لوقا 3:16 - ثريفيث 2020

¹⁶ ئِجَاوب-يثن يَحْيَى مَارَّا ينَّا-ٱسن: "قَا نش طهَّارغ-كنِّيو س وَامَان، وَلَكِن اَذ د يَاس يجّن يجْهذ خَافِي، وَار سْذِيهِيدْجغ شَا اَذَاس فسْيغ ؤُڒَا ذ يفِيڒَان ن ثْسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.

لوقا 3:16 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 3:11

نش تْطهَّارغ-كنِّيو س وَامَان بَاش اَذ تُوْبم، وَلَكِن ونِّي إِي د غَا يَاسن منْبَعْد إِ نش، نتَّا يجْهذ خَافِي. وَار سْذِيهِيدْجغ شَا اَذَاس يْسِيغ ؤُڒَا ذ ثِسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.

أَسڒْمذ ن سِيذِيثْنغ عِيْسَى لْكِتَاب ن مَتَّى 3:12

غَارس ثَازَّارْث ذݣ وفُوْس حمَا اَذ يزُوْزَّار ثَافَّا نّس قَاع. أَذ يسْمُوْن ثِحبَّا ن يرْذَان اَثنْت يݣّ ذِي ثْسْرَافْث. مِين وَار ينفّْعن شَا اَث يسّشْمض ذِي ثْمسِّي إِي وَار يخْسِين عمَّارْص."

يوحنا 1:26

ئِنْدق-د يَحْيَى ينَّا-ٱسن: "نش تْطهَّارغ إِ يوْذَان س وَامَان، وَلَكِن ذَانِيتَا يجّن ذِي ڒْوسْط نْوم وَار ث ثسِّينم شَا.

يوحنا 1:27

ذ نتَّا إِي د غَا يَاسن منْبَعْد إِ نش، وَار سْذِيهِيدْجغ اَذَاس فسْيغ ؤُڒَا ذ يفِيڒَان ن ثْسِيڒَا نّس."

يوحنا 1:33

تُوْغَا نش وَار ث سِّينغ شَا مِين يعْنَا، وَلَكِن ذ أَربِّـي إِي ذَايي د يسّكّن اَذ طهَّارغ إِ يِوْذَان س وَامَان، نتَّا ينَّا-ٱيِي: ونِّي غَا ثࢲرذ يهْوَا-د خَاس أَرُّوْح يمَارْس خَاس، ذ نتَّا إِي غَا يطهَّارن إِ يِوْذَان س أَرُّوْح يقدّْسن.

يوحنا 7:38

مَامّش ينَّا لْكِتَاب خ ونِّي زَّايِي غَا يَامْنن: أَزَّايس اَزّْڒن يغزْرَان ن وَامَان يسدَّرن."

ڒخذايم 1:5

يعْنِي يَحْيَى يطهَّار إِ يِوْذَان س وَامَان، كنِّيو وَار ذَاوم يقِّيم شَا اَذ تْوَاطهَّارم س أَرُّوْح يقدّْسن."

ڒخذايم 10:44

وَامِي عَاذ يسَّاوَاڒ بُطْرُس ذِي مَانَايَا، يُوْسَا-د أَرُّوْح يقدّْسن يهْوَا-د خ مَارَّا ينِّي يتسْڒَان إِ وَاوَاڒ نّس.

ڒخذايم 2:33

وَامِي يتْوَارْفع غَار وفُوْسِي ن أَربِّـي، ئِيْسِي زِي بَابَاس أَرُّوْح يقدّْسن إِي زِي ث يوْعذ، ئِسْفَرغ-د عِيسَى مَانَايَا إي تْوَاڒَام ڒخُّو ذ مَانَايَا إي ثسْڒَام.

1 أيث-كورينث 12:13

لِأَنَّا نشِّين مَارَّا نتْوَاطهَّار س وَامَان س يِجّن ن أَرُّوْح بَاش أَ نِيڒِي ذ يجّن ن جْمَاعث، يعْنِي أَيث-إِسْرَائِيل نِغ ذ ييُوْنَانِيْين، ذ يِنِّي غَار يدْجَا بَاب نْسن نِغ ذ يِنِّي غَار ثدْجَا لْحُرِّيَا نْسن. نشِّين مَارَّا إِذْنغ يُوْشَا-ٱنغ أَ نْسو يعْنِي أَ نْشَرش ذݣ يِجّن ن أَرُّوْح.