لوقا 1:32 - ثريفيث 2020

³² أَذ يِيڒِي يمْغَر، أَتَاف تْڒَغَان-اَس آ مِّيس ن ونِّي يُوْعْڒَان. أَذَاس يُوْش سِيذِي أَربِّـي نّس لْعَرْش ن جدِّيس اَمقّْرَان دَاود.

لوقا 1:32 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 1:1

وَا ذ لْكِتَاب ن ڒجْذُوْذ ن عِيْسَى لْمَسِيح، ونِّي يدْجَان زِي دُّوْرِّيث ن دَاود ذ بْرَاهِيم.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:42

يُوْم لْحِسَاب ذ لعِقَاب، أَذ تكَّر لْمَلِكَا ن لْجَنُوْب اَك يِوْذَان ن ڒْوقْث-أَ اَخَاسن ثْشثْشَا، ڒَاحقَّاش ثُوْسَا-د نتَّاث زِي ثْمُوْرْث يُوْݣْجن حمَا اَذ تْصنّط إِ ڒفْهَامث ن سُلِيمَان. أُو ذَانِيتَا يجّن ذ اَمقّْرَان زِي سُلِيمَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 28:18

ئِقَارّب-د غَارْسن عِيْسَى يسِّيوڒ اَكِذْسن ينَّا-ٱسن: "ثمُّوْش-اَيِي مَارَّا سُّلْطَا ذݣ وجنَّا ذ ثْمُوْرْث.

أَسڒْمذ ن سِيذِيثْنغ عِيْسَى لْكِتَاب ن مَتَّى 3:11

نش تْطهَّارغ-كنِّيو س وَامَان بَاش اَذ تُوْبم، وَلَكِن ونِّي إِي د غَا يَاسن منْبَعْد إِ نش، نتَّا يجْهذ خَافِي. وَار سْذِيهِيدْجغ شَا اَذَاس يْسِيغ ؤُڒَا ذ ثِسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.

مرقس 14:61

ئِقِّيم عِيْسَى يسْقَار وَار خَاس يَارِّي شَا. ئِكَّر يسّقْسَا-ث عَاوذ اَرَّايس ن ڒْفُقَهَا ينَّا-ٱس: "مَا شك ذ لْمسِيح مِّيس ن أَربِّـي إِي يدْجَان مُبَارِك؟"

مرقس 5:7

ئِنْدق-د س يِجّن ن ثْمِيجَّا ثجْهذ ينَّا-ٱس: "آ عِيْسَى آ مِّيس ن أَربِّـي يُوْعْڒَان، مِين ثخْسذ زَّايِي؟ تتَّارغ زَّايك إِ أَربِّـي حمَا وَار ذَايِي تْعدِّيبذ شَا!"

لوقا 1:15

مِينْزِي اَذ يِيڒي ذ اَمقّْرَان غَار سِيذِي أَربِّـي. أَذ تِيڒِي لَابُد عمَّارْص اَذ يسو اَمَان ن وضِيڒ نِغ ذ وَامَان ن يمنْدِي. أَذ يِيڒِي يعمَّر س اَرُّوح يقدّْسن حتَّا ذݣ وعدِّيس ن يمَّاس.

لوقا 1:35

ئِنْدق-د لْمَلَاك نِّي ينَّا-ٱس: "أَخَام د يهْوَا اَرُّوْح يقدّْسن ذ جّْهذ ن ونِّي يُوْعْڒَان اَخَام يَارّْ ثِيڒِي. س مَانَاينِّي اَحنْجِير يقدّْسن إِي غَا د ثجّذ اَتَاف تْڒَغَان-اَس آ مِّيس ن أَربِّـي.

لوقا 1:76

ئِي شك آي اَحنْجِير، أَذَاش تْڒَغَان نَّبِي ن ونِّي يُوْعْڒَان، مِينْزِي اَذ تُوْيُوْرذ غَار زَّاث حمَا اَذ تسْوجْذذ اَبْرِيذ إِ سِيذِي أَربِّـي.

لوقا 3:16

ئِجَاوب-يثن يَحْيَى مَارَّا ينَّا-ٱسن: "قَا نش طهَّارغ-كنِّيو س وَامَان، وَلَكِن اَذ د يَاس يجّن يجْهذ خَافِي، وَار سْذِيهِيدْجغ شَا اَذَاس فسْيغ ؤُڒَا ذ يفِيڒَان ن ثْسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.

لوقا 6:35

وَلَكِن خْسث ڒْعَذْيَان نْوم، ݣّث ذَايْسن ڒْخِير. رضْڒث وَار تْرَاجَاث وَالُو. أُوْشَا اَغَارْوم يِيڒِي لْأَجَار ذ اَمقّْرَان، أَذ تِيڒِيم ذ ثَارْوَا ن أَربِّـي يُوْعْڒَان. مِينْزِي نتَّا ذ اَصبْحَان اَك يِنِّي وَار ث يتْشكَّرن شَا ذ يِنِّي يتݣّن شَّرّْ.

يوحنا 12:34

نَّان-اَس ڒْغَاشِي نِّي: "نشِّين نسْڒَا زِي مِين يقَّار لْكِتَاب قَا لْمَسِيح اَذ يقِّيم إِ ڒبْدَا. إِيوَا، مَامّش ثقَّارذ شك قَا مِّيس ن بْنَاذم يتْخصَّا اَذ يتْوَاسْبدّ ذݣ وجنَّا؟ مِين يعْنَا مِّيس-أَ ن بْنَاذم قَاع؟"

يوحنا 6:69

قَا نشِّين نُوْمن، نسّن قَا شك ذ لْعَظِيم ن أَربِّـي."

ڒخذايم 16:17

تْبَاع-اَنغ-د نشِّين ذ بُوْلُس تْعيَّاض ثقَّار قَا يرْيَازن-أَ عبّْذن أَربِّـي يُوْعْڒَان، تْبشَّارن-كنِّيو س وبْرِيذ إِي زِي غَا ثْنجْمم!

ڒخذايم 2:30

أَزدْجِيذ دَاود تُوْغَا ذ نَّبي يعْنِي يسّن بلِّي يوْعذ-يث أَربِّـي ينَّا-ٱس اَقَا اَذ سْغِيمغ يجّن زِي دُّوْرِّيث نّش خ لْعَرْش نّش.

ڒخذايم 2:36

إِيوَا كنِّيو يتْخصَّا اَذ تسّْنم مَارَّا أَيث-إِسْرَائِيل مبْڒَا شّكّ، قَا عِيْسَى-يَا وَانِيتَا إِي ثْصلّْبم يݣِّي-ث أَربِّـي ذ سِيذِيثْنغ ذ لْمَسِيح."

ڒخذايم 7:48

وَاخَّا اَمنِّي قَا أَربِّـي يُوْعْڒَان وَار يزدّغ شَا ذِي ثُوْذْرِين إِي بنَّان س يفَاسّن. أَمش ينَّا نَّبِي إِشَعْيَا:

لواحي ن يوحنا 3:7

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن فِيلَادَلْفْيَا، إِنِي-يَاس قَا ونِّي يمْقدّْسن ذ ڒْحَقّ، غَارس ڒْمفْتَاح ن دَاود؛ مڒَا يرْزم اَتَاف وَار ث يتْبلِّيع حَدّ؛ مڒَا يبلّع اَتَاف وَار ث يرزّم حَدّ، ئِقَّار-اَش: