لوقا 5:30 - ثريفيث 2020

³⁰ شثْشَان زَّايس ڒْحِزب ن يفَرِّسِيْين ذ يمْسڒْمَاذن ن شَّرِيعَا نَّان-اَسن إِ يمحْضَارن نّس: "مَايمِّي تتّم ثْسسّم اَك يعشَّارن ذ يِنِّي يعصَّان؟"

لوقا 5:30 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:46

مڒَا كنِّيو تخْسم غِير يِنِّي إِي كنِّيو يتخْسن، مَان لْأَجَار إِي غَارْوم كنِّيو؟ مَا وَار يدْجِي اَمنِّي إِي تݣّن ؤُڒَا ذ يعشَّارن؟

أَسڒْمذ ن سِيذِيثْنغ عِيْسَى لْكِتَاب ن مَتَّى 9:11

وَامِي ࢲْرِين ڒْحِزب ن يفَرِّيسِيْين مَانَاينِّي كَّرن نَّان-اَسن إِ يمحْضَارن نّس: "مَايمِّي يتتّ لْمُعَلِّم نْوم اَك يعشَّارن ذ يِنِّي يعْصَّان؟"

مرقس 2:16

شَان يمْسڒْمَاذن ن شَّرِيعَا زِي ڒْحِزب ن يفَرِّيسِيّْين ؤُفِين عِيْسَى يتتّ اَك يعشَّارن ذ يِنِّي يعصَّان زَعْمَا، نَّان إِ يمحْضَارن نّس: "مَايمِّي يتتّ نتَّا اَك يعشَّارن ذ يِنِّي يعصَّان؟"

مرقس 7:3

ڒَاحقَّاش يفَرِّيسِيْين ذ مَارَّا أَيث-إِسْرَائِيل مڒَا وَار سِيرْذن شَا يفَاسّن نْسن وَار تتّن شَا، مِينْزِي طّْفن اَطَّاس ذِي لْعَادَاث ن ڒجْذُوْذ نْسن.

مرقس 9:16

ينَّا-ٱسن عِيْسَى: "مِينْخف تْمنْغَام؟"

لوقا 18:11

ئِبدّ وفَرِّيسِي نِّي يتْࢲَدْجَا ذِي نّفْس نّس ينَّا: يَا أَربِّـي تْشكَّرغ-شك، مِينْزِي وَار دْجِيغ شَا اَم يِوْذَان نّغْنِي يدْجَان ذ يخوَّانن نِغ ذ يِنِّي وَار يدْجِين شَا نِيشَان نِغ ذ يِنِّي يزنَّان نِغ اَم وَانِيتَا إِݣ يجمّْعن ضَّرِيبَا!

لوقا 19:7

ئِوْذَان مَارَّا ࢲْرِين مَانَايَا بْذَان تْݣمْݣُوْمن نَّان قَا يُوْذف عِيْسَى اَذ يقِّيم ذِي ثدَّارْث ن يِجّن ن ورْيَاز ذ لْعَاصِي!

لوقا 5:17

ئِجّن ن نْهَار تُوْغَا عِيْسَى يسڒْمَاذ يوْذَان. قِّيمن ذِنِّي جَارَاسن ڒبْعَاض زِي ڒْحِزب ن يفَرِّسِيْين ذ يمْسڒْمَاذن ن شَّرِيعَا، ؤُسِين-د زِي مَارَّا ڒدْشُوْرَاث ن لْجَلِيل ذ يَهُوْذِيَا ذ لْقُدْس. جّْهذ ن سِيذِي أَربِّـي اَقَاث اَك عِيْسَى بَاش اَذ يسْݣنْفَا يمهْڒَاش.

لوقا 5:21

بْذَان يمْسڒْمَاذن ن شَّرِيعَا ذ ڒْحِزب ن يفَرِّسِيْين تْفكَّرن نَّان ذݣ وُوْڒَاون نْسن: "مِين يعْنَا وَانِيتَا يتَارَّا يخف نّس ذ أَربِّـي؟ ڒْمُعْصِيَاث وَار ثنْت يغْفَر شَا إِلَّا أَربِّـي وَاحْذس!"

لوقا 7:34

يُوْسَا-د مِّيس ن بْنَاذم يتتّ يسسّ وَار يتْࢲُوْمِّي شَا. كنِّيو ثنِّيم اَقَا بْنَاذم-أَ يتتّ يسسّ اَطَّاس، عَاوذ نتَّا ذ اَمدُّوْكڒ ن يعشَّارن ذ يِنِّي يعصَّان.

لوقا 7:39

أَفَرِّسِي نِّي إِي ث يعَرْضن وَامِي يࢲْرَا مَانَايَا ينَّا ذِي نّفْس نّس: وَانِيتَا مَعْلِيك ذ نَّبِي اَتَاف اَذ يسّن مِين ثعْنَا ثمْغَارْث-أَ إِي ث يتْحَاذَان، نتَّاث ثعْصَا أَربِّـي.

ڒخذايم 23:9

ئِوْقع يجّن ن سّْدَع يمْغَار، كَّرن ڒبْعَاض زݣ يمْسڒْمَاذن ن شَّرِيعَا نِثْنِي ذ يفَرِّيسِيْين تمْنَاقَارن س جّْهذ قَّارن: "نشِّين وَار ذَاس نْتِيف بُو شَان لْغَالط ذِي بْنَاذم-أَ، يمْكن يسِّيوڒ اَكِذس شَان ن جّنّ نِغ ذ شَان ن لْمَلَائِكَا."