30 أَتَاف اَغَارس ثِيڒِي ذِي دُّنشْت-أَ كْتَار س وَاطَّاس. أُو ذِي زْمَان إِي د غَا يَاسن اَتَاف اَغَارس ثِيڒِي ثُوْذَارْث ن ڒبْدَا."
ونِّي غَا يِينِين شَان وَاوَاڒ وَار يحْڒِين خ مِّيس ن بْنَاذم، أَتَاف اَخَاس يغْفَر. وَلَكِن ونِّي غَا يِينِين شَان وَاوَاڒ وَار يحْڒِين خ أَرُّوْح يقدّْسن، أَتَاف وَار خَاس يغفَّر شَا لَّا ذِي دُّنشْت-أَ أُو لَّا ذِي لْأَخِيرَا.
ئِفّغ ڒخْبَار نّس ذِي سُوْرْيَا اَمن-ثكْمَاڒ. تَّاوْين-د غَارس مَارَّا يِنِّي يهڒْشن تْعدَّابن س لْأَنْوَاع ن ڒهْڒَاشَاث ذ ڒحْڒِيقَاث، مْكُڒ يمَرْيَاحن ذ يمجْنُوْنن ذ ينشْرُوْفن نتَّا يسْݣنْفَا-ثن.
مڒَا ثسْتْرِينَارذ يخف نّش س اَرِّيَاضَا، أَذ تَاوِيذ يجّن ن اَرْبَاح اَش ينفّع شْوَايْت. مڒَا ثسْتْرِينَارذ س لْإِيمَان، أَذ تَاوِيذ يجّن ن اَرْبَاح اَش ينفّع إِ ثْمسْڒَايِين مَارَّا. لْإِيمَان-أَ يوْعذ-يش عْلَاحْسَاب ثُوْذَارْث-أَ يدْجَان ڒخُّو ذ ثنِّي إِي د غَا يَاسن.
فَا لْإِيمَان إِي ذِي ثدْجَا ڒقْنَاعث نتَّا ذ يجّن ن اَرْبَاح ذ اَمقّْرَان.
وَار تݣّْوذ شَا زِي مَامّش إِي غَا تْوَاعدّْبذ. أَقَا إِبْڒِيس اَذ يسِيذف ڒبْعَاض زَّايْوم غَار ڒحْبس حمَا اَذ تْوَاجَرّْبم. أَذ تْسعْذُوْم ڒمْحَاين ذي عشْرَايَّام. اَرْنِي ذِي لْإيْمَان نّش وَاخَّا اَش نْغن، نش اَذَاش ؤُشغ تَّاج ن ثُوْذَارْث.
صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن، أَذَاس ؤُشغ اَذ يشّ اَغْرُوْم ن لْمَنَّا ونِّي يتْوَاسْنُوْفّرن. أَذَاس ؤُشغ اَزْرُو ذ اَشمْڒَاڒ يُوْرَا ذَايس يجّن ن يِيسم ذ جْذِيذ وَار ث يسِّين حَدّ إِلَّا ونِّي إِي ث غَا يقبْڒن.
ونِّي غَا يربْحن اَث جّغ اَكِذِي يقِّيم خ لْعَرْش ينُو، أَم ربْحغ ؤُڒَا ذ نش قِّيمغ اَك بَابَا خ لْعَرْش نّس.