لوقا 11:1 - ثريفيث 2020

¹ ئِجّن ن وَاسّ عِيْسَى يتْࢲَادْجَا ذݣ يِجّن ن ومْشَان. وَامِي يكمّڒ ثْࢲَادْجِيث نِّي ينَّا-ٱس يجّن زݣ يمحْضَارن نّس: "آ سِيذِي، سڒْمذ-اَنغ أَ نࢲَّادْج مَامّش يسڒْمَاذ يَحْيَى يمحْضَارن نّس."

لوقا 11:1 ပူးပေါင်းရင်းမြစ်များ

لوقا 11:2

ينَّا-ٱسن عِيْسَى: "مڒْمِي غَا ثࢲَّادْجم إِنِيم اَمُّو: آ بَابَاثْنغ، ذ اَمقّْرَان إِݣ يدْجَا يِيسم نّش. أَذ د يَاس ڒْمُلْك نّش.

لوقا 6:12

ذݣ وُوْسَّان نِّي، ئِݣَعّذ عِيْسَى غَار وذْرَار اَذ يࢲَّادْج يقِّيم ذِنِّي دْجِيڒث ثكْمَاڒ يتْࢲَادْجَا إِ أَربِّـي.

لوقا 7:13

وَامِي ت يࢲْرَا سِيذِيثْنغ ثقّس-اَس ينَّا-ٱس: "وَار تْرُو شَا!"

لوقا 7:19

يسّكّ-يثن غَار سِيذِيثْنغ حمَا اَذَاس ينِين مَا ذ شك إِي خف نتْسْڒَا اَذ د تَاسذ نِغ أَ نْرَاجَا شَان يِجّن نّغْنِي؟

لوقا 9:18

ئِجّن ن نْهَار عِيْسَى يتْࢲَادْجَا وَاحْذس طَّارْف نّس يمحْضَارن نّس. ئِكَّر يسّقْسَا-ثن ينَّا-ٱسن: "مِين خَافِي قَّارن يِوْذَان؟"

لوقا 9:28

منْبَعْد إِ وَاوَاڒ نِّي شَان ثْمنْيَام يݣَعّذ عِيْسَى غَار وذْرَار حمَا اَذ يࢲَّادْج، يُوْوِي اَكِذس بُطْرُس ذ يُوْحَنَّا ذ يَعْقُوْب.

يعيبرانيين 5:7

ذݣ وُوْسَّان نِّي إِي ذِي تُوْغَا يدَّر عِيْسَى ذِي ثْمُوْرْث-أَ، ئِتْࢲَادْجَا يتْڒَاغَا خ أَربِّـي س جّْهذ أُو س يمطَّاون يتتَّار-اَس إِ ونِّي يزمَّرن اَث يسنْجم زِي ڒْموْث. أَربِّـي يتْصنَّاط-اَس وَامِي عِيْسَى يتݣّْوذ زَّايس.

ثبرات زي يهوذا 1:20

كنِّيو آي يمْعِيزّن ينُو، بْنَاث يخف نْوم ذِي دْسَاس ن لْإِيمَان يُوْعْڒَان إِي يدْجَان ذَايْوم، ࢲَادْجم س أَرُّوْح يقدّْسن.