لوقا 18:12 - ثريفيث 2020

¹² تْࢲُوْمِّيغ يُوْمَاين ذِي سِّيمَانَا، تْعشَّارغ خ مَارَّا مِين ربْحغ ذ اَݣْڒَا.

لوقا 18:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:20

أَقَا قَّارغ-اَوم: مڒَا وَار ثتْطِيْعِيم شَا إِ مِين يقَّار أَربِّـي كْتَار زِي مِين تݣّن يمْسڒْمَاذن ن شَّرِيعَا ذ ڒْحِزب ن يفَرِّيسِيْين، أَتَاف عمَّارْص اَذ تَاذْفم ڒْمُلْك وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:1

غَارْوم اَذ تݣّم ڒْخِير زَّاث إِ يِوْذَان حمَا اَكنِّيو ࢲرن، أَتَاف وَار غَارْوم يتِيڒِي بُو لْأَجَار زِي بَابَاثْوم يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:16

خْمِي غَا ثْࢲُوْمّم، وَار تݣّم شَا اَمشْنَاو مَامّش تݣّن لْمُنَافِقِين. تْخيَّاقن حمَا مَارَّا يوْذَان اَثن سّْنن بلِّي ࢲُوْمّن. أَقَا تسْڒَام ڒْحَقّ: أَتَاف وَار غَارْسن يتِيڒِي بُو لْأَجَار.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:5

خْمِي غَا ثࢲَّادْجم، وَار تِيڒِيم شَا اَم لْمُنَافِقِين إِي تخْسن اَذ ࢲَّادْجن اَمن بدّن ذِي ثمْزِيذَاوِين ذ ثْغمُّوْرَا ن زْنَاقِي حمَا اَثن ࢲرن يِوْذَان. أَقَا تسْڒَام ڒْحَقّ: وَار غَارْسن يتِيڒِي بُو لْأَجَار.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:14

ثُمَّا قَارّْبن-د يمحْضَارن ن يَحْيَى غَار عِيْسَى نَّان-اَس: "مَايمِّي نشِّين ذ ڒْحِزب ن يفَرِّيسِيْين ڒبْدَا نتْࢲُوْمَّا، ئِمحْضَارن نّش وَار تْࢲُوْمِّين شَا؟"

لوقا 11:42

يَا ڒفْضِيحث نْوم آ ڒْحِزب ن يفَرِّيسِيْين! تِيشّم ڒَعْشُوْر ؤُڒَا خ نَعْنَاع ذ ؤُوْرَام ذ مَارَّا ڒَاعْشُوْب، وَلَكِن وَار تهْتِيمِيم شَا زِي ڒْحَقّ ذ ڒمْحِبّث ن أَربِّـي. لَّا، ئِخصَّا-ٱوم اَذ تهْتَامم س مَانَايَا بْڒَا مَا تتُّوْم ڒَعْشُوْر.

لوقا 17:10

أَمُّو ؤُڒَا ذ كنِّيو. مڒَا ثݣِّيم مَارَّا مِينْخف كنِّيو وصَّان، أَتَاف اَذ تِينِيم نشِّين ذ يخدَّامن وَاهَا، نْتݣّ غِير لْوَاجِب نّغ يتْخصَّا اَث نݣّ."

أيث-روما 3:27

إِيوَا مَا أَ نفْتَخر س شَان ڒْحَاجث؟ لَّا، ممْنُوْع! مَا ممْنُوْع س شَّرِيعَا، يعْنِي س لْحَسَانَاث؟ لَّا، س لإِيمَان!

1 أيث-كورينث 1:29

مَايمِّي؟ حمَا ؤُڒَا ذ يج ن بْنَاذم وَار يتفْتَاخَر شَا زَّاث إِ أَربِّـي.

أيث-ݣلاطيا 1:14

تُوْغَا نش تْݣَعَّاذغ مْلِيح ذِي دِّين ن أَيث-إِسْرَائِيل عْڒَاين قَاع حْسن زݣ يقْرِينن ينُو. تُوْغَا نش رزُّوْغ اَطَّاس اَذ ݣّغ لْوَاجِب عْلَاحْسَاب لْعَادَاث ن ڒجْذُوْذ ينُو.

أيث-ؤفسوس 2:9

مَانَايَا مَاشِي عْلَاحْسَاب لْحَسَنَاث نْوم لَّا، بَاش ؤُڒَا ذ يجّن وَار يتفْتَخَر شَا زݣ يِيخف نّس.

1 تيموتاوس 4:8

مڒَا ثسْتْرِينَارذ يخف نّش س اَرِّيَاضَا، أَذ تَاوِيذ يجّن ن اَرْبَاح اَش ينفّع شْوَايْت. مڒَا ثسْتْرِينَارذ س لْإِيمَان، أَذ تَاوِيذ يجّن ن اَرْبَاح اَش ينفّع إِ ثْمسْڒَايِين مَارَّا. لْإِيمَان-أَ يوْعذ-يش عْلَاحْسَاب ثُوْذَارْث-أَ يدْجَان ڒخُّو ذ ثنِّي إِي د غَا يَاسن.