لوقا 16:25 - ثريفيث 2020

²⁵ ينَّا-ٱس بْرَاهِيم: عْقڒ آ مِّي ينُو، شك ثيْسِيذ ڒْحَقّ نّش زِي ڒْخِير ذِي ثُوْذَارْث نّش، لِعَازَر يعِيش مْعَادّب. ڒخُّو نتَّا اَقَاث ذَا مْلِيح، شك اَقَّاش ذِي ڒَعْدَاب.

لوقا 16:25 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 27:63

نَّان-اَس: "نشِّين نعْقڒ آ سِيذِي، بلِّي وَامِي تُوْغَا يدَّر وغدَّار نِّي ينَّا-د منْبَعْد إِ ثڒْتِيَّام نش اَذ د كَّرغ زِي ڒْموْث."

مرقس 9:45

مڒَا ضَار نّش يتْسبَّاب-اَش ذِي شَان ڒفْضِيحث، قسّ-يث زَعْمَا. حْسن إِ شك اَذ تَاذْفذ جّنّث س يِجّن ن وضَار زِي مڒَا قِّيمن غَارك ثْنَاين ن يضَارن اَذ تْمنْضَارذ ذِي جَهنَّمَا.

لوقا 16:20

ذِنِّي عَاوذ يجّن نّغْنِي نتَّا ذ ڒْمسْكِين وَاهَا قَّارن-اَس لِعَازَر، ذَايس اَطَّاس ن ثْحبَّا نتَّا يتْمنْضَار غَار ثوَّارْث ن تَّاجَر نِّي.

لوقا 16:23

ئِسِيڒِي تَّاجَر ثِيطَّاوِين نّس يتْعدَّاب ذِي لْجَحِيم، ئِࢲْرَا بْرَاهِيم ذ لِعَازَر اَكِذس اَقَاثن ذِي ڒݣّْوَاج.

لوقا 16:26

أُو عَاوذ ذِنِّي يجّن ن ڒَادْجغ يُوْدْجغ جَارَانغ. ئِجّن سَّانِيتَا مڒَا يخس اَغَارْوم د يعْذُو وَار يزمَّر شَا. ئِجّن سّنِّي مڒَا يخس اَغَارْنغ د يعْذُو وَار يزمَّر شَا.

لوقا 6:24

وَلَكِن، يَا ڒفْضِيحث نْوم آ تْوَاجَر، مِينْزِي ثْعِيشم مِين ثْعِيشم.

يوحنا 16:33

قَّارغ-اَوم مَانَايَا حمَا اَذ تيْسِيم زَّايِي ڒهْنَا. ذِي دُّنشْت-أَ ثَانِيتَا اَخَاوم ثكّ ذَايس تَمَارَا، وَلَكِن شجّْعث يخف نْوم اَقَا نش ربْحغ دُّنشْت-أَ."

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

أيث-روما 8:7

أَقَا ڒْخَاضَر يخدّْمن ذِي ثْمسْڒَايِين ن طَّبِيعَا ثَعفَّانْت ن بْنَاذم يتْعَرَّاض أَربِّـي. وَار يتْطِيعِي شَا شَّرِيعَا ن أَربِّـي، أُو ذ صَّح وَار يزمَّر شَا.

أيث-فيليـپـي 3:19

أَنݣَّارُو نْسن اَذ يتْوَامْحَا. أَربِّـي نْسن نتَّا ذ اَعدِّيس نْسن. سمْغَارن يخف نْسن س ڒفْضَايح نْسن. ڒَعْقُوْڒَاث نْسن نُّوْغن ذِي ثْمسْڒَايِين ن دُّنشْت-أَ.

1 أيث-سلونيك 3:3

نسّكّ-يث حمَا ؤُڒَا ذ يجّن وَار يترْجِيجِي شَا س ڒمْحَاين-أَ نْوم؛ أَقَا ثسّْنم بلِّي مَانَايَا إِي خَانغ يُوْرِين.

يعيبرانيين 11:25

ئِخْضَر اَخَاس بُوْصَارن يمِصْرِيْين اَك شَّعْب ن أَربِّـي، وَار يقْبِيڒ شَا اَذ يفَرح ذݣ وفلّس نِّي وَار يتْدُوْمِين شَا.

1 يوحنا 2:15

وَار تخْسم شَا دُّنشْت-أَ نِغ ذ مِين ذَايس يدْجَان. ونِّي يتخْسن دُّنشْت-أَ اَتَاف ڒمْحِبّث ن أَربِّـي وَار ذَايس ثدْجِي شَا.

لواحي ن يوحنا 7:14

جَاوْبغ-ث نِّيغ-اَس: "ذ شك إِي يسّْنن آ سِيذِي." ينَّا-ٱيِي: "يِيْنَا ذ يِنِّي ينجْمن زِي ڒْمِحْنث ثَمقّْرَانْت، صبّْنن يتْشَامِّيرن نْسن س يذَامّن ن يِزْمَار اَرِّين-ثن ذ يشمْڒَاڒن.