لوقا 4:35 - ثريفيث 2020

³⁵ ئِزيَّار-يث عِيْسَى ينَّا-ٱس: "سْتُوْك شك، فّغ زَّايس!" ئِسغْضڒ جَّن اَرْيَاز نِّي غَار ثْمُوْرْث ذِي ڒْوسْط نْسن ڒخْدّنِّي يفّغ زَّايس وَار ذَاس يݣِّي وَالُو.

لوقا 4:35 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:18

عِيْسَى يسْبدّ جَّن نِّي اَعفَّان، ئِفّغ زݣ وحنْجِير نِّي يݣنْفَا ذِي ثْسَعَّات نِّي.

أَسڒْمذ ن سِيذِيثْنغ عِيْسَى لْكِتَاب ن مَتَّى 8:26

ينَّا-ٱسن عِيْسَى: "مَايمِّي تݣّْوْذم قَاع اَمُّو؟ لْإِيمَان نْوم ذ ؤُقْلِيل." ڒخْدّنِّي يكَّر يسْبدّ اَرِّيح ذ ڒمْوَاج، يَرْسَا ڒْحَاڒ.

مرقس 1:26

ئِسرْجِيجَاي-يث جّنّ نِّي اَعفَّان يعيّض س يِجّن ن ثْمِيجَّا ثمْغَر يفّغ زَّايس.

مرقس 4:39

ئِكَّر يسْبدّ اَرِّيح ينَّا-ٱس إِ ڒبْحَر: "سْقَار، قْضع ڒْحِسّ!" أُوْشَا يبدّ اَرِّيح يرْسَا ڒْحَاڒ.

مرقس 9:26

ئِسْنكَّر ثْغُوْيّث جّنّ نِّي يسرْجِيجِي اَحنْجِير نِّي اَطَّاس ڒخْدّنِّي يفّغ زَّايس. أَحنْجِير نِّي يذْوڒ اَخْمِي يمُّوْث، نَّان اَطَّاس ن يِوْذَان اَقَا يمُّوْث صَافِي.

لوقا 11:22

وَلَكِن مڒَا يهْجم خَاس ونِّي خَاس يجهْذن، أَتَاف اَث يغْڒب اَذَاس يكّس مَارَّا ڒسْنَاح إِي خف يعوّڒ اَذَاس يَاوِي اَݣْڒَا نّس مَارَّا."

لوقا 4:23

ينَّا-ٱسن عِيْسَى: "بْڒَا شّكّ اَذَايِي ثِينِيم ڒْمَعْنَا-يَا: شك آي اَضْبِيب مْڒِي ثدَّاوِيذ، إِڒِي ثدَّاوِيذ يخف نّش. أَذَايِي ثِينِيم عَاوذ قَا مِين نسْڒَا يوقْعن ذݣ وبِيلَاج ن كَفرْنَاحُوْم، ڒخُّو مَانَاينِّي اݣّ-يث ؤُڒَا ذَانِيتَا ذِي ثْمُوْرْث نّش."

لوقا 4:39

يُوْذَار اَغَارس يسْبدّ ثِمسِّي ثفّغ-يت. ذݣ ومْشَان ثكَّر ثبْذَا تْسخَّار خَاسن.

لوقا 4:41

زݣ وَاطَّاس ن يِوْذَان عَاوذ تفّْغن جْنُوْن سْنكَّرن ثْغُوْيّث قَّارن-اَس قَا شك ذ مِّيس ن أَربِّـي." وَلَكِن نتَّا يتْزيَّار-يثن، وَار ثن يتجِّي شَا اَذ سِّيوْڒن مِينْزِي سّْنن نتَّا ذ لْمَسِيح.

لوقا 8:24

قَارّْبن غَارس يمحْضَارن سْفَاقن-ث نَّان-اَس: "آ لْمُعَلِّم آ لْمُعَلِّم، أَقَا نشِّين نتْمتَّا!" ئِكَّر عِيْسَى يسْبدّ اَرِّيح ذ ڒمْوَاج يهدّن ڒْحَاڒ يرْسَا.

لوقا 9:39

ممِّي يخطّف-يث يجّن ن جّنّ، ذغْيَا يسْنكَّر ثْغُوْيّث. جّنّ نِّي يسرْجِيجِي-ث اَڒ د غَا يسُوْفغ نتَّا كُوْفُّو زݣ وقمُّوْم نّس، وَار ذَاس يرخُّو حتَّا ٱڒ ث غَا يسَالَا.

لوقا 9:42

وَامِي د يقَارّب وحنْجِير نِّي غَار عِيْسَى، ئِسرْجِيجِي-ث جّنّ نِّي يغْضڒ-يث غَار ثْمُورْث. ئِسْبدّ عِيْسَى جّنّ نِّي اَعفَّان، ئِسْݣنْفَا اَحنْجِير نِّي يَارِّي-ث إِ بَابَاس.

لواحي ن يوحنا 12:12

خ مَانَايَا، فَرح آي اَجنَّا، ذ يِنِّي ذَايس يزدّْغن! وَلَكِن يَا تَمَارَا خ يمزْذَاغ ن ڒْبَرّ ذ ڒبْحَر! إِبْڒِيس يهْوَا-د غَارْوم يغْضب اَطَّاس، مِينْزِي يسّن ثقِّيم-اَس ذْرُوْس ن ڒْوقْث."