لوقا 15:17 - ثريفيث 2020

¹⁷ ئِبْذَا ڒخْدّنِّي يتْخمَّام مْلِيح ذݣ يِيخف نّس ينَّا: مشْحَاڒ غَارس ذ يخدَّامن غَار بَابَا يتْشطَّا خَاسن وغْرُوْم، نش اَقَايِي ذَانِيتَا تْمتِّيغ س جُّوْع.

لوقا 15:17 ပူးပေါင်းရင်းမြစ်များ

لوقا 15:16

ذَايس يمزْڒَان اَذ يجَّاون س يقَاشّْون ن ثْسْڒِيغْوَا يِنِّي إِي تتّن يِڒْفَان نِّي، وَار ث يعْثِيق حَدّ.

لوقا 16:23

ئِسِيڒِي تَّاجَر ثِيطَّاوِين نّس يتْعدَّاب ذِي لْجَحِيم، ئِࢲْرَا بْرَاهِيم ذ لِعَازَر اَكِذس اَقَاثن ذِي ڒݣّْوَاج.

لوقا 8:35

فّْغن-د يِوْذَان حمَا اَذ ࢲرن مِين يوقْعن. ؤُسِين-د غَار عِيْسَى ؤُفِين اَرْيَاز نِّي فّْغن زَّايس جْنُوْن، ئِقِّيم غَار يضَارن ن عِيْسَى يَرض اَرُّوْض نّس يݣنْفَا يذْوڒ س ڒَعْقڒ نّس. أُوْشَا ݣّْوْذن اَطَّاس.

ڒخذايم 12:11

ذِنِّي إِي د يَارَّا بُطْرُس ڒْبَاڒ نّس ينَّا: "ڒخُّو سّْنغ مَانَايَا ذ صَّح قَا يسّكّ-اَيِي-د سِيذِي أَربِّـي لْمَلَائِكَا نّس، ئِسنْجم-اَيي-د زݣ يفَاسّن ن هِيرُدُوْس ذ مَارَّا مِين خْسن اَذَايِي ݣّن أَيث-إِسْرَائِيل."

ڒخذايم 2:37

ئِوذَان نِّي وَامِي سْڒِين إِ وَاوَاڒ-أَ، ؤُڒَاون نْسن شمْضن. كَّرن نَّان-اَس إِ بُطْرُس ذ اَرُّسُل نّغْنِي: "آي اَيثْمَا، مِين غَا نݣّ؟"

أيث-ؤفسوس 5:14

مِينْزِي ذ نُّوْر إِي د يسْمظْهَارن مَارَّا. خ مَانَايَا يقَّار لْكِتَاب: <فَاق شك آ ونِّي يتطّْصن كَّار-د زِي ڒْموْث، أَخَاك يشعْشع لْمَسِيح س نُّوْر نّس.>