لوقا 22:53 - ثريفيث 2020

⁵³ تُوْغَا تْغِيمِيغ اَكِذْوم مْكُڒ نْهَار ذِي ثمْزِيذَا ثَمقّْرَانْت، وَار ذَايِي ثطِّيفم شَا. وَلَكِن ڒخُّو ذ ثْسَعَّات نْوم ذ جّْهذ ن ثَادْجسْث."

لوقا 22:53 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:23

يُوْذف عِيْسَى ذِي ثمْزِيذَا ثَمقّْرَانْت يسڒْمَاذ ذِنِّي. قَارّْبن-د غَارس اَرُّوْيَاس ن ڒْفُقَهَا ذ يمقّْرَانن زِي أَيث-إِسْرَائِيل نَّان-اَس: "شك مَانِيس ذَاش د ثكَّا سُّلْطَا نِّي إِي زِي تݣّذ ثِمسْڒَايِين-أَ؟ وِي ذَاش يُوْشِين سُّلْطَا نِّي؟"

لوقا 22:52

ينَّا-ٱسن عِيْسَى إِ اَرُّوْيَاس ن ڒْفُقَهَا ذ يمقّْرَانن ن يعسَّاسن ن ثمْزِيذَا ثَمقّْرَانْت ذ يمقّْرَانن ن أَيث-إِسْرَائِيل إِي غَارس د يُوْسِين: "مَا تْغِير-اَوم قَا نش ذ لْمُجْرِم وَامِي د ثيْسِيم ڒسْيُوْف ذ يدبُّوْزن حمَا اَذَايِي ثطّْفم نِغ؟

لوقا 22:54

طّْفن عِيْسَى، ؤُوِين-ث غَار ثدَّارْث ن اَرَّايس ن ڒْفُقَهَا سِيذْفن-ث. ئِذْفَار-يث بُطْرُس زي ڒݣّْوَاج.

يوحنا 12:27

ڒخُّو ڒَعْمَر ينُو يخيّق. مَا ٱذ ينِيغ: آ بَابَا سنْجم-اَيِي زِي ڒْوقْث-أَ؟ لَّا، خ سَّبَاب ن ڒْوقْث-أَ مِينْخف إِي د ؤُسِيغ.

يوحنا 13:30

وَامِي يطّف اَرقُّوْز نِّي ن وغْرُوْم صَافِي ئِفّغ. ڒخْدّنِّي ثُوْوض-د ثْمدِّيث.

يوحنا 14:30

وَار كِذْوم سِّيوِيرغ شَا نش عَاذ اَطَّاس مِينْزِي لْمُفْسِيد نِّي اَمقّْرَان ن دُّنشْت-أَ يتَاس-د. وَار غَارس بُو ثْزمَّار خَافِي.

يوحنا 7:30

ڒخْدّنِّي رزُّوْن اَث طّْفن، وَلَكِن وَار خَاس يسرْس فُوْس حَدّ زَّايْسن مِينْزِي ڒْوقْث نّس عَاذ وَار د تُوْوِيض.

يوحنا 7:45

عقْبن-د يعسَّاسن غَار يفَرِّيسِيْين ذ اَرُّوْيَاس ن ڒْفُقَهَا. سِّيوْڒن اَك يعسَّاسن نِّي نَّان-اَسن: "مَايمِّي وَار ثِيذ تُوْوِيم؟"

ڒخذايم 26:18

بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.

أيث-ؤفسوس 6:12

لِأَنَّا نشِّين وَار نتْمنْغِي شَا ضد إِ يِوْذَان ن ويْسُوْم ذ يذَامّن. لَّا، نتْمنْغَا ضذ ن ثْزمَّار ن ثَادْجسْت-أَ ثَانِيتَا ن زْمَان-أَ ذ يِنِّي إِݣ يحكّْمن ذ يِنِّي إِݣ يجهْذن ذِي ثَادْجسْت-أَ. نشِّين نتْمنْغَا ضذ ن شَّيَاطِين يعفَّانن إِݣ يدْجَان ذݣ يمُوْشَان ن يجنَّاثن.

أيث-كولوس 1:13

ئِسفْڒث-اَنغ زِي ڒحْكَام ن ثَادْجسْت يسِّيوض-اَنغ غَار ڒْمُلْك ن مِّيس يعِيزّن.