لوقا 12:32 - ثريفيث 2020

³² وَار تݣّْوْذم شَا آ ثْحِيمرْث ينُو ثَمزْيَانْت، يرْضَا بَابَاثْوم اَذَاوم يُوْش ڒْمُلْك نّس.

لوقا 12:32 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 14:27

ڒخْدّنِّي ينَّا-ٱسن عِيْسَى: "أَهْنَام! أَقَا ذ نش، وَار تݣّوْذم شَا!"

أَسڒْمذ ن سِيذِيثْنغ عِيْسَى لْكِتَاب ن مَتَّى 20:16

أَمنِّي يِنِّي يدْجَان ذ ينݣُّوْرَا اَذ ذوْڒن ذ يمزْوُوْرَا؛ يِنِّي يدْجَان ذ ئِمزْوُوْرَا اَذ ذوْڒن ذ ينݣُّوْرَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 25:34

ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:15

حْضَام يخف نْوم زݣ يِنِّي يتَارَّان يخف نْسن ذ لْأَنْبِيَا. تَاسن-د غَارْوم اَم شَان ن يحُوْڒِيْين وَلَكِن ذݣ وُوْڒَاون نْسن ذ وشَّانن يوْعَرن.

لوقا 10:21

ڒخْدّنِّي يفَرح عِيْسَى س أَرُّوْح يقدّْسن ينَّا: "حمْذغ-شك آ بَابَا آ سِيذِي أَربِّـي ن وجنَّا ذ ثْمُوْرْث ڒَاحقَّاش ثسْنُوْفَّرذ مَانَايَا خ يمِيغِيسن ذ لْعُلَامَا، ثْسظْهَارذ-ث-يد إِ يحنْجِيرن يمزْيَانن. وَاه آ بَابَا، ڒَاحقَّاش اَمُّو إِي خَاك يَارْضَا.

يوحنا 18:36

ينَّا-ٱس عِيْسَى: "ڒْمُلْك ينُو مَاشِي زِي دُّنشْت-أَ. مَعْلِيك ڒْمُلْك ينُو زِي دُّنشْت-أَ، أَتَاف يمحْضَارن ينُو حَرْبن حمَا وَار وطِّيغ شَا ذݣ يفَاسّن ن يسْرَائِيلِيْين؛ لَّا، ڒْمُلْك ينُو وَار يدْجِي شَا سَّانِيتَا."

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

ڒخذايم 20:29

شُوْف، سّْنغ خْمِي غَا ؤُيُوْرغ نش اَذ د اَذْفن جَارَاوم شَان ن وُوْشَّانن يوْعَارن وَار رحّْمن شَا ثْحِيمرْث.

أيث-روما 6:23

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

1 أيث-كورينث 1:21

ئِسْبُوْهڒِي-ت س ڒفْهَامث ن مِين نتْبشَّار نشِّين. مَامّش؟ س ڒفْهَامث-أَ ن أَربِّـي يعْجب-اَس اَذ يسنْجم يِنِّي يتَامْنن، وَلَكِن يوْذَان ن دُّنشْت-أَ وَار زمَّرن اَث سّْنن س ڒفْهَامث نْسن.

أيث-فيليـپـي 2:13

مِينْزِي ذ أَربِّـي إِݣ يسْخدَّامن اَرَّاي نْوم ذ ڒخْذَايم نْوم بَاش اَذ تݣّم لْغَرَض نّس ذ اَصبْحَان.

2 أيث-سلونيك 1:11

خ مَانَايَا نْتتَّار إِ أَربِّـي خَاوم ڒبْدَا بَاش اَكنِّيو يَارّ ثسْذَاهدْجم اَڒَاغِي نّس. أُو س جّْهذ نّس اَذَاوم يَارو مَارَّا ڒْخِير إِي ثخْسم أَذ تݣّم، أَذَاوم يَارو كُڒ ڒْخذْمث عَاوذ إِي د تَاسن زِي لْإِيمَان نْوم.

2 أيث-سلونيك 1:5

مَانَايَا ذ يجّن ن دَّلِيل بلِّي لْحُكم ن أَربِّـي يدْجَا نِيشَان، أُو س دَّلِيل-أَ اَكنِّيو يحْسب ثسْذَاهدْجم ڒْمُلْك نّس إِي خف ثْعدّْبم.

يعيبرانيين 12:28

خ مَانَايَا أَ نْشكَّر أَربِّـي ڒَاحقَّاش نقْبڒ يجّن ن ڒْمُلْك وَار يتنْهزِّين شَا. أَمُّو اَذَاس نْقدّم إِ أَربِّـي يجّن ن لْعِبَادَا س ڒُوقَّار ذ ثِيݣّْوْذِي اَخَاس يَارْضَا نتَّا،

ثبرات غار يعقوب 2:5

شُوْف آي أَيثْمَا يمْعِيزّن ينُو، مَا وَار ثسِّينم شَا أَربِّـي يخْضَر ڒْمُسَاكِين ن دُّنشْت-أَ حمَا اَذ يڒِين ذ تْوَاجَر س لْإِيمَان نْسن اَذ وَرْثن ذِي ڒْمُلْك إِي زِي يوْعذ أَربِّـي يِنِّي إِي ث يتْحِبَّان؟

2 بطرس 1:11

أَتَاف اَذَاوم تْوَاسّوْجذ عَاوذ يجّن ن ثوَّارْث ذ ثَصبْحَانْت غَار ڒْمُلْك نّس وَار يفنِّين شَا ن سِيذِيثْنغ عِيْسَى لْمَسِيح ونِّي إِي ذَانغ يسنْجَامن.

لواحي ن يوحنا 1:6

يݣَّا زَّايْنغ يجّن ن لْممْلَكَا ذ ڒْفُقَهَا إِ أَربِّـي بَابَاس. أَغَارس ثِيڒِي لْعَظَمَا ذ ڒحْكَام إِ نتَّا إِ ڒبْدَا، آمِين.

لواحي ن يوحنا 22:5

زِي سّنِّي اَڒ ثْسَاونْت وَار ذِنِّي تِيڒِي بُو دْجِيڒث، وَار تحْذِيجِين شَا ثْفَاوْث ن ڒفْنَار نِغ ذ ثْفَاوْث ن ثْفُوْشْت ڒَاحقَّاش سِيذِي أَربِّـي نتَّا اَخَاسن يݣّ ثْفَاوْث نّس. أَذ حكْمن إِ ڒبْدَا ن ڒبْدَاث.