لوقا 6:44 - ثريفيث 2020

⁴⁴ مِينْزِي كُڒ ثَشجَّارْث ثْظهَّار-د س مِين تَارو. وَار د ڒقْذن بُو ثَازَارْث زݣ يسنَّانن. وَار د تكّْسن بُو وضِيڒ زِي ثْزݣّْوَارْث.

لوقا 6:44 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:33

مڒَا ثَشجَّارْث ذ ثَصبْحَانْت، أَتَاف اَذ تَارو مِين يدْجَان ذ اَصبْحَان. مڒَا ثَشجَّارْث ذ ثَعفَّانْت، أَتَاف اَذ تَارو مِين يدْجَان ذ اَعفَّان. ثَشجَّارْث ثْظهَّار-د س مِين تَارو.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:16

أَثن ثسّْنم س ڒفْعَايڒ نْسن. مَا زمَّرن يِوْذَان اَذ ڒقْذن ثَازَارْث زݣ يسنَّانن، نِغ اَذ كّْسن اَضِيڒ زِي ثْزݣّْوَارْث؟

أَسڒْمذ ن سِيذِيثْنغ عِيْسَى لْكِتَاب ن مَتَّى 7:20

أَمُّو س ڒفْعَايڒ نْسن إِي غَا ثسّْنم يِنِّي يتَارَّان يخف نْسن ذ لْأَنْبِيَا.

ثبرات غار يعقوب 3:12

لَّا آي أَيثْمَا. مَا ثزمَّر ثْشجَّارْث ن ثَازَارْث اَذ تَارو زِّيتُون، نِغ ثْزَايَارْث وضِيڒ اَذ تَارو ثَازَارْث؟ لَّا. ؤُڒَا ذ ڒْعُنْصَر اَمدْجَاح وَار يزمَّر اَذ د يسُوْفغ اَمَان ذ يمِيزِيضن.

ثبرات زي يهوذا 1:12

يثَرَّاسن-أَ يِيْنَا تْوسَّاخن يمنْسِيون نْوم ن ثمْعَاشَرْث. تتّن اَكِذْوم بْڒَا مَا ٱذ سذْحَان، نِثْنِي ݣِّين اَم شَا ن يمكْسَاون إِي عتّْقن يخف نْسن وَاهَا. نِثْنِي ذ يسيْنُوْثن بْڒَا يَانْࢲَار غِير يتَاوِي-ثن اَرِّيح يتَارَّا-ثن. نِثْنِي ݣِّين اَم ثْشجُّوْرَا ذِي ڒخْڒِيف وَار يتَارْون شَا، تْنقْڒَاعنْت-يد زݣ يࢲوْرَان نْسنْت؛ يعْنِي يبْرِيذن نْسنْت مُّوْثن س ثْنَاين.