لوقا 24:20 - ثريفيث 2020

²⁰ طّْفن-ث اَرُّوْيَاس ن ڒْفُقَهَا ذ لْحُكَّام نّغ سلّْمن-ث اَث نْغن، صلّْبن-ث.

لوقا 24:20 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:33

آي يفِيغرَان! آ ثَارْوَا ن ثْفِيغرَاوِين! مَامّش ثْفكَّرم اَذ تَروْڒم زِي لْعِقَاب ن جَهنَّامَا؟

أَسڒْمذ ن سِيذِيثْنغ عِيْسَى لْكِتَاب ن مَتَّى 27:20

وَلَكِن اَرُّوْيَاس ن ڒْفُقَهَا ذ يمقّْرَانن ن أَيث-إِسْرَائِيل قڒْبن اَزدْجِيف إِ ڒْغَاشِي حمَا اَذَاسن-د يسُوْفغ بَارَابَاس، عِيْسَى اَذ يمّث.

مرقس 15:1

وَامِي يصْبح ڒْحَاڒ، مُوْنن اَرُّوْيَاس ن ڒْفُقَهَا، ذ يمقّْرَانن ن أَيث-إِسْرَائِيل، ذ يمْسڒْمَاذن ن شَّرِيعَا، ذ مَارَّا جْمَاعث ن لْحُكَّام نْسن مْشَوَارن جَارَاسن. شَرْفن عِيْسَى ؤُوِين-ث اَث سلّْمن إِ لْحَاكم اَرُّوْمَانِي ؤُمِي قَّارن بِيلَاطُس.

لوقا 22:66

وَامِي يصْبح ڒْحَاڒ مُوْنن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا، ؤُوِين عِيْسَى غَار جْمَاعث ن لْحُكَّام نْسن.

لوقا 23:13

ئِڒَاغَا-د بِيلَاطُوْس خ اَرُّوْيَاس ن ڒْفُقَهَا ذ لْحُكَّام ن أَيث-إِسْرَائِيل ذ مَارَّا شَّعْب.

ڒخذايم 2:23

ئِي كنِّيو مِين ذَاس ثݣِّيم؟ وَامِي يتْوَاسلّم عْلَاحْسَاب مَامّش يخس أَربِّـي ذ مَامّش تُوْغَا يسّن نتَّا، كنِّيو ثْصلّْبم-ث ثنْغِيم-ث س يفَاسّن ن لْكُفَّار.

1 أيث-سلونيك 2:15

نِثْنِي نْغِين سِيذِيثْنغ عِيْسَى ذ لْأَنْبِيَا، ؤُڒَا ذ نشِّين سُوْفْغن-اَنغ سّنِّي. وَار خَاسن يَارْضِي شَا أَربِّـي نِثْنِي تْعَارَّاضن إِ مَارَّا يوْذَان، ڒَاحقَّاش وَار ذَانغ تجِّين شَا أَ نسِّيوڒ اَك ڒݣْنُوْس بَاش أَذ نجْمن. أَمنِّي ڒْمُعْصِيَاث نْسن اَرنِّينْت تْعمَّرنْت، لْعِقَاب ن أَربِّـي يوْضَا خَاسن قَاع.