لوقا 11:29 - ثريفيث 2020

²⁹ وَامِي تمْزَاحَامن ڒْغَاشِي، ئِبْذَا عِيْسَى يقَّار: "ئِوْذَان ن ڒْوقْث-أَ ذ يعفَّانن. نِثْنِي تتَّارن لْعَلَامَا ثَمقّْرَانْت وَلَكِن وَار ذَاسن تِيشّ إِلَّا ثنِّي ن نَّبِي يُوْنس.

لوقا 11:29 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 3:7

وَلَكِن وَامِي يࢲْرَا يَحْيَى بلِّي اَطَّاس ن ڒْفُقَهَا ذ يفَرِّسِيْين ذ يصَدُّوْقِيْين تَاسن-د غَارس حمَا اَثَن يطهَّار س وَامَان ينَّا-ٱسن: "يَا ثَارْوَا ن يفِيغرَان، وِي ذَاوم يعڒْمن اَذ تَروْڒم زِي لْغَضَب ن سِيذِي أَربِّـي إِي د غَا يَاسن؟

مرقس 8:38

ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو ذِي زْمَان-أَ اَعفَّان يخدّْعن أَربِّـي، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا ن بَابَاس اَك لْمَلَائِكَاث يقدّْسن.

لوقا 11:16

ئِنّغْنِي تتَّارن زَّايس يجّن ن لْعَلَامَا ذ ثَمقّْرَانْت زݣ وجنَّا بَاش اَث جَرّْبن.

لوقا 11:50

حمَا يوْذَان ن ڒْوقْث-أَ اَذ تْوَاعَاقْبن خ مَارَّا يذَامّن إِي يُوْزّْڒن زِي لْأَنْبِيَا زݣ وَامِي ثدْجَا دُّنشْت-أَ.

لوقا 12:1

ڒخدّْنِّي مُوْنن اَطَّاس ن ؤُڒُوْفَاث ن يِوذَان اَڒ وَامِي ذوْڒن عفّْسن خ وَايَاوْيَا. ئِبْذَا عِيْسَى يقَّار-اَسن إِ يمحْضَارن نّس: "حْضَام يخف نْوم زِي نِّفَاق ن ڒْحِزب ن يفَرِّيسِيْين يدْجَان اَم ونْتُوْن.

لوقا 9:41

يَارَّا خَاسن عِيْسَى ينَّا-ٱسن: "آ يوْذَان ن ڒْوقْث-أَ إِي ذِي وَار يدْجِي بُو لْإِيمَان، آ يِنِّي يفّْغن اَبْرِيذ! مشْحَاڒ إِي كِذْوم غَا قِّيمغ أُو مشْحَاڒ ذَاوم غَا صْبَرغ؟ أَوِي-يَايِي-د مِّيش ذَانِيتَا."

يوحنا 2:18

كَّرن يسْرَائِيلِيْين نَّان-اَس: "مَان لْعَلَامَا ثَمقّْرَانْت إِي غَا ثݣّذ بَاش اَغَارش يِيڒِي ڒْحَقّ اَذ تݣّذ مَانَايَا؟"

يوحنا 6:30

نَّان-اَس: "مَان لْعَلَامَا ثَمقّْرَانْت إِي غَا ثݣّذ اَت نْࢲر حمَا اَزَّايك نَامن؟ مِين غَا ثݣّذ؟

يوحنا 8:44

بَابَاثْوم ذ إِبْڒِيس، ثْرزُّوْم اَذ تذْفَارم مِين يخس نتَّا. زݣ ومزْوَارُو نتَّا ينقّْ يوْذَان. وَار غَارس شَا لْعَلَاقَا اَك لْحَقِيقَا مِينْزِي نتَّا وَار ذَايس بُو لْحَقِيقَا. مڒْمِي مَا يسْخرَّق، أَتَاف يسَّاوَاڒ زِي مِين ذَايس مِينْزِي نتَّا ذ بُو-يخرِّيقن، ذ بَابَاثْسن ن يخرِّيقن.

1 أيث-كورينث 1:22

نِثْنِي يسْرَائِلِيْين تتَّارن لْمُعْجِيزَاث، ذ يِنِّي وَار يدْجِين زِي أَيث-ئِسْرَائِل رزُّوْن ڒفْهَامث،