لوقا 20:17 - ثريفيث 2020

¹⁷ ئِخْزَر غَارْسن ينَّا: "مِين يخس اَذ يِينِي وَاوَاڒ-أَ إِي يُوْرِين ذِي لْكِتَاب؟ <أَزْرُو إِي عِيفّن يبنَّاين، يوْقع ذݣ ومْشَان اَصبْحَان ذِي ثْغمَّارْث ن دْسَاس.>

لوقا 20:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:42

ينَّا-ٱسن عِيْسَى: "مَا عمَّارْص وَار ثغْرِيم مِين يُوْرِين ذِي لْكِتَاب؟ <أَزْرُو إِي عِيفّن يبنَّاين، يوْقع ذݣ ومْشَان اَصبْحَان ذِي ثْغمَّارْث ن دْسَاس. ذ سِيذِي أَربِّـي إِݣ يݣِّين مَانَايَا، ذ يجّن ن ڒْحَاجث ذ ثَمقّْرَانْت!>

مرقس 10:23

ئِخْزَر غَارْسن عِيْسَى ينَّا-ٱسن إ يْمحْضَارن نّس: "مشْحَاڒ يقْسح خَاسن خ تْوَاجَر اَذ اَذْفن ڒْمُلْك ن أَربِّـي."

مرقس 12:10

مَا عمَّارْص وَار ثغْرِيم مين يُوْرِين ذي لْكِتَاب؟ <أَزْرُو إِي عِيفّن يبنَّاين، يوْقع ذݣ ومْشَان اَصبْحَان ذِي ثْغمَّارْث ن دْسَاس.

مرقس 3:5

ئِخْزَر غَارْسن يعصّب، ئِخيّق ڒَاحقَّاش ؤُڒَاون نْسن قسْحن. ينَّا-ٱس إِ ورْيَاز نِّي: "سَرّح فُوْس نّش." يسَرّح-يث أُوْشَا يذْوڒ وفُوْس نّس يݣنْفَا.

لوقا 19:41

وَامِي عْڒَاين اَذ يَاوض غَار ثنْدِينْت ن لْقُدْس، ئِࢲْرِي-ت يبْذَا يتْرُو خَاس.

لوقا 22:37

أَذَاوم ينِيغ: أُو لَابُد اَذَايِي يوْقع مِين يُوْرِين ذِي لْكِتَاب عْلَاحْسَاب مَامش يقَّار: <حسْبن-ث اَك لْمُجْرِمِين.> إِيوَا مِين خَافِي يُوْرِين صَافِي اَذ يوْقع."

لوقا 22:61

ئِنقْڒب-د سِيذِيثْنغ يخْزَر غَار بُطْرُس، بُطْرُس يفكَّر-د اَوَاڒ نِّي إِي ذَاس ينَّا سِيذِيثْنغ: قْبڒ مَا ٱذ يدّن ويَازِيض اَتَاف اَذَايِي ثنْكَرذ ثْڒَاثَا ن ثْوَاڒَاثِين.

لوقا 24:44

ينَّا-ٱسن: "ذ وَا ذ اَوَاڒ إِي زِي كِذْوم سِّيوْڒغ وَامِي عَاذ تُوْغَا دْجِيغ اَكِذْوم، يعْنِي لَابُد اَذ يكمّڒ مَارَّا مِين خَافِي يُوْرِين ذِي شَّرِيعَا ن مُوْسَى ذ لْكُتُب ن لْأَنْبِيَا ذ زَّبُوْر."

يوحنا 15:25

مَانَايَا يوْقع حمَا اَذ يكمّڒ وَاوَاڒ إِݣ يُورِين ذِي شَّرِيعَا نْسن وَامِي ينَّا <قَا عِيفّن-اَيي بْڒَا سَّبَاب.>

ڒخذايم 4:11

عِيْسَى-يَا نتَّا ذ اَزْرُو نِّي إِي ثْعِيفّم كنِّيو يبنَّاين. ڒخُّو يذْوڒ ذ اَزْرُو اَصبْحَان اَقَاث ذِي ثْغمَّارْث ن دْسَاس.

أيث-ؤفسوس 2:20

ثَدَّارْث-أَ نتَّاث ثبْنَا خ دْسَاس ن يِيزْرَا يدْجَان ذ اَرُّسُل ذ لْأَنْبِيَا. أُو لْمَسِيح س يِيخف نّس اَقَاث ذ اَزْرُو نِّي يدْجَان ذݣ ومْشَان اَصبْحَان ذِي ثْغمَّارْث ن دْسَاس نّس.

1 بطرس 2:6

قَا مَانَايَا إِݣ يقَّار لْكِتَاب: <أَقَا خْضَرغ يج ن وزْرُو، سْرُوْسِيغ-ث خ وذْرَار ن لْقُدْس. نتَّا يسوَّا اَطَّاس، ݣِّيغ-ث ذِي ثْغمَّارْث ن دْسَاس. ونِّي إِي زَّايس غَا يَامْنن وَار يندّم شَا.>