لوقا 15:8 - ثريفيث 2020

⁸ نِغ، شَان ثمْغَارْث غَارس عشْرَا ن دِينَار مَثَالَان، ئِودَّار-اَس يجّن. أَتَاف اَذ تْشعّڒ ڒْقنْدِيڒ اَذ تْسكّ ذِي ثدَّارْث اَذ ترْزُو اَطَّاس خ دِينَار نِّي اَڒ ث غَا ثَاف. أَمنِّي نِغ لَّا؟

لوقا 15:8 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:15

ئِوْذَان وَار سْرقِّين شَا ڒْقنْدِيڒ حمَا اَخَاس قڒْبن اَقْنُوْش؛ لَّا، تݣّن-ث خ ڒْمَرْفَع حمَا اَذَاسن يُوْش ثْفَاوث إِ مَارَّا ؤُݣ يدْجَان ذِي ثدَّارْث.

لوقا 15:7

أَذَاوم ينِيغ: أَذ فَرْحن ذݣ وجنَّا اَطَّاس خ يِجّن مڒَا يذْوڒ-د غَار وبْرِيذ كْتَار زِي مِن غَا فَرْحن خ تسْعَا أُو تسْعِين نِّي وَار فِّيغن شَا اَبْرِيذ.

لوقا 15:9

خْمِي ث غَا ثَاف، أَذ تْڒَاغَا خ ثْمدُّوْكَاڒ ذ ثَاجَّارِين اَذَاسنْت ثِينِي: فَرْحنْت اَكِذِي اَقَا ؤُفِيغ دِينَار نِّي إِي تُوْغَا ذَايِي يودَّارن!

لوقا 19:10

مِّيس ن بْنَاذم يُوْسَا-د حمَا اَذ يرْزُو اَذ يسنْجم يِنِّي يودَّرن."

يوحنا 10:16

غَاري يحُوْڒِيْين نّغْنِي وَار دْجِين شَا ذِي ڒْكُوْرِي-يَا، ئِتخصَّا-ٱيي اَثن د اَوِيغ. أَذ سْڒن إِ صُّوْت ينُو اَذ تِيڒِي ذ يجّن ن ثْحِيمرْث ذ يجّن إِي ثن غَا يَروْسن.

يوحنا 11:52

وَار يدْجِي بُو خ لْأُمَّا ن أَيث-إِسْرَائِيل وَاهَا، ؤُڒَا ذ ثَارْوَا ن أَربِّـي يتمْزدْجَاعن ذِي ثْمُوْرَا، أَثن يسْمُوْن أَربِّـي ذ يجّن.

ڒخذايم 19:19

أَطَّاس ن يِوْذَان تُوْغَا ݣِّين سّْحُوْر ؤُوِين-د لْكُتُب نْسن سْحَرّْقن-ثن غَار بَرَّا زَّاث إِ كُڒْشِي. وَامِي حسْبن تَّمَن ن لْكُتُب نِّي، ؤُفِين خمْسِين اَڒَاف ن دِّينَار.

أيث-ؤفسوس 2:17

أَقَا يُوْسَا-د عِيْسَى يتْبشَّار نتَّا س لْإِنْجِيل يُوْوِي-اَوم-د ڒهْنَا إِ كنِّيو تُوْغَا يدْجَان ثبعّْذم خ أَربِّـي أُو ذ يِنِّي إِي د يُوْذْسن غَار أَربِّـي.