لوقا 23:4 - ثريفيث 2020

⁴ ينَّا-ٱسن بِيلَاطُوْس إِ اَرُّوْيَاس ن ڒْفُقَهَا ذ ڒْغَاشِي نِّي: "وَار خَاس تِيفغ بُو شَان تُّهْمث خ وثَرَّاس-أَ."

لوقا 23:4 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 27:19

وَامِي يقِّيم لْحَاكم بِيلَاطُس خ ڒْكُرْسِي ن ڒحْكَام، ثسّكّ-د غَارس ثمْغَارْث نّس ثنَّا-ٱس: "تَارك-اَس إِ ورْيَاز-أَ يصْفَان ڒَاحقَّاش عدّْبغ اَطَّاس دْجِيڒث-أَ ذِي ثِيرْجِيث خ سَّبَاب نّس."

مرقس 15:14

ينَّا-ٱسن بِيلَاطُس: "مَايمِّي؟ مَان لْجَرِيمَا إِݣ يݣّا وَانِيتَا؟" وَلَكِن اَرنِّين سْنكَّرن ثْغُوْيّث س جّْهذ قَّارن: "صلّْب-يث!"

لوقا 23:22

ئِسِّيوڒ اَكِذْسن وِيس ثڒْت-مَرَّاث ينَّا-ٱسن: "مَايمِّي؟ مَان لْجَرِيمَا إِݣ يݣَّا وَانِيتَا؟ نش وَار ذَايس ؤُفِيغ بُو شَان تُّهْمث إِي خف غَا يسْذَاهدْج ڒْموْث. نش اَذَاس ؤُشغ اَعْمُوْذ اَذَاس د ضڒْقغ."

يوحنا 18:38

ينَّا-ٱس بِيلَاطُوْس: "إِيوَا مِين ثعْنَا لْحَقِيقَا-يَا؟" وَامِي ينَّا اَمُّو، ئِفّغ عَاوذ غَار يسْرَائِيلِيْين ينَّا-ٱسن: "وَار ذَايس ؤُفِيغ بُو تُّهْمث.

ڒخذايم 25:25

نش وَار خَاس ؤُفِيغ بُو شَان ڒْحَاجث يسْذَاهدْج خَاس ڒْموْث. وَامِي يسْتَانف دَّعْوث نّس غَار لْمَلِك قَيْصَر، خْسغ اَغَارس ث سّكّغ.

ڒخذايم 3:13

لَّا، ذ أَربِّـي ن ڒجْذُوْذ نّغ يعْنِي أَربِّـي ن بْرَاهِيم ذ أَربِّـي ن إِسْحَاق ذ أَربِّـي ن يعْقُوْب. لِأَنَّا ذ نتَّا إِي د يسْبيّْنن لْعَظَمَا نّس ذݣ وخدَّام نّس عِيْسَى. وَلَكِن ذ كنِّيو إي ث يسلّْمن إ لْحُكَّام ثنْكَرم-ث زَّاث إِ بِيلَاطُوْس وَامِي تُوْغَا يرزُّو اَذَاس يضْڒق.

يعيبرانيين 7:26

شُوْف، ئِجّن ن ڒفْقِي اَمقّْرَان اَم وَانِيتَا ذ نتَّا إِي نحْذَاج. نتَّا عَظِيم، بْڒَا ڒْعِيب، ئِصْفَا، ئِنعْزڒ زݣ يِوْذَان إِي ݣِّين ڒْمُعْصِيّث، ئِتْوَاسمْغَار يُوْعْڒَا خ يجنَّاثن.

1 بطرس 1:19

لَّا، ئِسُّوْفغ-يكنِّيو-د س يذَامّن نِّي إِي يغْڒَان س وَاطَّاس ن لْمَسِيح يعْنِي يزْمَار نِّي يدْجَان بْڒَا ڒْعِيب بْڒَا ڒوْسخ.

1 بطرس 2:22

نتَّا وَار يݣِّي ؤُڒَا ذ يجّن ن ڒْمُعْصِيّث، وَار ذَاس د يكِّي ؤُڒَا ذ يج وخَرِّيق زݣ وقمُّوْم نّس.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.