لوقا 15:2 - ثريفيث 2020

² ڒْحِزب ن يفَرِّيسِيْين ذ يمْسڒْمَاذن ن شَّرِيعَا سَّاوَاڒن ذِي عِيْسَى نَّان: "أَرْيَاز-أَ يتْرحَّاب زݣ يِنِّي يعصَّان يتتّ اَكِذْسن!"

لوقا 15:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:19

يُوْسَا-د مِّيس ن بْنَاذم يتتّ يسسّ وَار يتْࢲُوْمِّي شَا، نَّان قَا وَانِيتَا يتتّ يسسّ اَطَّاس، عَاوذ نتَّا ذ اَمدُّوْكڒ ن يعشَّارن ذ يِنِّي يعصَّان. إِنَّمَا، ڒفْهَامث ن أَربِّـي قبّْڒن-تث مَارَّا يِنِّي يفهّْمن."

أَسڒْمذ ن سِيذِيثْنغ عِيْسَى لْكِتَاب ن مَتَّى 9:11

وَامِي ࢲْرِين ڒْحِزب ن يفَرِّيسِيْين مَانَاينِّي كَّرن نَّان-اَسن إِ يمحْضَارن نّس: "مَايمِّي يتتّ لْمُعَلِّم نْوم اَك يعشَّارن ذ يِنِّي يعْصَّان؟"

لوقا 15:3

ئِنْدق-د عِيْسَى ينَّا-ٱسن ڒْمَعْنَا-يَا:

لوقا 19:7

ئِوْذَان مَارَّا ࢲْرِين مَانَايَا بْذَان تْݣمْݣُوْمن نَّان قَا يُوْذف عِيْسَى اَذ يقِّيم ذِي ثدَّارْث ن يِجّن ن ورْيَاز ذ لْعَاصِي!

لوقا 5:30

شثْشَان زَّايس ڒْحِزب ن يفَرِّسِيْين ذ يمْسڒْمَاذن ن شَّرِيعَا نَّان-اَسن إِ يمحْضَارن نّس: "مَايمِّي تتّم ثْسسّم اَك يعشَّارن ذ يِنِّي يعصَّان؟"

لوقا 7:34

يُوْسَا-د مِّيس ن بْنَاذم يتتّ يسسّ وَار يتْࢲُوْمِّي شَا. كنِّيو ثنِّيم اَقَا بْنَاذم-أَ يتتّ يسسّ اَطَّاس، عَاوذ نتَّا ذ اَمدُّوْكڒ ن يعشَّارن ذ يِنِّي يعصَّان.

لوقا 7:39

أَفَرِّسِي نِّي إِي ث يعَرْضن وَامِي يࢲْرَا مَانَايَا ينَّا ذِي نّفْس نّس: وَانِيتَا مَعْلِيك ذ نَّبِي اَتَاف اَذ يسّن مِين ثعْنَا ثمْغَارْث-أَ إِي ث يتْحَاذَان، نتَّاث ثعْصَا أَربِّـي.

أيث-ݣلاطيا 2:12

مِين يعْنَا لْغَالط نِّي؟ أَقَا قْبڒ مَا ٱذ د يَاس يجّن ن ڒْحِزب يعْنِي شَان يِوْذَان زِي يَعْقُوْب تُوْغَا بُطْرُس يتتّ اَك ڒْمُوْمِنِين يدْجَان ذ ييُوْنَانِيْين. وَلَكِن وَامِي د يُوْسَا ڒْحِزب نِّي، ئِبْذَا بُطْرُس يتْبعَّاذ خ ييُوْنَانِيْين نِّي ينعْزڒ خَاسن. مَايمِّي؟ لِأَنَّا يݣّْوذ زِي ڒْحِزب نِّي يعْنِي ن طَّهَارث.

1 تيموتاوس 1:15

أَقَا يجّن ن وَاوَاڒ ذَايس تِّقث أُو لَابُد اَذ يتْوَاقْبڒ مَارَّا، يعْنِي عِيْسَى لْمَسِيح يُوْسَا-د غَار دُّنشْت-أَ بَاش اَذ يسنْجم يِنِّي يعصَّان، زَّايْسن نش إِݣ يدْجَان ذ لْعَاصِي ذ اَمقّْرَان خَاسن مَارَّا.