يوحنا 9:7 - ثريفيث 2020

⁷ ينَّا-ٱس عِيْسَى: "رُوْح اَذ تسِّيرْذذ ذِي صَّرِيج ن سِيلْوَام." (أَوَاڒ-أَ سِيلْوَام يخس اَذ يِينِي <ونِّي إِي د يتْوَاسّكّن.>) ئِرُوْح يسِّيرذ، يروّح يتْوَاڒَا.

يوحنا 9:7 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:5

ئِضَرْغَاڒن تْوَاڒَان، ئِزحَّافن ݣُّوْرن، يِنِّي إِي ذِي يدْجَا جْذَام ݣنْفَان، ئِذهْشُوْرن تسْڒَان، يِنِّي يمُّوْثن تْنكَّرن-د، ڒْمُسَاكِين تْوَابشَّارن.

لوقا 13:4

نِغ ثْمنْطَاش نِّي إِي خف د توْضَا صُّوْمْعث ذِي حَاي-سِيلْوَام ثنْغِي-ثن، مَا تْغِير-اَوم بلِّي ݣِّين دُنُوْب كْتَار زِي مَارَّا يوْذَان يزدّْغن ذِي ثنْدِينْت ثكْمَاڒ ن لْقُدْس؟

لوقا 2:32

نتَّا ذ يجّن ن نُّوْر إِي ثسْمظْهَارذ إِ ڒݣْنُوْس، نتَّا ذ يجّن ن لْعَظَمَا ن شَّعْب نّش ن أَيْث-إِسْرَائِيل."

يوحنا 10:36

مَا ثقَّارم إِ ونِّي يخْضَر بَابَا يسّكّ-يث-يذ غَار دُّنشْت شك ثنِّيذ لْبُهْتَان خ أَربِّـي مِينْزِي نِّيغ نش ذ مِّيس ن أَربِّـي؟

يوحنا 11:37

نَّان ڒبْعَاض زَّايسن قَا ذ وَانِيتَا إِي يسْݣنْفَان ثِيطَّاوِين ن وضَرْغَاڒ، مَا وَار يزمَّر اَتَاف يݣَّا شَان ڒْحَاجث بَاش وَار يتْمتِّي شَا لِعَازَر؟

يوحنا 9:11

ينَّا-ٱسن: "بْنَاذم نِّي ؤُمِي قَّارن عِيْسَى ييْسِي-د اَبدْجَاع يسرْس-اَيِي-ث خ ثِيطَّاوِين ينُو. ينَّا-ٱيِي رُوْح غَار سِيلْوَام اَذ تسِّيرْذذ. رُوْحغ سِّيرْذغ، روّْحغ تْوَاڒِيغ."

يوحنا 9:39

ينَّا عِيْسَى: "ؤُسِيغ-د غَار دُّنشْت-أَ اَذ حَاسْبغ حمَا يِنِّي يدْجَان ذ يضَرْغَاڒن اَذ تْوَاڒَان، يِنِّي يتْوَاڒَان اَذ ضرْغْڒن."

ڒخذايم 26:18

بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.

أيث-روما 8:3

شُوْف، أَربِّـي يݣَّا مِين وَار ثْزمَّر اَذ تݣّ شَّرِيعَا ن مُوْسَى، مَايمِّي؟ عْلَاحْسَاب ضُّعف ن دَّات نّغ إِي ذَاس يكّْسن جّْهذ إِ شَّرِيعَا. أَربِّـي، وَامِي إِي د يسّكّ مِّيس يمثّل-يث-يذ اَم دَّات ن بْنَاذم يعْصَان، ئِسّكّ-يث-يذ ذ لْفِدْيَا خ ڒْمُعْصِيّث نّغ. أَمُّو يحَاسب يعَاقب ڒْمُعْصِيّث إِݣ يدْجَان ذِي دَّات ن بْنَاذم

أيث-ݣلاطيا 4:4

وَلَكِن وَامِي د ثُوْوض ڒْوقْث إِݣ يزمّم أَربِّـي، ئِكَّر نتَّا يسّكّ-د مِّيس يتْوَاخْڒق-د زݣ يِجّن ن ثمْغَارْث، يتْوَاخْڒق-د ثْحكّْم خَاس شَّرِيعَا ن مُوْسَى.