لوقا 23:2 - ثريفيث 2020

² بْذَان تْتَاهْمن-ث نَّان: "نُوْفِي-ث يتݣّ لْبلْبَلَا ذِي شَّعْب. ئِقَّار-اَسن وَار تِيشّث بُو ضَّرِيبَا إِ وزدْجِيذ قَيْصَر. نتَّا يحسّب يخف نّس ذ لْمَسِيح يعْنِي ذ يجّن ن وزدْجِيذ."

لوقا 23:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:27

وَلَكِن يتْخصَّا وَار نسْخيّق حَدّ. رُوْح غَار ڒبْحَر نْضَر ثِصنَّارْث ذݣ وَامَان، أَسْڒم نِّي إِي غَا ثطّْفذ ذ اَمزْوَارُو، رْزم-اَس اَقمُّوْم اَذَايس ثَافذ يجّن ن ثْپـيَّاسْت ن نُّقَارْث. يْسِي-ت ؤُش-اَسن-ت، خدْجس خَاش ذ خَافِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 22:21

نَّان-اَس: "ن قَيْصَر." ئِنْدق-د عِيْسَى ينَّا-ٱسن: "مِين يدْجَان ن قَيْصَر ؤُشم-اَس-ث إِ قَيْصَر. مِين يدْجَان ن أَربِّـي ؤُشم-اَس-ث إِ أَربِّـي."

أَسڒْمذ ن سِيذِيثْنغ عِيْسَى لْكِتَاب ن مَتَّى 27:11

ئِبدّ عِيْسَى زَّاث إِ لْحَاكم نِّي اَرُّوْمَانِي. ئِسّقْسَا-ث لْحَاكم ينَّا-ٱس: "مَا ذ شك ذ اَزدْجِيذ ن أَيث-إِسْرَائِيل؟" ينَّا-ٱس عِيْسَى: "أَقَا ثنِّيذ-ت شك."

مرقس 12:17

ئِنْدق-د عِيْسَى ينَّا-ٱسن: "مِين يدْجَان ن قَيْصَر ؤُشم-اَس-ث إِ قَيْصَر. مِين يدْجَان ن أَربِّـي ؤُشم-اَس-ث إِ أَربِّـي." أُوْشَا قِّيمن تْعجّْبن ذَايس.

مرقس 15:2

ئِسّقْسَا-ث بِيلَاطُس ينَّا-ٱس: "مَا ذ شك ذ اَزدْجِيذ ن أَيث-إِسْرَائِيل؟" ينَّا-ٱس عِيْسَى: "أَقَا ثنِّيذ-ت شك."

لوقا 23:14

ينَّا-ٱسن: "كنِّيو ثُوْوِيم-اَيِي-د بْنَاذم-أَ ثنِّيم-اَيِي قَا يتݣّ ڒْفِتْنَا جَار يِوْذَان. نش خمّْمغ ذِي ثْمسْڒَايْث-أَ زَّاثْوم. وَار ذَايس ؤُفِيغ ذݣ وثَرَّاس-أَ بُو شَان تُّهْمث عْلَاحْسَاب مِين ثقَّارم كنِّيو.

لوقا 23:5

وَلَكِن نِثْنِي زيَّارن خَاس اَطَّاس نَّان-اَس: "ئِتݣّ ڒْفِتْنَا ذِي مَارَّا ثَمُوْرْث ن يَهُوْذِيَا س وسڒْمذ نّس. ئِبْذَا ذِي ثْمُوْرْث ن لْجَلِيل، ڒخُّو اَقَاث ذَا."

يوحنا 18:29

ئِفّغ-د غَارْسن لْحَاكم ذ اَرُوْمَانِي قَّارن-اَس بِيلَاطُوْس، ينَّا-ٱسن: "مَان تُّهْمث إِي غَارْوم خ بْنَاذم-أَ؟"

يوحنا 18:30

نَّان-اَس: "مَعْلِيك وَار يدْجِي ذ لْمُجْرِيم، أَتَاف وَار ذَاش ثِيذ نْتِيوِي شَا ذَا."

يوحنا 19:12

سّنِّي يرزُّو بِيلَاطُوْس اَذَاس يضْڒق. وَلَكِن يسْرَائِيلِيْين تْعيَّاضن س جّْهذ قَّارن: "مڒَا ثْضڒْقذ إِ ورْيَاز-أَ اَتَاف وَار ثدْجِيذ شَا ذ اَمدُّوْكڒ ن قَيْصَر. مَارَّا ونِّي يتَارَّان يخف نّس ذ اَزدْجِيذ نتَّا ضد إِ قَيْصَر."

ڒخذايم 24:13

وَار غَارْسن بُو دَّلِيل خ تُّهْمَاث-أَ إِي خَافِي تْقدَّامن ڒخُّو.

ڒخذايم 24:5

أَرْيَاز-أَ وَانِيتَا نُوْفِي-ث يتْخَارْوَاض وَاهَا يتݣّ لْفِيتْنَا جَار مَارَّا يسْرَائِيلِيْين إِي دْجَان ذِي مَارَّا دُّنشْت. نتَّا ذ يجّن ن اَرَّايس ن لْبِدْعَا ن نَّصَارَا.

أيث-روما 13:7

مْكُڒ يجّن ؤُشم-اَس ڒْحَقّ نّس: ضَّرِيبَا إِ بَاب ن ضَّرِيبَا، ڒَعْشُوْر إِ بَاب ن ڒَعْشُوْر، لإِحْتِرَام إِ بَاب ن لإِحْتِرَام، ڒوْقَار إِ بَاب ن ڒوْقَار.