يوحنا 9:22 - ثريفيث 2020

²² نَّان لْوَالِدِين نّس اَمنِّي مِينْزِي ݣّْوْذن زݣ يمقّْرَانن ن أَيث-إِسْرَائِيل. تُوْغَا يمقّْرَانن نِّي تَافْقن بلِّي ونِّي غَا يشهْذن عِيْسَى ذ لْمَسِيح، أَث طرْدن زِي ثمْزِيذَا.

يوحنا 9:22 ပူးပေါင်းရင်းမြစ်များ

لوقا 6:22

سَّعْذ نْوم مڒَا تْعِيفَّان-كنِّيو يِوْذَان، وَار كنِّيو قبْڒن سَّاوَاڒن ذَايْوم س ڒْعِيب، تْزَوَرن-كنِّيو عْلَاحْسَاب مِّيس ن بْنَاذم.

يوحنا 1:19

ذ ثَا ذ شْهَاذث ن يَحْيَى وَامِي غَارس د سّكّن يسْرَائِيلِيْين شَان ن ڒْفُقَهَا ذ شَان ن شُّرْفَا ن أَيْث-لَاوِي زِي ثنْدِينْت ن لْقُدْس حمَا اَث سّقْسَان نَّان-اَس مِين ثعْنِيذ شك؟

يوحنا 16:2

أَكنِّيو طرْدن زِي ثمْزِيذَاوِين. عَاذ اَذ د تَاس ڒْوقْث اَذَاس يتْغِير إِ ونِّي إِي كنِّيو غَا ينْغن بلِّي يتݣّ لْأَجَار إِ أَربِّـي.

يوحنا 19:38

منْبَعْد إِ مَانَايَا، يجّن قَّارن-اَس يُوْسف زِي ثنْدِينْت ن أَرِيمَاتْيَا يرُوْح يتَّار-اَس إِ بِيلَاطُوْس اَذ ييْسِي دَّات ن عِيْسَى. نتَّا يُوْسف ذ اَمحْضَار ن عِيْسَى وَلَكِن وَار د يسْبيّن شَا يخف نّس يݣّْوذ زݣ يسْرَائِيلِيْين. وَامِي يقْبڒ بِيلَاطُوْس، يرُوْح يُوْسف ييْسِي دَّات ن عِيْسَى.

يوحنا 20:19

نْهَار ن ڒْحَد مُوْنن يمحْضَارن غَار ثْمدِّيث، ثِوُّوْرَا قّْننْت ݣّْوْذن زݣ يسْرَائِيلِيْين. يُوْسَا-د عِيْسَى يبدّ ذِي ڒْوسْط ينَّا-ٱسن: "سْڒَام خَاوم."

يوحنا 7:13

وَلَكِن ؤُڒَا ذ يجّن وَار خَاس يسِّيوڒ س جّْهذ س ثِيݣّْوْذِي زݣ يمقّْرَانن نِّي ن أَيث-إِسْرَائِيل.

يوحنا 9:18

وَلَكِن عَاذ وَار ؤُمِينن شَا يسْرَائِيلِيْين نِّي بلِّي نتَّا تُوغَاث ذ اَضَرْغَاڒ يذْوڒ يتْوَاڒَا حتَّا وَامِي د ڒَاغَان إِ لْوَالِدِين نّس.

يوحنا 9:21

وَار نسِّين شَا مِين ذَاس يوقْعن ڒخُّو يذْوڒ يتْوَاڒَا. وَار نسِّين شَا ونِّي إِي ث يسْݣنْفَان زِي ثِيطَّاوِين نّس. سّقْسَام-ث كنِّيو، نتَّا قَا يمْغَر اَذ يسِّيوڒ نِّيث خ يِيخف نّس."

يوحنا 9:34

نَّان-ٱس: "شك ذ لْعَاصِي زݣ وَامِي د ثْخڒْقذ، مَا ثْرزُّوْذ اَذَانغ ثسْڒمْذذ نشِّين؟" ڒخْدّنِّي طرْدن-ث زِي ثمْزِيذَا.

يوحنا 9:35

ئِسْڒَا عِيْسَى بلِّي ونِّي طرْدن-ث زِي ثمْزِيذَا. وَامِي ث يُوفَا ينَّا-ٱس: "مَا تَامْنذ زِي مِّيس ن بْنَاذم؟"

ڒخذايم 4:18

سِيذْفن-ثن-د، ؤُمَرن-ثن نَّان-اَسن وَار سَّاوَاڒث وَار سڒْمَاذث حَدّ عْلَاحْسَاب يسم ن عِيْسَى.

ڒخذايم 5:13

زݣ يِوْذَان نِّي إِي وَار يُوْمِينن شَا وَار يزْعِيم حَدّ اَكِذْسن يِيڒِي اَك ڒْمُوْمِنِين وَلَكِن وَاخَّا ٱمنِّي تحْتَارَامن-ثن اَطَّاس.

ڒخذايم 5:40

سْڒِين يِوْذَان نِّي غَار ݣَامْلِيل. ؤُوِين-د اَرُّسُل عَانّن-اَسن اَعْمُوْذ نَّان-اَسن: "قَا عمَّارْص اَذ تْعَاوْذم اَذ تسِّيوْڒم عْلَاحْسَاب يسم ن عِيْسَى." ڒخْدّنِّي ضڒْقن-اَسن.

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."