لوقا 1:41 - ثريفيث 2020

⁴¹ وَامِي ثسْڒَا إِلِيزَابت إِ سْڒَام ن مَرْيَم، ئِنْهزّ وسيْمِي نِّي ذݣ وعدِّيس نّس، نتَّاث ثشُّوْر س أَرُّوْح يقدّْسن.

لوقا 1:41 ပူးပေါင်းရင်းမြစ်များ

لوقا 1:15

مِينْزِي اَذ يِيڒي ذ اَمقّْرَان غَار سِيذِي أَربِّـي. أَذ تِيڒِي لَابُد عمَّارْص اَذ يسو اَمَان ن وضِيڒ نِغ ذ وَامَان ن يمنْدِي. أَذ يِيڒِي يعمَّر س اَرُّوح يقدّْسن حتَّا ذݣ وعدِّيس ن يمَّاس.

لوقا 1:40

ثُوْذف غَار ثدَّارْث ن زَكَرِيَا ثْسدْجم خ إِلِيزَابت.

لوقا 1:42

ثْڒَاغَا س يِجّن ن ثْمِيجَّا ثجْهذ ثنَّا: "شم تْوَابَرْكذ جَار ثمْغَارِين، عَاوذ يتْوَابَرك ونِّي إِي يدْجَان ذݣ وعَدِّيس نّم!

لوقا 1:44

وَامِي د تُوْسِيذ سْڒِيغ إِ سْڒَام نّم، ئِنْهزّ وعدِّيس ينُو س ڒفْرَاحث.

لوقا 1:67

زَكَرِيَا بَابَاس ن يَحْيَى، يشُّوْر س أَرُّوْح يقدّْسن، ئِسِّيوڒ س مِين يعْڒم زِي أَربِّـي ينَّا:

لوقا 4:1

ئِذْوڒ-د عِيْسَى زݣ يِغْزَار ن لْأُرْدُن يشُّوْر س أَرُّوْح يقدّْسن، ڒخْدّنِّي يُوْوِي-ث أَرُّوْح نِّي غَار ڒخْڒَا.

ڒخذايم 2:4

شُّوْرن س أَرُّوْح يقدّْسن مَارَّا إِذْسن، بْذَان سَّاوَاڒن س لُّغَاث وَار يدْجِين بو نْسن اَمشْنَاو مَامّش ذَاسن يُوْشَا أَرُّوْح اَذ سِّيوْڒن.

ڒخذايم 4:8

بُطْرُس يشُّوْر-د س أَرُّوْح يقدّْسن ڒخْدّنِّي ينَّا-ٱسن: "آ لْحُكَّام آي يمقّْرَانن ن شَّعْب!

ڒخذايم 6:3

آي اَيثْمَا، كَّرم اَوِيم-د سبْعَا ن يرْيَازن زَّايْوم اَذ تِيڒِي ثسّْنم-ثن اَقَاثن مْلِيح، أَذ يڒِين شُّوْرن س أَرُّوْح يقدّْسن ذ ڒفْهَامث. نشِّين اَثن نْكلّف س لْمُهِمَّا-يَا

ڒخذايم 7:55

سْتِيفَان يشُّوْر س أَرُّوْح يقدّْسن، يخْزَر غَار وجنَّا يࢲْرَا لْعَظَمَا ن أَربِّـي يُوْفَا عِيْسَى يبدّ خ وفُوْسِي ن أَربِّـي.

ڒخذايم 9:17

ئِرُوْح أَنَاس يُوْذف ثَدَّارْث نِّي يسرْس يفَاسّن نّس خ شَاوُل ينَّا-ٱس: "آي ؤُمَا شَاوُل، نش قَا يسّكّ-اَيي-د سِيذِيثْنغ عِيْسَى، ونِّي إِي ذَاش د يمظْهَارن ذݣ وبْرِيذ نِّي إِي د ثُوْوِيذ. ئِسّكّ-اَيي-د غَارك حمَا اَذ تْذوْڒذ تْوَاڒِيذ اَذ تشَّارذ س أَرُّوْح يقدّْسن."

أيث-ؤفسوس 5:18

وَار سْكَرث شَا س شْرب إِݣ يتَاوِين غَار لْمَدلَّا ن سّكْرَا؛ لَّا، شَّارم س أَرُّوْح يقدّْسن.

لواحي ن يوحنا 1:10

ذِي نْهَار ن سِيذِيثْنغ تُوْغَا يهْوَا-د خَافِي أَرُّوح ن أَربِّـي، سْڒِيغ غَار ذفَّار ينُو يجّن ن ثْمِيجَّا ثمْغَار صُّوْت نّس يݣَّا اَم زَّمَّار.