لوقا 18:14 - ثريفيث 2020

¹⁴ أَذَاوم ينِيغ: ونِّي يجمّْعن ضَّرِيبَا يذْوڒ غَار ثدَّارْث نّس مْلِيح يمصْڒَاح اَك أَربِّـي، اَفَرِّيسِي نِّي لَّا. مِينْزِي ونِّي يسمْغَارن يخف نّس، أَتَاف اَذ يِيڒِي ذ اَمزْيَان. ونِّي يسمْزَاين يخف نّس، أَتَاف اَذ يِيڒِي ذ اَمقّْرَان."

لوقا 18:14 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:12

ونِّي يسمْغَارن يخف نّس، أَتَاف اَذ يِيڒِي ذ اَمزْيَان. ونِّي يسمْزْيَان يخف نّس، أَتَاف اَذ يِيڒِي ذ اَمقّْرَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:3

"سَّعْذ نْسن إِ يِنِّي يدْجَان ذ ڒْمُسَاكِين ذݣ اَرُّوْح نْسن، أَقَا ڒْمُلْك وجنَّا إِ نِثْنِي.

لوقا 1:52

ئِسهْوَا-د يزدْجِيذن زِي لْعَرْشَاث نْسن، يسْݣَعّذ يِنِّي يدْجَان ذ ذْرَاوش.

لوقا 10:29

وَلَكِن ونِّي يتْشرَّاحن شَّرِيعَا يرزُّو اَذ يُوْش ڒْحَقّ خ يِيخف نّس، ينَّا-ٱس إِ عِيْسَى: "مِين يعْنَا وَاجَّار ينُو؟"

لوقا 14:11

ڒَاحقَّاش ونِّي يسمْغَارن يخف نّس، أَتَاف اَذ يِيڒِي ذ اَمزْيَان. ونِّي يسمْزَاين يخف نّس، أَتَاف اَذ يِيڒِي ذ اَمقّْرَان."

لوقا 16:15

ينَّا-ٱسن عِيْسَى: "كنِّيو ذ يِنِّي إِي يرزُّوْن اَذ ؤُشن ڒْحَقّ خ يِيخف نْسن زَّاث إِ يِوْذَان، وَلَكِن أَربِّـي يسّن مِين غَارْوم ذݣ وُوْڒَاون نْوم. مِين يتَارَّان بْنَاذم غَارس لْقِيمَا، أَتَاف مَانَاينِّي ذ اَعفَّان اَطَّاس غَار أَربِّـي.

أيث-روما 3:20

فَلِهَذَا، ؤُڒَا ذ يجّن ن بْنَاذم وَار يزمَّر اَذ يمصْڒَاح اَك أَربِّـي س ڒخْذَايم إِي ذَايس ذِي شَّرِيعَا؛ لَّا، شَّرِيعَا ثسْبيَّان-اَنغ-د مِين ثعْنَا ڒْمُعْصِيّث.

أيث-روما 4:5

ونِّي وَار يتْوكِّيڒن خ ڒخْذَايم إِݣ يتݣّ، ئِتْوكِّيڒ خ أَربِّـي يتَارَّان لْعَاصِي غَار وبْرِيذ، وَانِيتَا يسمْصْڒَاح-يث أَربِّـي اَكِذس س لإِيمَان إِي ذَايس.

أيث-روما 5:1

إِذن فَا وَامِي ذَانغ يسمْصْڒَاح أَربِّـي اَكِذس س لْإِيمَان نّغ اَقَانغ ذِي ڒهْنَا اَك أَربِّـي خ وفُوْس ن سِيذِيثْنغ عِيْسَى لْمَسِيح.

أيث-روما 8:33

وِي يزمَّرن اَذ يتَاهم يِنِّي إِي يخْضَر أَربِّـي؟ ؤُڒَا ذ يجّن! أَربِّـي س يِيخف نّس نتَّا إِݣ يسمْصْڒَاحن اَكِذس يوْذَان.

أيث-ݣلاطيا 2:16

إِنَّمَا، نسّن بلِّي بْنَاذم وَار يتْوَاسمْصْڒَاح شَا اَك أَربِّـي يعْنِي مڒَا يطَاع إِ شَّرِيعَا ن مُوْسَى؛ لَّا، مَانَايَا إِلَّا س لْإِيمَان زِي عِيْسَى لْمَسِيح. خ مَانَايَا ؤُڒَا ذ نشِّين نُوْمن زِي عِيْسَى لْمَسِيح بَاش أَ نمْصْڒَاح اَك أَربِّـي س لْإِيمَان نِّي إِي زِي نُوْمن، مَاشِي س طَّاعَا ن شَّرِيعَا ن مُوْسَى. لِأَنَّا ؤُڒَا ذ يجّن ن بْنَاذم وَار يتْوَاسمْصْڒَاح شَا اَك أَربِّـي س طَّاعَا ن شَّرِيعَا نِّي.

ثبرات غار يعقوب 4:10

سمْزْيث يخف نْوم زَّاث إِ سِيذِي أَربِّـي، نتَّا اَكنِّيو يسمْغَار.

ثبرات غار يعقوب 4:6

وَلَكِن نتَّا يَرْنِي-يَانغ-د اَرْضَا زَّايس. س مَانَايَا يقَّار لْكِتَاب: <أَربِّـي اَقَاث ضد ن يِنِّي يسمْغَارن يخف نْسن، يِنِّي يسمْزَاين يخف نْسن يتِيشّ-اَسن اَرْضَا نّس.>