لوقا 17:30 - ثريفيث 2020

³⁰ أَمنِّي إِي غَا يوقْعن ذِي نْهَار نِّي إِي ذِي د غَا يمظْهَار مِّيس ن بْنَاذم.

لوقا 17:30 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:27

أَقَا مِّيس ن بْنَاذم اَذ د يَاس س لْعَظَمَا ن بَابَاس اَك لْمَلَائِكَاث نّس، أُوشَا اَذ يجَازَا مْكُڒ يجّن عْلَاحْسَاب ڒْخذْمث نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:3

وَامِي يقِّيم عِيْسَى ذݣ وذْرَار ن زِّيتُوْن، قَارّْبن-د غَارس يمحْضَارن نّس وَاحذْسن نَّان-اَس: "إِنِي-يَانغ شك، مڒْمِي غَا يوْقع مَانَايَا؟ مِين ثعْنَا لْعَلَامَا نِّي خْمِي د غَا ثَاسذ شك، ذ ڒفْنَا ن زْمَان؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 24:37

أَمشْنَاو مَامش يوْقع ذِي ڒِيَّام نِّي ن نُوْح، أَمنِّي إِي غَا يوْقع خْمِي د غَا يذْوڒ مِّيس ن بْنَاذم.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:39

وَار فْطِينن شَا اَڒ وَامِي د يُوْسَا طُّوْفَان يسْغَرق-يثن مَارَّا. أَمُّو إِي غَا يوْقع خْمِي د غَا يذْوڒ مِّيس ن بْنَاذم.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:64

ينَّا-ٱس عِيْسَى: "أَقَا ثنِّيذ-ث شك. إِنَّمَا، أَقَا قَّارغ-اَوم: زِي سَّا اَڒ ثْسَاونْت اَذ تࢲرم مِّيس ن بْنَاذم يقِّيم خ وفُوْسِي ن لْقَوِي. أَث ثࢲرم عَاوذ يهوَّا-د اَك وسيْنُو ن وجنَّا."

مرقس 13:26

ڒخْدّنِّي إِي غَا ࢲرن مِّيس ن بْنَاذم يهوَّا-د ذݣ وسيْنُو س لْعَظَمَا ذ جّْهذ نّس يمْغَارن.

لوقا 17:24

مِينْزِي اَم وَاسَّام يتبْسِيسِّيقن ذِي طَّارْف ن وجنَّا اَذ يݣّ ثْفَاوْث ذِي طَّارْف نّغْنِي، أَمنِّي إِي غَا يِيڒِي مِّيس ن بْنَاذم ذِي نْهَار نّس.

لوقا 17:29

وَلَكِن ذِي نْهَار نِّي إِي ذِي يفّغ لُوْط زِي ثنْدِينْت ن سَدُوْم صَافِي يسهْوَا-د خَاسن أَربِّـي ثِمسِّي ذ يزْرَا يسّشْمَاضن زݣ وجنَّا، ئِنْغِي-ثن مَارَّا.

لوقا 21:22

أَقَا ڒِيَّام نِّي ذ ڒِيَّام ن وعْمُوْذ، أَذَايْسن يكمّڒ مَارَّا مِين يُوْرِين ذِي لْكُتُب ن لْأَنْبِيَا.

لوقا 21:27

ڒخْدّنِّي إِي غَا ࢲرن مِّيس ن بْنَاذم يهوَّا-د ذݣ وسيْنُو س لْعَظَمَا ذ جّْهذ نّس يمْغَارن.

1 أيث-كورينث 1:7

س مَانَايَا وَار ذَاوم ثْنقِّيص ؤُڒَا ذ يجّن ن لْقُدْرَا رُوْحِيَا خْمِي تْرَاجَام اَذ د يمظْهَار سِيذِيثْنغ عِيْسَى لْمَسِيح.

1 أيث-كورينث 1:8

ذ نتَّا إِي كنِّيو غَا يسْبدّن غَار ونݣَّارُو اَتَاف وَار ذَايْوم يتِيڒِي بُو ڒْعِيب ذِي نْهَار نِّي ن سِيذِيثْنغ عِيْسَى لْمَسِيح.

أيث-كولوس 3:4

خْمِي د غَا يمظْهَار لْمَسِيح يعْنِي ونِّي يدْجَان ذ ثُوْذَارْث نْوم، ڒخْدّنِّي اَكِذس تْمظْهَارم ؤُڒَا ذ كنِّيو ذِي لْعَظَمَا.

2 أيث-سلونيك 1:7

أَذَاوم يُوْش اَرَّاحث اَكِذْنغ كنِّيو يتْوَامحَّانن. مَانَايَا اَذ يِيڒِي خْمِي د غَا يمظْهَار سِيذِيثْنغ عِيْسَى زݣ وجنَّا ذݣ يِجّن ن ثْمسِّي ثْحدّق، أَكِذس د مظْهَارنْت لْمَلَائِكَاث نّس يجهْذن.

1 بطرس 1:13

إِذن، سْوجْذم ڒَعْقُوْرَاث نْوم بَاش اَذ تْخذْمم. أَرّم-د ڒْبَاڒ نْوم. ݣّم لْأَمَال نْوم غِير ذِي اَرْضَا ن وسنْجم نِّي إِي ذَاوم د غَا يمُّوْشن خْمِي د غَا يمظْهَار عِيْسَى لْمَسِيح.

1 بطرس 1:7

ڒمْحَاين-أَ ؤُسِينْت-يد بَاش اَذ د سْمظْهَارنْت إِلَّا لْإِيمَان نْوم نتَّا اَقَاث ذ صَّح؛ نتَّا يسوَّا كْتَار زِي دّْهب إِݣ يفنَّان وَاخَّا يتْوَاسِّيصْفَا ذِي ثْمسِّي. حمَا لْإِيمَان نْوم اَث شكَّرن اَذَايس يِيڒِي شَّان ذ لْقِيمَا خْمِي د غَا يمظْهَار عِيْسَى لْمَسِيح.

1 بطرس 4:13

لَّا، ئِتخصَّا كنِّيو اَذ تْفَرْحم وَامِي ثْشَرّْشم ذݣ وعدّب ن لْمَسِيح بَاش اَذ تْفَرْحم عَاوذ اَطَّاس خْمِي د غَا ثْمظْهَار لْعَظَمَا نّس.

1 يوحنا 2:28

آ يحنْجِيرن، ڒخُّو عِيشث ذَايس حمَا اَغَارْنغ ثِيڒِي يجّن ن تِّقث وَار زَّايس نَروّڒ شَا س وسذْحِي خْمِي د غَا يَاس اَذَانغ د يمظْهَار.

1 يوحنا 3:2

آي يمْعِيزّن ينُو، ڒخُّو نشِّين ذ ثَارْوَا ن أَربِّـي. عَاذ وَار د تْمظْهَار شَا صِّيفث نّغ مَامش غَا ثِيڒِي، وَلَكِن نسّن اَذ تِيڒِي اَم نتَّا خْمِي د غَا يمظْهَار ڒَاحقَّاش اَث نْࢲر نتَّا مَامش إِي يدْجَا.

لواحي ن يوحنا 1:7

أَقَا يُوْسَا-د اَك وسيْنُو، أَث ࢲرنْت مَارَّا ثِيطَّاوِين ذ يِوْذَان نِّي إِي ث يشُوْكّن. أَخَاس حزْنن مَارَّا ڒْقُوْم ن ثْمُوْرْث. وَاه، آمين.