لوقا 6:19 - ثريفيث 2020

¹⁹ خْسن مَارَّا ڒْغَاشِي نِّي اَث حَاذَان مِينْزِي يجّن ن جّْهذ يتفّغ-د زَّايس، ئِسْݣنْفَا-ثن مَارَّا إِذْسن.

لوقا 6:19 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 14:36

تَّارن-اَس اَثن يجّ اَذ حَاذَان غِير طّْارْف ن وَارُّوْض نّس. صَافِي مَارَّا يِنِّي ث يحَاذَان ݣنْفَان.

مرقس 3:10

مِينْزِي نتَّا تُوْغَا يسْݣنْفَا اَطَّاس ن يِوْذَان اَڒ وَامِي مَارَّا يِنِّي ذِي يدْجَا ڒحْرِيق مْزَاحَامن خَاس، خْسن اَث حَاذَان.

مرقس 5:30

عِيْسَى يسْحسّ ذِي نّفْس نّس بلِّي يجّن ن جّْهذ نّس يفّغ، ئِنقْڒب غَار ڒْغَاشِي نِّي ينَّا-ٱسن: "وِي ذَايِي يحَاذَان اَرُّوْض ينُو؟"

مرقس 6:56

مَانِي مَا يُوْذف غَار يبِيلَاجن نِغ غَار ثْندَّام نِغ غَار ڒْكَامْپَاوَاث، ئِوْذَان سْرُوْسَان يمهْڒَاش ذِي ڒسْوَاق. تتَّارن-اَس اَثن يجّ اَذ حَاذَان غِير طَّارْف ن وَارُّوض نّس. صَافِي مَارَّا يِنِّي ث يحَاذَان ݣنْفَان.

مرقس 8:22

وَامِي ؤُوْضن غَار وبِيلَاج ن بَيْت صَيْدَا، ؤُوِين-اَس-د يجّن ن وضَرْغَاڒ إِ عِيْسَى تَّارن زَّايس اَث يحَاذَا.

لوقا 5:17

ئِجّن ن نْهَار تُوْغَا عِيْسَى يسڒْمَاذ يوْذَان. قِّيمن ذِنِّي جَارَاسن ڒبْعَاض زِي ڒْحِزب ن يفَرِّسِيْين ذ يمْسڒْمَاذن ن شَّرِيعَا، ؤُسِين-د زِي مَارَّا ڒدْشُوْرَاث ن لْجَلِيل ذ يَهُوْذِيَا ذ لْقُدْس. جّْهذ ن سِيذِي أَربِّـي اَقَاث اَك عِيْسَى بَاش اَذ يسْݣنْفَا يمهْڒَاش.

لوقا 6:18

ؤُسِين-د غَارس حمَا اَذ سْڒَان إِ وَاوَاڒ نّس، عَاوذ حمَا اَثن يسْݣنْفَا زِي ڒهْڒَاشَاث نْسن. يِنِّي يتْعدَّابن س جْنُوْن ذ يعفَّانن ؤُڒَا ذ نِثْنِي تْݣنْفَان.

ڒخذايم 19:12

ئِوْذَان كسِّين ڒزْيُوْف ذ ثِبَانْتِيوِين تْحَاذَان زَّايْسنْت بُوْلُس سْرُوْسَان-ثنْت خ يمهْڒَاش. ڒخْدّنِّي ڒهْرَاشَاث نِّي تْݣنْفَان، عَاوذ تفّْغن زَّايْسن جْنُوْن نِّي يعفَّانن إِي ذَايْسن.

1 بطرس 2:9

فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.