لوقا 2:14 - ثريفيث 2020

¹⁴ "لْعَظَمَا إِ أَربِّـي يُوْعْڒَان، ذ ڒهْنَا ن يِنِّي ذِي ثْمُوْرْث مِيخف يرْضَا."

لوقا 2:14 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:9

يِنِّي يݣُّوْرن زَّاثس ذ يِنِّي إِي ث يذفَّارن قَّارن: "لْعَظَمَا إِ مِّيس ن أَيث-دَاود! سَّعْذ ن ونِّي إِي د يُوْسِين عْلَاحْسَاب يسم ن سِيذِي أَربِّـي. لْحَمْدُ إِ أَربِّـي يُوْعْڒَان."

لوقا 1:79

حمَا اَذ يُوْش ثْفَاوْث إِ يِنِّي يتْعِيشن ذِي ثَادْجسْت ذِي ثِيڒِي ن ڒْموْث، حمَا اَذَانغ يسُوْيُوْر يضَارن نّغ غَار وبْرِيذ ن ڒهْنَا."

لوقا 19:38

قَّارن: "سَّعْذ ن وزدْجِيذ إِي د يُوْسِين عْلَاحْسَاب يسم ن سِيذِي أَربِّـي. ڒهْنَا ذݣ وجنَّا، لْحَمْدُو إِ أَربِّـي يُوْعْڒَان!"

لوقا 2:13

عْلَاغَفْلَا مظْهَارن-د اَك لْمَلَائِكَا نِّي اَطَّاس ن يمزْذَاغ ن وجنَّا حمّْذن أَربِّـي قَّارن:

لوقا 2:15

وَامِي رُوْحنْت لْمَلَائِكَاث نِّي عقْبنْت غَار وجنَّا، سِّيوْڒن يمكْسَاون نِّي جَارَاسن نَّان: "يَالَّاهت أَ نْرَاحث غَار بَيْت لَحْم أَ نْࢲر مَانَايَا إِݣ يوقْعن مِين خَانغ يسِّيوڒ سِيذِي أَربِّـي."

لوقا 3:22

يهْوَا-د أَرُّوْح يقدّْسن ذِي صِّفث ن ثذْبِيرْث يَرْسَا-د خ عِيْسَى. ذ يجّن ن ثْمِيجَّا زݣ وجنَّا ثقَّار-اَس قَا شك ذ ممِّي يعِيزّن، نش فَرّْحغ زَّايك.

يوحنا 14:27

تِيجّغ-اَوم ڒهْنَا، تِيشّغ-اَوم ڒهْنَا ينُو. وَار ذَاوم ث تِيشّغ شَا اَم ث تِيشّ دُّنشْت. ئِتْخصَّا ؤُڒَاون نْوم وَا تْخيِّيقن وَار تݣّْوْذن شَا.

يوحنا 17:4

نش سمْغَارغ-ش ذَا ذِي ثْمُوْرْث، كمّْڒغ ڒْخذْمث إِي ذَايِي ثُوْشِيذ.

يوحنا 3:16

وَامِي يحِبّ أَربِّـي دُّنشْت-أَ، ئِهْذَا-يَاس مِّيس أَوحْذَانِي حمَا ونِّي زَّايس غَا يَامْنن وَار يفنِّي شَا اَغَارس ثِيڒِي ثُوْذَارْث ن ڒبْدَا.

ڒخذايم 10:36

ثسّْنم أَربِّـي يسّكّ-د اَوَاڒ نّس غَار أَيث-إِسْرَائِيل يتْبشَّار-يثن س لْإِنْجِيل ن ڒهْنَا س عِيْسَى لْمَسِيح، نتَّا ذ سِيذِيثْنغ ن مَارَّا يوْذَان.

أيث-روما 5:1

إِذن فَا وَامِي ذَانغ يسمْصْڒَاح أَربِّـي اَكِذس س لْإِيمَان نّغ اَقَانغ ذِي ڒهْنَا اَك أَربِّـي خ وفُوْس ن سِيذِيثْنغ عِيْسَى لْمَسِيح.

أيث-ؤفسوس 1:6

أَذ يتْوَابَرَك اَرْضَا نّس يمْغَارن، ئِفَرغ-يث-يذ خَانغ أَربِّـي س مِّيس يعِيزّن.

أيث-ؤفسوس 1:9

أُو عْلَاحْسَاب لْغَرَض نّس إِݣ يݣَّا ذِي لْمَسِيح يسْبيّن-اَنغ-د ڒْمَعْنَا ينُوْفَّرن ن ڒْخَاضَر نّس.

أيث-ؤفسوس 2:4

وَلَكِن أَربِّـي س ڒمْحِبّث نّس إِي يݣَّا إِ نشِّين ذ اَرَّحْمث نّس ثَمقّْرَانْت اَطَّاس، مِين ذَانغ يݣَّا نتَّا؟

أيث-ؤفسوس 2:7

مَايمِّي؟ حمَا سِيذِي أَربِّـي ذِي زْمَانَاث إِي د غَا يَاسن اَذ د يسْمظْهَار اَݣْڒَا نّس يعْنِي اَرْضَا نّس مشْحَاڒ إِݣ يدْجَا ذ اَمقّْرَان بْڒَا ڒقْيَاس إِي ذَانغ د يسْبيّن ذِي عِيْسَى لْمَسِيح.

أيث-فيليـپـي 2:11

أَذ يعْتَرف كُڒ يِيڒس اَذ يِينِي خ عِيْسَى لْمَسِيح قَا نتَّا ذ سِيذِيثْنغ اَزَّايس يسمْغَار أَربِّـي بَابَاثْنغ.

أيث-فيليـپـي 2:13

مِينْزِي ذ أَربِّـي إِݣ يسْخدَّامن اَرَّاي نْوم ذ ڒخْذَايم نْوم بَاش اَذ تݣّم لْغَرَض نّس ذ اَصبْحَان.

أيث-كولوس 1:20

ثُمَّا يسمْصْڒَاح أَربِّـي قَاع ثِمسْڒَايِين إِ يِيخف نّس إِݣ يدْجَان ذِي ثْمُوْرْث نِغ ذݣ وجنَّا يعْنِي يݣَّا ڒهْنَا س يذَامّن ن مِّيس إِي يُوْزّْڒن خ صَّلِيب.

2 أيث-سلونيك 2:16

سِيذِيثْنغ عِيْسَى س يِيخف نّس أُو عَاوذ أَربِّـي بَابَاثْنغ ونِّي إِي ذَانغ يُوْشِين س اَرْضَا نّس يجّن ن وشجّع وَار يفنِّين شَا عمَّارْص ذ يجّن ن لْأَمَال يصْبَاح، أَتَاف اَكنِّيو يشجّع س وُوْڒَاون نْوم اَثن يسجْهذ عْلَاحْسَاب ذِي كُڒ ڒْخذْمث ذ كُڒ اَوَاڒ اَصبْحَان.

لواحي ن يوحنا 5:13

ثُمَّا سْڒِيغ إِ كُڒ لْمخْلُوْق يدْجَان ذݣ وجنَّا ذ ثْمُوْرْث ذ سْوَادَّاي إِ ثْمُوْرْث ذ ڒبْحَر ذ مَارَّا مِين ذَايْسن قَّارن-اَسن إِ ونِّي يقِّيمن خ لْعَرْش ؤُڒَا ذ يِزْمَار: أَغَارْوم يِيڒِي لْحَمد ذ ؤُوقَّار ذ لْعَظَمَا ذ ڒحْكَام إِ ڒبْدَا ن ڒبْدَاث!"