لوقا 6:20 - ثريفيث 2020

²⁰ ئِيْسِي ثِيطَّاوِين نّس عِيْسَى غَار يمحْضَارن نّس ينَّا-ٱسن: "سَّعْذ نْوم آ ڒْمُسَاكِين، أَقَا ڒْمُلْك ن أَربِّـي إِ كنِّيو.

لوقا 6:20 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:5

ئِضَرْغَاڒن تْوَاڒَان، ئِزحَّافن ݣُّوْرن، يِنِّي إِي ذِي يدْجَا جْذَام ݣنْفَان، ئِذهْشُوْرن تسْڒَان، يِنِّي يمُّوْثن تْنكَّرن-د، ڒْمُسَاكِين تْوَابشَّارن.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:34

ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:1

وَامِي يࢲْرَا قَاع ڒْغَاشِي نِّي، يُوْڒِي غَار وذْرَار يقِّيم ؤُسِين-د غَارس يمحْضَارن نّس.

لوقا 12:32

وَار تݣّْوْذم شَا آ ثْحِيمرْث ينُو ثَمزْيَانْت، يرْضَا بَابَاثْوم اَذَاوم يُوْش ڒْمُلْك نّس.

لوقا 13:28

ذِنِّي إِي غَا يِيڒِين يمطَّاون ذ وغࢲَّاࢲ ن ثغْمَاس خْمِي غَا ثࢲرم بْرَاهِيم ذ إِسْحَاق ذ يَعْقُوْب ذ مَارَّا لأَنْبِيَا غَار ذَاخڒ ذِي ڒْمُلْك ن أَربِّـي، كنِّيو تْمنْضَارم غَار بَارَّا!

لوقا 14:15

ئِكَّر يجّن زݣ يِنِّي يتْوَاعَرْضن يسْڒَا إِ وَاوَاڒ نِّي ينَّا-ٱس إِ عِيْسَى: "سَّعْذ ن ونِّي إِي غَا يشّن اَغْرُوْم ذِي ڒْمُلْك ن أَربِّـي!"

لوقا 16:25

ينَّا-ٱس بْرَاهِيم: عْقڒ آ مِّي ينُو، شك ثيْسِيذ ڒْحَقّ نّش زِي ڒْخِير ذِي ثُوْذَارْث نّش، لِعَازَر يعِيش مْعَادّب. ڒخُّو نتَّا اَقَاث ذَا مْلِيح، شك اَقَّاش ذِي ڒَعْدَاب.

لوقا 4:18

<أَقَا أَرُّوْح ن سِيذِي أَربِّـي اَقَاث خَافِي، ئِخْضَر-اَيِي حمَا اَذ بشَّرغ ڒْمُسَاكِين. ئِسّكّ-اَيِي-د اَذ خْبَرغ لْحُرِّيَا إِ يمحْبَاس، يِنِّي يتْوَاضَرْغْڒن اَثن اَرّغ تْوَاڒَان، يِنِّي يتْوَاضڒْمن اَذَاسن د رْخُوْغ.

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

22 أيث-كورينث 6:10

نشِّين نتْوَازيَّار وَلَكِن ڒبْدَا نفَرّح؛ نشِّين ذ يپُـوْبْرِيثن نْسرْبَاح اَطَّاس ن يِوْذَان؛ وَار غَارْنغ وَالُو وَلَكِن غَارْنغ كُڒْشِي.

22 أيث-كورينث 8:2

ثكَّا خَاسن يجّن ن ڒْمِحْنث ذ ثَمقّْرَانْت ثقْسح خَاسن اَطَّاس. وَاخَّا نِثْنِي ذ يپُـوْبْرِيثن وَار غَارْسن وَالُو وَلَكِن نِثْنِي ڒفْرَاحث نْسن ثمْغَر. زِي مَانَاينِّي إِي زِي تفّغ يجّن ن صَّذَاقَا ذ ثَمقّْرَانْت اَطَّاس.

22 أيث-كورينث 8:9

أَقَا ثسْنم اَرْضَا ن سِيذِيثْنغ عِيْسَى لْمَسِيح. تُوْغَا نتَّا غَارس كُڒْشِي، وَلَكِن عْلَاحْسَاب نشِّين يسْمح ذِي كُڒْشِي مَانَاينِّي بَاش اَغَارْنغ يِيڒِي كُڒْشِي س مَانَاينِّي إِي ذِي يسْمح.

1 أيث-سلونيك 1:6

كنِّيو ثبْذَام تݣّم مَامش نْتݣّ نشِّين ذ مَامش يتݣّ سِيذِيثْنغ لِأَنَّا كنِّيو ذِي ڒْوسْط ن وَاطَّاس ن تَمَارَا ثْقبْڒم اَوَاڒ نّغ س ڒفْرَاحث إِي د يُوْسِين زِي أَرُّوْح يقدّْسن.

2 أيث-سلونيك 1:5

مَانَايَا ذ يجّن ن دَّلِيل بلِّي لْحُكم ن أَربِّـي يدْجَا نِيشَان، أُو س دَّلِيل-أَ اَكنِّيو يحْسب ثسْذَاهدْجم ڒْمُلْك نّس إِي خف ثْعدّْبم.

ثبرات غار يعقوب 1:12

سَّعْذ ن ونِّي يصْبَارن خ ڒمْحَاين اَتَاف خْمِي غَا ينْجح اَذ ييْسِي تَّاج ن ثُوْذَارْث ونِّي إِي زِي يعَاهذ أَربِّـي يِنِّي إِي ث يتْحِبَّان.

ثبرات غار يعقوب 2:5

شُوْف آي أَيثْمَا يمْعِيزّن ينُو، مَا وَار ثسِّينم شَا أَربِّـي يخْضَر ڒْمُسَاكِين ن دُّنشْت-أَ حمَا اَذ يڒِين ذ تْوَاجَر س لْإِيمَان نْسن اَذ وَرْثن ذِي ڒْمُلْك إِي زِي يوْعذ أَربِّـي يِنِّي إِي ث يتْحِبَّان؟

لواحي ن يوحنا 2:9

نش سّْنغ ڒمْحَاين نّش، شك ذ ڒْمسْكِين، وَلَكِن لَّا شك ذ تَّاجَر! سّْنغ ڒْبَاطڒ إِي خَاوم قَّارن يِنِّي يحسّْبن يخف نْسن زِي أَيث-إِسْرَائِيل. لَّا، نِثْنِي وَار دْجِين شَا زِي جْمَاعث ن أَيث-إِسْرَائِيل؛ نِثْنِي غِير ذ يجّن ن جْمَاعث إِݣ يعبّْذن شِّيطَان.