لوقا 17:6 - ثريفيث 2020

⁶ يَارَّا خَاسن سِيذِيثْنغ ينَّا-ٱسن: "مْڒِي ذَايْوم لإِيمَان غِير اَنشْت يجّن ن ثْحبُّوْشْت ن بُوْݣَرْذَاڒ، أَتَاف اَذَاس ثِينِيم إِ ثْشجَّارْث-أَ ن تُّوْث: نقْڒع-د شم س يࢲوْرَان رُوْح اَذ تࢲُّوْذ يخْف نّمْ ذِي ڒبْحَر، أَتَاف اَذَاوم ثݣّ اَرَّاي."

لوقا 17:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 14:29

ينَّا-ٱس عِيْسَى: "أَرَاح-د!" ئِكَّر يهْوَا-د بُطْرُس زِي ثْغَرَّابُوْت يݣُّوْر خ يضَارن خ وَامَان غَار عِيْسَى.

أَسڒْمذ ن سِيذِيثْنغ عِيْسَى لْكِتَاب ن مَتَّى 17:20

ينَّا-ٱسن عِيْسَى: "ڒَاحقَّاش لْإِيمَان نْوم ذ ؤُقْلِيل. أَقَا تسْڒَام ڒْحَقّ: مْڒِي ذَايْوم لْإِيمَان غِير اَنشْت يجّن ن ثْحبُّوْشْت ن بُوْݣَرْذَاڒ، أَذ تِينِيم إِ وذْرَار-أَ: نقْڒع-د شك سَّانِيتَا رُوْح غَار ذِيهَا اَتَاف اَذ د ينقْڒع. وَار خَاوم يتقْسِيح وَالُو.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:21

ئِنْدق-د عِيْسَى ينَّا-ٱسن: "أَقَا تسْڒَام ڒْحَقّ: مْڒِي ذَايْوم لْإِيمَان وَار ثْشكِّيم شَا، أَتَاف اَذ تݣّم كْتَار زِي مِين يتْوَاݣّن إِ ثْشجَّارْث-أَ. مڒَا ثنِّيم إِ وذْرَار-أَ: نقْڒع-د شك سَّانِيتَا ثْمنْضَارذ ذِي ڒبْحَر، أَتَاف اَذ ينقْڒع.

مرقس 4:31

ڒْمُلْك ن أَربِّـي يݣَّا اَم يِجّن ن زَّرِّيعث ن يِجّن ن نُّوْع ن اَرْبِيع قَّارن-اَس بُوْݣَرْذَاڒ. خْمِي ت زرْعن ذِي ثْمُوْرْث تِيڒِي ذ ثَمزْيَانْت قَاع خ مَارَّا ثِحبَّا يدْجَان ذِي ثْمُوْرْث.

مرقس 9:23

ينَّا-ٱس عِيْسَى: "مَايمِّي إِي غَا ثِينِيذ مڒَا زمَّرغ؟ إِيوَا ونِّي يُوْمْنن يزمَّر إِ كُڒْشِي."

لوقا 13:19

ڒْمُلْك ن أَربِّـي يݣَّا اَم يِجّن ن زَّرِّيعث ن يجّن ن نُّوْع ن اَرْبِيع قَّارن-اَس بُوْݣَرْذَاڒ. ئِيْسِي-ت يجّن ورْيَاز يُوْوِي-ت يࢲُّو-ت ذِي ڒْعَرْسث نّس. ثمْغَار ثْذوّڒ اَم ثْشجَّارْث، ئِجْضَاض تَاسن-د تݣّن ذَايس ڒَعْوَاش نْسن."

لوقا 17:7

"شُوْف، شَان يِجّن زَّايْوم مَثَالَان غَارس اَخدَّام يتْفدْجَاح نِغ يتْرَاسّ يحُوْڒِيْين. خْمِي غَا د يعْقب زݣ ومَرْجع، مَا ٱذَاس ثِينِيذ قِّيم ذغْيَا اَذ تشّذ؟

لوقا 19:4

يُوْزّڒ غَار زَّاث يݣَعّذ خ يِجّن ن ثْشجَّارْث ن ثَازَارْث ن يسمْغَان خ وبْرِيذ نِّي مَانِيس د غَا يكّ عِيْسَى حمَا اَث يࢲر.

لوقا 7:13

وَامِي ت يࢲْرَا سِيذِيثْنغ ثقّس-اَس ينَّا-ٱس: "وَار تْرُو شَا!"

لوقا 7:19

يسّكّ-يثن غَار سِيذِيثْنغ حمَا اَذَاس ينِين مَا ذ شك إِي خف نتْسْڒَا اَذ د تَاسذ نِغ أَ نْرَاجَا شَان يِجّن نّغْنِي؟

1 أيث-كورينث 13:2

نش مَعْلِيك غَارِي لْقُدْرَا اَذ سِّيوْڒغ اَم لْأَنْبِيَا، مَعْلِيك فهْمغ مَارَّا مِين ينُوْفَّرن ذ مَارَّا ثُوْسْنَا، مَعْلِيك سْخدَّامغ لْإِيمَان اَذ سْمُوْتِّيغ يذُوْرَار-أَ، إِڒِي ذ وَالُو إِي دْجِيغ نش مڒَا وَار تْحِبِّيغ شَا.