لوقا 10:2 - ثريفيث 2020

² ينَّا-ٱسن إِ يمحْضَارن نّس: "ثَفدْجَاحْث اَطَّاس وَلَكِن ذْرُوْس يشوَّارن إِي غَا يخذْمن. تَّارث زِي بَاب ن ثْفدْجَاحْث اَذ يَرْنِي يشوَّارن ذݣ ومَرْجع نّس.

لوقا 10:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:1

"أَقَا ڒْمُلْك وجنَّا اَمشْنَاو يجّن ن بَاب ن ومَرْجع وضِيڒ. ئِفّغ غَار صْبَاح زِيش اَذ يݣّ يخدَّامن ذݣ ومَرْجع وضِيڒ نّس.

مرقس 13:34

نْهَار نِّي اَذ يِيڒِي اَم يِجّن ن سِّيّد يرزُّو اَذ يسَفر. ئِفّغ زِي ثدَّارْث نّس، ئِخدَّامن نّس يكلّف-يثن خ وَاݣْڒَا نّس كُڒ يجّن خ ڒْخذْمث نّس. ئِوصَّا اَعسَّاس ن ثوَّارْث اَذ يقِّيم يفَاق.

مرقس 16:15

ينَّا-ٱسن: "رُوْحم غَار مَارَّا دُّنشْت، بشَّرم مَارَّا ڒݣْنُوْس س لْإِنْجِيل.

مرقس 16:20

نِثْنِي فّْغن بشَّرن يوْذَان ذِي مْكُڒ اَمْشَان. سِيذِيثْنغ اَقَاث اَكِذْسن، ئِسْمظْهَار-د ڒْحَقّ ن يِنِّي يتْبشَّارن س وَاطَّاس ن لْعَلَامَاث إِي ثن يذفَّارن.}

لوقا 9:1

ئِڒَاغَا-د عِيْسَى خ ثنْعَاش ن اَرُّسُل، يُوْشَا-ٱسن ثِزمَّار ذ سُّلْطَا اَذ حكْمن خ مَارَّا جْنُوْن أُو عَاوذ حمَا اَذ سْݣنْفَان ڒهْڒَاشَاث.

ڒخذايم 11:19

عْلَاحْسَاب اَعدّب نِّي إِي يوقْعن وَامِي يتْوَانغ سْتِيفَان، ڒْمُوْمِنِين كُڒ يجّن مَانِي يرُوْح: ئِجّن يرُوْح ٱڒ فِينِيقْيَا، ئِجّن يرُوْح اَڒ قُبْرُص، ئِجّن يرُوْح اَڒ وَانْطَاكْيَا. وَار تْبشِّيرن ذِنِّي حَدّ س وَاوَاڒ ن أَربِّـي إِلَّا يسْرَائِيلِيْين.

ڒخذايم 13:2

وَامِي عبّْذن سِيذِي أَربِّـي تْࢲُوْمَّان، ينَّا-ٱسن أَرُّوْح يقدّْسن: حُوْزم-اَيِي-د بَرْنَابَا ذ شَاوُل إِ ڒْخذْمث نِّي ؤُمِي ثن يخْضَرغ.

ڒخذايم 13:4

ئِسّكّ-يثن أَرُّوْح يقدّْسن رُوْحن غَار ثنْدِينْت ن سُلُوْكْيَا. سّنِّي سَفَرن ذݣ وغَرَّابُو غَار ثيْزِيرْث ن قُبْرُص.

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

ڒخذايم 22:21

ينَّا-ٱيي سِيذِي: رُوْح، شك اَش سّكّغ غَار يمُوْشَان ݣّْوْجن اَطَّاس، غَار يِنِّي وَار يدْجِين شَا زِي أَيث-إِسْرَائِيل."

ڒخذايم 8:4

ڒْمُوْمِنِين نِّي يمسْفْرَاقن تْرَاحن زݣ ومْشَان غَار ومْشَان تْبشَّارن س وَاوَاڒ ن أَربِّـي.

1 أيث-كورينث 12:28

ذِي جْمَاعث-أَ ن ڒْمُوْمِنِين يرتّب أَربِّـي ذ اَمزْوَارُو أَرُّسُل، وِيس ثْنَاين لْأَنْبِيَا، وِيس ثْڒَاثَا يمْسڒْمَاذن، منْبَعْد يِنِّي يسْخدَّامن لْمُعْجِيزَاث ذ يِنِّي غَار دْجَانْت لْقُدْرَاث بَاش اَذ سْݣنْفَان يوْذَان، ذ يِنِّي يتْعَاوَانن، ذ يِنِّي يتْكلَّافن س ڒْخذْمث، ذ يِنِّي يسَّاوَاڒن س ڒبْعَاض ن لُّغَاث رُوْحِيَاث.

1 أيث-كورينث 15:10

وَلَكِن نش س اَرْضَا ن أَربِّـي ذوْڒغ مَامّش دْجِيغ ڒخُّو. ثُمَّا اَرْضَا نّس وَار يدْجِي بُو خَافِي س بْڒَا نّْفَع؛ لَّا، نش شَّاثغ تَمَارَا كْتَار زَّايْسن مَارَّا. مَاشِي ذ نش زَعْمَا؛ لَّا، ذ اَرْضَا ن أَربِّـي إِي كِذِي.

22 أيث-كورينث 6:1

فَا نشِّين إِݣ يخدّْمن اَك أَربِّـي نْتتَّار إِ كنِّيو نقَّار-اَوم: مَاشِي اَذ تْقبّْڒم اَرْضَا ن أَربِّـي وَار زَّايس ثْخدّْمم شَا.

أيث-فيليـپـي 2:21

مَارَّا رزُّوْن مِين ذَاسن يتْهِيمَان إِ يِيخف نْسن وَاهَا، مَاشِي مِين يتْهِيمَان إِ عِيسَى لْمَسِيح.

أيث-فيليـپـي 2:25

شُوْف، تْوَاڒِيغ لَابُد اَذَاوم د اَرّغ ؤُمَا پَـارْفُوْلِيتُس ونِّي إِي كِذِي يتمْعَشَارن اَم شَا ن ومْجَاهذ. نتَّا ذ اَمسخَّار نْوم ونِّي إِي ذَايِي د تسّكّم بَاش اَذَايِي يتْهِيلَّا.

أيث-فيليـپـي 2:30

مَايمِّي؟ تُوْغَا عْڒَاين يمُّوْث عْلَاحْسَاب ڒْخذْمث ن لْمَسِيح مِينْزِي يغَامَر س ثُوْذَارْث نّس وَامِي يرزُو اَذ يخْذم مِين وَار ثْزمَّرم شَا اَذ تْخذْمم كنِّيو زِي لْوَاجِب نْوم غَارِي.

أيث-كولوس 1:29

خ مَانَايَا نش خدّْمغ، تَاحْڒغ ذِي ڒْخذْمث-أَ س مَارَّا جّْهذ نِّي ن لْمَسِيح نتَّا يسْخدَّام-اَيِي س ثْزمَّار نّس.

أيث-كولوس 4:12

ئِسَاوَّاض-اَوم-د سْڒَام پَـافْرَاس نتَّا إِݣ يدْجَان زِي ثْمُوْرْث نْوم، نتَّا ذ يجّن ن وخدَّام ن عِيْسَى لْمَسِيح. ڒبْدَا يتَاحڒ ذِي ثْࢲَادْجِيث عْلَاحْسَاب كنِّيو بَاش اَذ تْبدّم خ دْسَاس اَذ تِيڒِيم ثمْغَرم ذِي لْإِيمَان نْوم وَار غَارْوم يتِيڒِي بُو شّكّ ذِي مَارَّا مِين يخس أَربِّـي.

1 أيث-سلونيك 2:9

آي أَيثْمَا، أَقَا ثْعقْڒم خ ڒْخذْمث نّغ قَا نشِّين نُوْوْثَا خَاس تَمَارَا. وَامِي كنِّيو نتْبشَّار س لْإِنْجِيل ن أَربِّـي، قَا نْخدّم دْجِيڒث ذ نْهَار بَاش وَار نتْبسِّيڒ شَا خ شَان حَدّ زَّايْوم.

1 أيث-سلونيك 5:12

فَا آي أَيثْمَا، نقَّار-اَوم وقَّرم يِنِّي يخدّْمن جَارَاوم إِݣ يدْجَان خَاوم نهَّان-كنِّيو.

2 أيث-سلونيك 3:1

أَمَّا ثِمسْڒَايِين نّغْنِي آي أَيثْمَا، تَّارث خَانغ إِ أَربِّـي بَاش اَوَاڒ ن سِيذِيثْنغ اَذ يتنْتَاشَر اَذ يتْوَاسمْغَار مَامّش إِي يوقْعن جَارَاوم.

1 تيموتاوس 4:10

خ مَانَايَا نشِّين نْخدّم نربّڒ لِأَنَّا نݣَّا لْأَمَال نّغ ذِي أَربِّـي يدَّرن ونِّي يسنْجَامن مَارَّا يوْذَان خَاصَّتَان ذ يِنِّي يتَامْنن.

2 تيموتاوس 4:5

شك اَرّ-د ڒْبَاڒ نّش ذِي مَارَّا ثِمسْڒَايِين، صْبَر إِ تَمَارَا، اݣّ ڒْخذْمث اَم ونِّي يتْبشَّارن، اݣّ لْوَاجِب ن ڒْخذْمث نّش.

ثبرات غار فليمون 1:1

نش ذ بُوْلُس اَقَايِي ذ اَمحْبُوْس عْلَاحْسَاب عِيْسَى لْمَسِيح اَكِذِي ؤُمَاثْنغ تِيْمُوْتَاوُس. تَارِيغ ثَبْرَات-أَ إِ فِلِيْمُوْن يدْجَان ذ اَمْعَاشَر نّغ إِي خَانغ يعِيزّن،

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

لواحي ن يوحنا 2:1

"أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن ؤُفَسُوْس، إِنِي-يَاس قَا ونِّي إِي يطّْفن سبْعَا ن يِيثْرَان ذݣ وفُوْس نّس اَفُوْسِي، يݣُّوْر ذي ڒْوسْط ن سبْعَا ن ڒقْنَاذڒ ن دّْهب، ئِقَّار-اَش: