي يزكُّوْنن نّغْنِي.

ڒخذايم 20:29

شُوْف، سّْنغ خْمِي غَا ؤُيُوْرغ نش اَذ د اَذْفن جَارَاوم شَان ن وُوْشَّانن يوْعَارن وَار رحّْمن شَا ثْحِيمرْث.

ڒخذايم 26:11

مشْحَاڒ ن ثْوَاڒَاثِين تْرَاحغ زِي ثمْزِيذَا غَار ثمْزِيذَا تْعدَّابغ-ثن، رزُّوْغ اَذ سِّيوْڒن س بزّز ڒْعِيب ذِي أَربِّـي. س وغْضَاب نِّي ينُو تْرَاحغ حتَّا غَار ثْندَّام ذِي لْخَرِيج بَاش اَثن عدّْبغ ذِنِّي.

1 أيث-سلونيك 3:5

خ مَانَايَا، وَامِي ؤُݣِيغ اَذ صْبَرغ عَاذ كْتَار، سّكّغ-د غَارْوم تِيْمُوْتَاوُس بَاش اَذ سّْنغ لْإِيمَان نْوم. ݣّْوْذغ ونِّي يتْغَرَّان تُوْغَا يغَرّ-يكنِّيو س يبْرِيذن نّس أُوْشَا مِين تُوْغَا نخْذم جَارَاوم يمْكن يذْوڒ اَخْمِي وَار نݣِّي وَالُو.

2 بطرس 2:20

شُوْف، ئِثَرَّاسن-أَ مڒَا تُوْغَا سّْنن سِيذِيثْنغ عِيْسَى لْمَسِيح اَروْڒن زِي ڒوْسخ ن دُّنشْت-أَ سّنِّي عَاوذ عقْبن-د حْنُوْنّْضن ذَايس يذْوڒ يحكّم خَاسن، أَتَاف اَنݣَّارُو نْسن يقْسح كْتَار زݣ ومزْوَارُو نْسن.

1 يوحنا 2:19

فّْغن زَّايْنغ وَلَكِن تُوْغَا وَار دْجِين شَا زَّايْنغ. مَعْلِيك زَّايْنغ، أَتَاف قِّيمن اَكِذْنغ. نِثْنِي فّْغن بَاش اَد د يبَان بلِّي وَار دْجِين شَا زَّايْنغ.