لوقا 11:51 - ثريفيث 2020

⁵¹ زݣ يذَامّن ن هَابِيل اَڒ يذَامّن ن زَكَرِيَا ونِّي ينْغِين جَار ڒْمذْبَح ذ ثمْزِيذَا ثَمقّْرَانْت. وَاه، أَذَاوم ينِيغ: مَارَّا لْعِقَاب خ مَانَاينِّي ذ يوْذَان ن ڒْوقْث-أَ إِي خَاس غَا يتْوَاحَاسْبن!

لوقا 11:51 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:35

خ مَانَاينِّي اَذ تْوَاعَاقْبم خ مَارَّا يذَامّن إِي يُوْزّْڒن ن ڒْمُوْمِنِين ذِي دُّنشْت-أَ. زݣ يذَامّن ن هَابِيل ڒْمُوْمن أَڒ يذَامّن ن زَكَرِيَا مِّيس ن بَرْخِيَا إِي ثنْغِيم جَار ڒْمذْبَاح ذ ثمْزِيذَا ثَمقّْرَانْت.

يعيبرانيين 11:4

س لْإِيمَان يكَّر نَّبِي هَابِيل يقدّم يجّن ن دْبِيحث إِي زِي خَاس يَارْضَا أَربِّـي حْسن زِي ثنِّي ن وُوْمَاس قَابِيل. عْلَاحْسَاب لْإِيمَان-أَ يتْشكَّر-يث أَربِّـي يقْبڒ-يث نتَّا نِيشَان وَامِي خَاس يسِّيوڒ أَربِّـي مْلِيح خ مِين يقدّم. أُو نَّبِي هَابِيل س لْإِيمَان نّس نتَّا عَاذ يسَّاوَاڒ وَاخَّا يمُّوْث.

يعيبرانيين 12:24

ثْقَارّْبم-د غَار عِيْسَى ونِّي يتْشَفَاعن ذَايْنغ س يِجّن ن ڒْعَهذ ذ جْذِيذ. ثْقَارّْبم-د كنِّيو غَار يذَامّن نّس يتْوَارُوْشّن إِي قَّارن يجّن ن وَاوَاڒ حْسن زݣ ونِّي ن نَّبِي هَابِيل.

1 يوحنا 3:12

مَاشِي أَ نِيڒِي اَم قَبِيل يدْجَان زِي لْمُفْسِيد نِّي يرُوْح ينْغَا ؤُمَاس. مَايمِّي إِي ث ينْغَا؟ ڒَاحقَّاش ڒخْذَايم نّس نتَّا ذ ثِعفَّانِين، ڒخْذَايم ن وُوْمَاس ذ ثِصبْحَانِين.