لوقا 1:20 - ثريفيث 2020

²⁰ ڒخُّو شك اَذ تِيڒِيذ ذ اَزينُوْن. وَار ثسِّيوِيڒذ شَا حتَّا اَڒ نْهَار نِّي إِي غَا يوْقع مَانَايَا مِينْزِي شك وَار ثُوْمِينذ شَا زݣ وَاوَاڒ ينُو ونِّي إِي د غَا يفّْغن نِيشَان ذِي ڒْوقْث نّس."

لوقا 1:20 ပူးပေါင်းရင်းမြစ်များ

مرقس 16:14

منْبَعْد وَامِي قِّيْمن تتّن حِطَاش ن اَرُّسُل نّس، ئِمظْهَار-اَسن-د ينْهَا-ثن مِينْزي لإِيمَان نْسن ذ وقْلِيل ؤُڒَاون نْسن قسْحن. تُوْغَا نِثْنِي عَاوذ وَار ؤُمِيْنن شَا يِنِّي إِي ث يࢲْرِين وَامِي د يكَّر زِي ڒْموْث.

مرقس 9:19

يَارَّا خَاسن عِيْسَى ينَّا-ٱسن: "آ يوْذَان ن ڒْوقْث-أَ إِي ذِي وَار يدْجِي بُو لْإِيمَان! مشْحَاڒ إِي كِذْوم غَا قِّيمغ أُو مشْحَاڒ ذَاوم غَا صْبَرغ؟ أَوِيم-اَيِي-ث-يد إِ نش."

لوقا 1:19

ئِنْدق-د لْمَلَاك نِّي ينَّا-ٱس: "قَا نش ذ جِبْرِيل ذ ونِّي يتْبدَّان زَّاث إِ أَربِّـي، ئِسّكّ-اَيِي-د أَربِّـي غَارش بَاش اَكِش سِّيوْڒغ اَذَاش ينِيغ ڒخْبَار-أَ يسْفَرَّاحن.

لوقا 1:21

شَّعْب قِّيمن تْرَاجَان زَكَرِيَا، تْعجّْبن وَامِي يعْظڒ اَطَّاس غَار ذَاخڒ ذِي ثمْزِيذَا ثَمقّْرَانْت.

لوقا 1:22

وَامِي د يفّغ سّنِّي وَار يزمَّر شَا اَكِذْسن يسِّيوڒ، ئِقِّيم يسَّاوَاڒ اَكِذْسن س يفَاسّن وَاهَا. سّنِّي فهْمن يمظْهَار-اَس-د لْوَحِي غَار ذَاخڒ ذِي ثمْزِيذَا ثَمقّْرَانْت يذْوڒ ذ اَزينُوْن.

لوقا 1:45

آ سَّعْذ ن ثنِّي يُوْمْنن مِين ذَاس ينَّا سِيذِي أَربِّـي اَذ يِيڒِي."

لوقا 1:64

ذݣ ومْشَان ينْدق زَكَرِيَا يبْذَا يسَّاوَاڒ يحمّذ أَربِّـي.

أيث-روما 3:3

إِيوَا مڒَا ڒبْعَاض زَّايْسن وَار ؤُمِينن شَا، مَا س لْكُفر نْسن إِي زِي غَا يسْبطّڒ أَربِّـي ڒْعَهذ نّس؟

2 تيموتاوس 2:13

مڒَا نسْمح نشِّين ذِي لْأَمَانَا نّغ، مَاشِي اَذ يسْمح نتَّا ذِي لْأَمَانَا نّس، مِينْزِي وَار يزمَّر اَذ ينْكَر يخف نّس.

ثبرات غار تيتوس 1:2

لْإِيمَان-أَ ذ ثُوْسْنَا-يَا ثْبدَّا خ لْأَمَال ن ثُوْذَارْث نِّي وَار يفنِّين عمَّارْص، ثنِّي إِي زِي يوْعذ أَربِّـي يعْنِي ونِّي وَار يسْخرِّيقن شَا. ئِوْعذ س ثُوْذَارْث نِّي قْبڒ مَا ٱذ بْذَان زْمَانَاث قَاع.

يعيبرانيين 6:18

ثْنَاين ن ثْمسْڒَايِين-أَ وَار تْوَابدِّيڒنْت شَا، أَربِّـي وَار يزمَّر اَخَاسنْت يسْخَرّق. زِي ثْنَاين ن ثْمسْڒَايِين-أَ اَزَّايْسنْت إِي غَا نتْوَاشجّع نشِّين إِي نَرْوڒ بَاش اَغَارس نْنُوْفَّر. زَّايْسنْت إِي غَا نطّف س جّْهذ ذِي لْأَمَال إِي ذَانغ يتْوَابشَّرن.

لواحي ن يوحنا 3:19

نش تْربِّيغ نهِّيغ مَارَّا ونِّي تْحِبِّيغ. شك لْإِيْمَان نّش سجْهذ-يث، تُوْب.