لوقا 16:17 - ثريفيث 2020

¹⁷ إِنَّمَا، ئِسْهڒ اَذ يتْوَاكّس وجنَّا ذ ثْمُوْرْث قْبڒ إِي غَا تتْوَاكّس يجّن ن ثْنقِّيط زِي شَّرِيعَا.

لوقا 16:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:18

أَقَا تسْڒَام ڒْحَقّ: وَار يتكّس يجّن ن ڒْحَرْف نِغ ذ يجّن ن ثْنقِّيط زِي شَّرِيعَا اَڒ غَا يتْوَاكّس وجنَّا ذ ثْمُوْرْث أَڒ غَا يتْوَاكمّڒ كُڒْشِي.

لوقا 21:33

أَذ يفْنَا وجنَّا ذ ثْمُوْرْث، وَلَكِن اَوَاڒن ينُو وَار فنِّين شَا عمَّارْص.

أيث-روما 3:31

إِذن، مَا أَ نسْبطّڒ شَّرِيعَا س لإِيمَان-أَ؟ عمَّارْص! لَّا، نشِّين نتْحَامَا شَّرِيعَا.

1 بطرس 1:25

مَاشَا اَوَاڒ ن أَربِّـي يتْغِيمَا إِ ڒبْدَا.> أَوَاڒ-أَ نتَّا ذ لْإِنْجِيل إِي ذَاوم د يتْوَابشَّرن.

2 بطرس 3:10

وَلَكِن يُوْم ن سِيذِيثْنغ اَذ د يَاس اَم د يُوْسَا يجّن ن وشفَّار. أُوْشَا يجنَّاثن اَذ ودَّرن س يِجّن ن سّْدَع ذ اَمقّْرَان يݣَّا اَم ثْمسِّي يسْحَرَّاقن، ذ مَارَّا يثْرَان ذ ثْزِيرِي اَذ تْوَاسْشمْضن اَذ فْتُوْتّْسن، أَذ تخْڒَا ثْمُوْرْث-أَ ذ مَارَّا مِين ذَايس يتْوَاݣّن.

لواحي ن يوحنا 20:11

ࢲْرِيغ يجّن ن لْعَرْش ذ اَشمْڒَاڒ ذ اَمقّْرَان. ونِّي خَاس يقِّيمن ثَرْوڒ زَّايس ثْمُوْرْث ذ وجنَّا وَار ذَاسن يقِّيم بُو ومْشَان.

لواحي ن يوحنا 21:1

ࢲْرِيغ يجّن ن وجنَّا ذ جْذِيذ ذ يجّن ن ثْمُوْرْث ذ جْذِيذ، ڒَاحقَّاش اَجنَّا اَمزْوَارُو ذ ثْمُوْرْث ثَمزْوَارُوْت صَافِي تْوَاكّْسن، ڒبْحَر وَار يقِّيم شَا.

لواحي ن يوحنا 21:4

أَذ يمْسح كُڒ اَمطَّاو زِي ثِيطَّاوِين نْسن. وَار تْغِيمِي شَا عَاذ ڒْموْث نِغ ذ لْحُزن نِغ ذ يمطَّاون نِغ ذ ڒحْرِيق. أَقَا ثِمسْڒَايِين نِّي ثِمزْوُوْرَا صَافِي تْوَاكّْسنْت."