يوحنا 9:16 - ثريفيث 2020

¹⁶ نَّان ڒبْعَاض ن يفَرِّيسِيْين نِّي: "بْنَاذم نِّي وَار يدْجِي شَا زِي أَربِّـي مِينْزِي وَار يوقَّار شَا نْهَار ن لْعِبَادَا." وَلَكِن ڒبْعَاض نّغْنِي نَّان: "لَّا، مَامّش بْنَاذم ذ لْعَاصِي زَعْمَا اَذ يݣّ لْمُعْجِيزَاث-أَ؟" خ مَانَايَا يوْقع لْخِلَاف جَارَاسن.

يوحنا 9:16 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:10

يُوْفَا ذِنِّي يجّن ن ورْيَاز فُوْس نّس يمُّوْث. ڒخْدّنِّي سّقْسَان عِيْسَى رزُّوْن اَث تَاهْمن نَّان-اَس: "مَا حَلَال اَذ تسْݣنْفِيذ شَان يِجّن ذِي نْهَار ن سّبْت ن لْعِبَادَا مَا لَّا؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 12:2

وَامِي ثن ࢲْرِين شَا ن يِوْذَان زِي ڒْحِزب ن يفَرِّيسِيْين نَّان-اَس إِ عِيْسَى: "خْزَر! ئِمحْضَارن نّش تݣّن مِين يدْجَان حْرَام ذِي نْهَار ن سّبْت ن لْعِبَادَا."

لوقا 13:14

أَرَّايس ن ثمْزِيذَا نِّي وَار ذَاس يعْجِيب بُو ڒْحَاڒ وَامِي عِيْسَى يسْݣنْفَا ثَمْغَارْث نِّي ذِي نْهَار ن سّبْث ن لْعِبَادَا. ئِكَّر نتَّا ينَّا-ٱسن إِ يِوْذَان: "أَربِّـي يُوْشَا ستِّيَّام ن ڒْخذْمث ذِي ستِّيَّام نِّي إِي د غَا تَاسم اَذ تْݣنْفِيم، وَار يدْجِي بُو ذِي نْهَار ن لْعِبَادَا."

يوحنا 10:19

يوْقع لْخِلَاف عَاوذ جَار يسْرَائِيلِيْين خ وَاوَاڒن-أَ.

يوحنا 14:11

أَمْنم-اَيِي نش اَقَايِي ذِي بَابَا، بَابَا اَقَاث ذَايي، نِغ اَمْنم زِي ڒخْذَايم نِّي س يِيخف نْسنْت.

يوحنا 15:24

مَعْلِيك وَار خْذِيمغ اَكِذْسن لْمُعْجِيزَاث وَار ثنْت يخْذِيم ؤُڒَا ذ يجّن إِلَّا نش، أَتَاف وَار غَارْسن بُو ڒْمُعْصِيّث. وَلَكِن ڒخُّو نِثْنِي ࢲْرِين لْمُعْجِيزَاث ينُو عِيفّن-اَيِي نش ؤُڒَا ذ بَابَا.

يوحنا 2:11

ثَانِيتَا ذ لْمُعْجِيزَا ثَمزْوَارُوْت إِݣ يݣّا عِيْسَى. ئِݣِّي-ت ذݣ وبِيلَاج نْ قَانَا ذِي ثْمُوْرْث ن لْجَالِيل. ئِسْمظْهَار-د لْعَظَمَا نّس، ؤُمْنن زَّايس يمحْضَارن نّس.

يوحنا 3:2

يُوْسَا-د غَار عِيْسَى س دْجِيڒث ينَّا-ٱس: "آ لْمُعَلِّم، نشِّين نسّن بلِّي شك ذ اَمْسڒْمَاذ إِي د يُوْسِين زِي أَربِّـي. وَار يزمَّر ؤُڒَا ذ يجّن اَذ يݣّ شَان لْمُعْجِيزَاث زِي مِين تݣّذ شك إِلَّا مڒَا كِذس أَربِّـي."

يوحنا 5:10

كَّرن يسْرَائِيلِيْين نَّان-اَس إِ ونِّي يݣنْفَان: "نْهَارَا ذ نْهَار ن سّبْث ن لْعِبَادَا، وَار غَارك بُو ڒْحَقّ اَذ تيْسِيذ ثَاسُّوْث نّش."

يوحنا 5:36

وَلَكِن نش غَارِي يجّن ن شْهَاذث ذ ثَمقّْرَانْت خ ثنِّي ن يَحْيَى. مِين ذَايِي د يُوْشَا بَابَا اَثِيد سْبَانغ، ثِمسْڒَايِين-أَ س يِيخف نْسنْت شهّْذنْت خَافِي بلِّي يسّكّ-اَيِي-د بَابَا.

يوحنا 6:52

ئِسْرَائِيلِيْين نِّي منْغن جَارَاسن نَّان: "مَامّش غَا يݣّ وَانِيتَا اَذَانغ يُوْش دَّات نّس اَت نشّ؟"

يوحنا 7:12

أَطَّاس إِݣ يتْوشْوِيشن زِي ڒْغَاشِي خَاس قَّارن نتَّا ذ اَرْيَاز ن ڒْخِير. وَلَكِن ينّغْنِي زَّايْسن قَّارن لَّا، ئِسْخَرِّيق خَانغ وَاهَا.

يوحنا 7:23

مڒَا ثْسمّْحم يحَرْمُوْشن اَذ طهَّارن ذِي نْهَار ن لْعِبَادَا حمَا وَار تخِيلِيفم شَا شَّرِيعَا ن مُوْسَى، مَا تْعَصَّابم خَافِي وَامِي سْݣنْفِيغ يجّن ن بْنَاذم قَاع ذِي نْهَار ن لْعِبَادَا؟

يوحنا 7:43

خ مَانَايَا يوْقع لْخِلَاف جَار ڒْغَاشِي نِّي ذِي سَّبَاب نّس.

يوحنا 9:24

ڒَاغَان-د وِيس مَرّْثَاين إِ ورْيَاز نِّي تُوْغَا يدْجَان ذ اَضَرْغَاڒ نَّان-اَس: "إِيوَا حْمذ أَربِّـي شك! قَا نشِّين نسّن اَرْيَاز نِّي نتَّا ذ لْعَاصِي."

ڒخذايم 14:4

مسْفْرَاقن اَيثْبَاب ن ثنْدِينْت-أَ ن إِكُوْنْيَا خ ثْنَاين. ڒبْعَاض إِذْسن اَقَاثن اَك يسْرَائِيلِيْين، ڒبْعَاض إِذْسن اَقَاثن اَك اَرُّسُل.