لوقا 11:19 - ثريفيث 2020

¹⁹ نش مڒَا سُوْفُوْغغ جْنُوْن س جّْهذ ن بَعْلْزَبُول نِّي زَعْمَا، إِنِيم-اَيِي كنِّيو، مَامّش تݣّن يِوْذَان نْوم سُوْفُوْغن-ثن ؤُڒَا ذ نِثْنِي؟ نِيثْنِي س يِيخف نْسن تْبيَّانن بلِّي كنِّيو وَار غَارْوم بُو ڒحَقّ ذي مين ثقَّارم.

لوقا 11:19 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:25

بَرَكَا غِير اَذ يِيڒِي ومحْضَار اَم لْمُعَلِّم نّس، أَذ يِيڒِي وخدَّام اَم ؤُوقَّاف نّس. مڒَا ڒَاغَان إِ بَاب ن ثدَّارْث <آ إِبْڒِيس>، إِيوَا مَامّش غَا ڒَاغَان إِ ڒحْبَاب ن ثدَّارْث نّس؟

أَسڒْمذ ن سِيذِيثْنغ عِيْسَى لْكِتَاب ن مَتَّى 4:24

ئِفّغ ڒخْبَار نّس ذِي سُوْرْيَا اَمن-ثكْمَاڒ. تَّاوْين-د غَارس مَارَّا يِنِّي يهڒْشن تْعدَّابن س لْأَنْوَاع ن ڒهْڒَاشَاث ذ ڒحْڒِيقَاث، مْكُڒ يمَرْيَاحن ذ يمجْنُوْنن ذ ينشْرُوْفن نتَّا يسْݣنْفَا-ثن.

لوقا 19:22

ئِنْدق-د وزدْجِيذ نِّي ينَّا-ٱس: شك مِين ثنِّيذ اَخَاك حكْمغ زَّايس آي اَخدَّام اَمْشُوْم. إِيوَا ثسّْنذ بلِّي نش ذ يجّن ن ورْيَاز قسْحغ، كسِّيغ مِين وَار سْرُوْسِيغ، مجَّارغ مِين وَار زرّْعغ.

لوقا 9:49

ينَّا-ٱس يُوْحَنَّا: "آ لْمُعَلِّم، قَا نࢲْرَا يجّن يسُوْفُوْغ جْنُوْن عْلَاحْسَاب يسم نّش. نشِّين نرْزُو اَث نسْبدّ وَامِي وَار يدْجِي شَا ذ اَمحْضَار اَكِذْنغ."

ڒخذايم 19:13

ذِنِّي شَان يسْرَائِيلِيْين نِثْنِي ذ يسحَّارن تْرَاحن زݣ ومْشَان غَار ومْشَان. تْجَرَّابن اَذ سْخذْمن يسم ن سِيذِيثْنغ عِيْسَى بَاش اَذ سُوْفْغن جْنُوْن يعفَّانن زݣ يِوْذَان. نَّان-اَسن قَا تْأَمَرغ-كنِّيو عْلَاحْسَاب يسم ن عِيْسَى إِي زِي يتْحدَّاث بُوْلُس، فّْغث!

أيث-روما 3:19

فَا نشِّين نسّن بلِّي مَارَّا مِين ذَايس ذِي شَّرِيعَا ن مُوْسَى تْوصَّا يِنِّي غَار ثدْجَا شَّرِيعَا-يَا بَاش ؤُڒَا ذ يجّن وَار غَارس يتِيڒِي بُو لْعُدر. أُو مَارَّا يِنِّي يدْجَان ذِي دُّنشْت-أَ اَذ يڒِين سْوَادَّاي ن لْحِسَاب ن أَربِّـي.