لوقا 19:18 - ثريفيث 2020

¹⁸ يُوْسَا-د ونِّي وِيس ثْنَاين ينَّا-ٱس: آ سِيذِي، عشْرَا نِّي ن ڒُوْزْنَاث ن نُّقَارْث إِي ذَايِي ثُوْشِيذ كُڒ يشْتن ثَرْنِي خمْسَا نّغْنِي.

لوقا 19:18 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:23

وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم شَان بْنَاذم إِݣ يتْسْڒَان إِ وَاوَاڒ ن أَربِّـي، ئِفهّم-اَس يتَارو. ئِجّن يتَارو مِيَّا، ئِجّن ستِّين، ئِجّن ثْڒَاثِين."

أَسڒْمذ ن سِيذِيثْنغ عِيْسَى لْكِتَاب ن مَتَّى 25:22

عَاوذ يقَارّب-د وخدَّام نِّي ؤُمِي يُوْشَا اَڒفَاين ن ڒُوْزْنَاث ينَّا-ٱس إِ سِيذس: آ سِيذِي، ثُوْشِيذ-اَيِي شك اَڒفَاين ن ڒُوْزْنَاث، نش ؤُوِيغ-د اَڒفَاين نّغْنِي.

مرقس 4:20

وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم يِوْذَان إِي تسْڒَان إِ وَاوَاڒ ن أَربِّـي قبْڒن-ث تَارْون. ڒبْعَاض تَارْون ثْڒَاثِين، ڒبْعَاض ستِّين، ڒبْعَاض مِيَّا."

لوقا 19:13

ئِڒَاغَا-د خ عشْرَا زݣ يخدَّامن نّس، كُڒ يجّن زَّايْسن يُوْشَا-ٱس عشْرَا نْ ڒُوْزْنَاث ن نُّقَارْث. ينَّا-ٱسن: ݣّم زَّايْسنْت تِّجَارَا اَڒ د غَا ذوْڒغ.

لوقا 19:17

أَزدْجِيذ نِّي ينَّا-ٱس: ثݣِّيذ مْلِيح آي اَخدَّام اَصبْحَان! شك ذَايك ڒَامَان خ ذْرُوْس، ڒخُّو اَذَاش ؤُشغ اَذ تْحكْمذ خ عشْرَا ن ثْندَّام.

لوقا 19:19

ينَّا-ٱس وزدْجِيذ: أَذَاش ؤُشغ اَذ تْحكْمذ خ خمْسَا ن ثْندَّام.

22 أيث-كورينث 8:12

لِأَنَّا بْنَاذم مڒَا س ڒْخَاضَر نّس، مِين غَا يصدّق اَذ يتْوَاقْبڒ. وَلَكِن عْلَاحْسَاب مِين غَارس ذ اَݣْڒَا مَاشِي عْلَاحْسَاب مِين وَار غَارس.