لوقا 17:21 - ثريفيث 2020

²¹ لَّا، أَتَاف يوْذَان وَار قَّارن شَا قَا خْزَرث اَقَاث ذِيهَا نِغ اَقَاث ذَا! مَايمِّي؟ أَتَاف ڒْمُلْك ن أَربِّـي اَقَاث ذَايْوم."

لوقا 17:21 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:28

نش، مڒَا سُوْفُوْغغ جْنُوْن س أَرُّوْح ن أَربِّـي، أَقَا ڒْمُلْك ن أَربِّـي يُوْسَا-د غَارْوم.

مرقس 13:21

سّنِّي مڒَا ينَّا-ٱوم شَان يِجّن: خْزَرم! أَقَاث ذَانِيتَا لْمَسِيح! نِغ، أَقَاث ذِيهَا! وَار ث تَامْنم شَا.

لوقا 17:23

أَذَاوم ينِين يِوْذَان اَقَاث ذَا نِغ اَقَاث ذِيْهَا! وَلَكِن وَار ذِنِّي تْرِيحم شَا، وَار ثن تْذفَّارم شَا.

لوقا 21:8

ينَّا-ٱسن: "حْضَام يخف نْوم حمَا وَار كنِّيو يخدّع حَدّ. أَطَّاس إِي د غَا يَاسن س يِيسم ينُو زَعْمَا اَذ ينِين قَا نش ذ لْمَسِيح! عَاوذ اَذَاوم ينِين قَا ڒْوقْث ثُوْوض-د! وَلَكِن كنِّيو يتْخصَّا وَار ثن تذْفِيرم شَا.

يوحنا 1:26

ئِنْدق-د يَحْيَى ينَّا-ٱسن: "نش تْطهَّارغ إِ يوْذَان س وَامَان، وَلَكِن ذَانِيتَا يجّن ذِي ڒْوسْط نْوم وَار ث ثسِّينم شَا.

يوحنا 18:36

ينَّا-ٱس عِيْسَى: "ڒْمُلْك ينُو مَاشِي زِي دُّنشْت-أَ. مَعْلِيك ڒْمُلْك ينُو زِي دُّنشْت-أَ، أَتَاف يمحْضَارن ينُو حَرْبن حمَا وَار وطِّيغ شَا ذݣ يفَاسّن ن يسْرَائِيلِيْين؛ لَّا، ڒْمُلْك ينُو وَار يدْجِي شَا سَّانِيتَا."

أيث-روما 14:17

لِأَنَّا ڒْمُلْك ن أَربِّـي نتَّا وَار يدْجِي شَا س مَشَّا نِغ ذ ثِيسسِّي؛ نتَّا س ؤُمْصْڒَاح اَك أَربِّـي ذ ڒهْنَا ذ ڒفْرَاحث س اَرُّوْح يقدّْسن.

أيث-كولوس 1:27

نِثْنِي يخْضَر-يثن أَربِّـي بَاش اَذ خبَّارن إِ يِنِّي وَار يدْجِين شَا زِي أَيث-إِسْرَائِيل اَذَاسن ينِين مشْحَاڒ يمْغَر ڒْخِير-أَ لْعَظِيم ن ڒْمَعْنَا ينُوْفَّرن وَانِيتَا. مِين يعْنَى ڒْمَعْنَا-يَا؟ لْمَسِيح نتَّا يدْجَا ذَايْوم، ذ لْأَمَال ن لْعَظَمَا.