لوقا 17:24 - ثريفيث 2020

²⁴ مِينْزِي اَم وَاسَّام يتبْسِيسِّيقن ذِي طَّارْف ن وجنَّا اَذ يݣّ ثْفَاوْث ذِي طَّارْف نّغْنِي، أَمنِّي إِي غَا يِيڒِي مِّيس ن بْنَاذم ذِي نْهَار نّس.

لوقا 17:24 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:27

أَقَا خْمِي د غَا يَاس مِّيس ن بْنَاذم اَتَاف اَذ يِيڒِي اَمشْنَاو اَسَّام إِي د يتفّْغن زِي شَّرْق يتْشعَّاڒ غَار لْغَرْب.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:30

أُوْشَا اَذ تْمظْهَار لْعَلَامَا ن مِّيس ن بْنَاذم ذݣ وجنَّا، ڒخْدّنِّي إِي غَا حزْننْت مَارَّا ثِقبَّاڒ ن ثْمُوْرْث. أَذ ࢲرنْت مِّيس ن بْنَاذم يهوَّا-د ذݣ وسيْنُو ن وجنَّا س لْعَظَمَا ذ جّْهذ نّس يمْغَارن.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:31

خْمِي د غَا يَاس مِّيس ن بْنَاذم س لْعَظَمَا نّس، أَكِذس مَارَّا لْمَلَائِكَاث، أَذ يقِّيم خ لْعَرْش نّس ن لْعَظَمَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:64

ينَّا-ٱس عِيْسَى: "أَقَا ثنِّيذ-ث شك. إِنَّمَا، أَقَا قَّارغ-اَوم: زِي سَّا اَڒ ثْسَاونْت اَذ تࢲرم مِّيس ن بْنَاذم يقِّيم خ وفُوْسِي ن لْقَوِي. أَث ثࢲرم عَاوذ يهوَّا-د اَك وسيْنُو ن وجنَّا."

أَسڒْمذ ن سِيذِيثْنغ عِيْسَى لْكِتَاب ن مَتَّى 5:15

ئِوْذَان وَار سْرقِّين شَا ڒْقنْدِيڒ حمَا اَخَاس قڒْبن اَقْنُوْش؛ لَّا، تݣّن-ث خ ڒْمَرْفَع حمَا اَذَاسن يُوْش ثْفَاوث إِ مَارَّا ؤُݣ يدْجَان ذِي ثدَّارْث.

1 أيث-كورينث 1:8

ذ نتَّا إِي كنِّيو غَا يسْبدّن غَار ونݣَّارُو اَتَاف وَار ذَايْوم يتِيڒِي بُو ڒْعِيب ذِي نْهَار نِّي ن سِيذِيثْنغ عِيْسَى لْمَسِيح.

1 أيث-سلونيك 5:2

أَقَا ثسّْنم مْلِيح بلِّي يُوْم ن سِيذِيثْنغ اَذ د يَاس اَم د يُوْسَا يج وشفَّار س دْجِيڒث.

2 أيث-سلونيك 2:2

وَار تنْخْڒِيعم شَا ذغْيَا ذِي ڒَعْقڒ نْوم، وَار تْخيَّاقم شَا عْلَاحْسَاب شَا ن اَرُّوْح ن لْوَاحِي نِغ ذ شَا ن وَاوَاڒ نِغ ذ شَا ن ثبْرَات زَّايْنغ زَعْمَا يقَّارن اَقَا يُوْم ن سِيذِيثْنغ قَا يُوْوض-د.

2 أيث-سلونيك 2:8

ثُمَّا اَذ د يمظْهَار لْمسْخُوْط، أَخَاس يصُوْض سِيذِيثْنغ عِيْسَى س وقمُّوْم نّس اَث ينغ، أَث يسْبطّڒ س لْعَظَمَا نّس إِي زِي د غَا يعْقب عِيْسَى.

ثبرات غار يعقوب 5:8

ؤُڒَا ذ كنِّيو صْبَارث شجّْعث يخف نْوم مِينْزِي سِيذِيثْنغ عْڒَاين اَذ د يعْقب.

2 بطرس 3:10

وَلَكِن يُوْم ن سِيذِيثْنغ اَذ د يَاس اَم د يُوْسَا يجّن ن وشفَّار. أُوْشَا يجنَّاثن اَذ ودَّرن س يِجّن ن سّْدَع ذ اَمقّْرَان يݣَّا اَم ثْمسِّي يسْحَرَّاقن، ذ مَارَّا يثْرَان ذ ثْزِيرِي اَذ تْوَاسْشمْضن اَذ فْتُوْتّْسن، أَذ تخْڒَا ثْمُوْرْث-أَ ذ مَارَّا مِين ذَايس يتْوَاݣّن.