يوحنا 8:58 - ثريفيث 2020

⁵⁸ ئِنْدق-د عِيْسَى ينَّا-ٱسن: "أَقَا تسْڒَام ڒْحَقّ: قْبڒ مَا ٱذ يِيڒِي بْرَاهِيم، نش دْجِيغ."

يوحنا 8:58 ပူးပေါင်းရင်းမြစ်များ

يوحنا 10:25

ينَّا-ٱسن عِيْسَى: "نِّيغ-اَوم-ث، كنِّيو وَار تِيمْنم شَا. ڒخْذَايم إِي تݣّغ عْلَاحْسَاب يسم ن بَابَا شهّْذنْت خَافِي.

يوحنا 17:24

آ بَابَا، يِيْنَا ذَايِي ثُوْشِيذ خْسغ اَذ يڒِين اَكِذِي مَانِي مَا دْجِيغ نش حمَا اَذ ࢲرن لْعَظَمَا ينُو إِي ذَايِي ثُوْشِيذ مِينْزِي شك ثْحِبّذ-اَيِي قْبَڒ مَا ٱذ تِيڒِي دُّنشْت.

يوحنا 17:5

سمْغَار-اَيِي ڒخُّو اَكِذش آ بَابَا س لْعَظَمَا نِّي تُوْغَا غَارِي وَامِي دْجِيغ اَكِذش قْبڒ مَا ٱذ تِيڒِي دُّنشْت.

يوحنا 8:24

نِّيغ-اَوم اَذ تمّْثم ذِي ڒْمُعْصِيَاث نْوم. أَذ تمّْثم ذِي ڒْمُعْصِيَاث نْوم يعْنِي مڒَا كنِّيو وَار ثُوْمِينم شَا بلِّي ذ نش إِݣ يدْجَان."

يوحنا 8:28

خ مَانَايَا ينَّا-ٱسن عِيْسَى: "أَخمِي غَا ثسْبدّم مِّيس ن بْنَاذم ذݣ وجنَّا، أَذ تسّْنم بلِّي ذ نش إِݣ يدْجَان. وَار تݣّغ شَا زِي غَاري؛ لَّا، نش سَّاوَاڒغ خ مَامّش ذَايِي يسڒْمَاذ بَابَا.

يوحنا 8:34

ينَّا-ٱسن عِيْسَى: "أَقَا تسْڒَام ڒْحَقّ: مَارَّا ونِّي يتݣّن ڒْمُعْصِيّث نتَّا ذ يسْمغ، بَاب نّس ذ ڒْمُعْصِيّث.

يوحنا 8:51

أَقَا تسْڒَام ڒْحَقّ: ونِّي يتݣّن اَرَّاي إِ وَاوَاڒ ينُو اَتَاف وَار يْتْوِيڒِي ڒْموْث عمَّارْص."

أيث-كولوس 1:17

ذ نتَّا إِݣ يدْجَان قْبڒ خ ثْمسْڒَايِين قَاع أُو خ دْسَاس نّس إِي تْمُوْننْت قَاع ثِمسْڒَايِين.

يعيبرانيين 13:8

عِيْسَى لْمَسِيح نتَّا ذ يجّن، أَمشْنَاو إِضنَّاظ اَمشْنَاو نْهَارَا اَمشْنَاو إِ ڒبْدَا.

لواحي ن يوحنا 1:11

ثقَّار-اَيِي: "مِين تْوَاڒِيذ شك أَرِي-ث ذݣ يِجّن ن لْكِتَاب، سكّ-يث غَار سبْعَا ن ثْجُمَاع ن ڒْمُوْمِنِين ذِي ثنْدِينْت ن ؤُفَسُوْس، ذ سْمِيرْنَا، ذ بَرْغَامُوس، ذ ثِيَاتْرَا، ذ سَارْدِس، ذ فِيلَادَلْفْيَا، ذ لَاوْدُكْيَا."

لواحي ن يوحنا 1:8

ئِقَّار سِيذِي أَربِّـي: "نش ذ لْأَلِف نش ذ لْيَاء. نش ذ ونِّي إِݣ يدْجَان، تُوْغَا دْجِيغ، عَاذ اَذ د اَسغ، زمَّرغ إِ كُڒْشِي."

لواحي ن يوحنا 2:8

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سْمِيْرْنَا، إِنِي-يَاس قَا ونِّي يدْجَان ذ اَمزْوَارُو ؤُڒَا ذ اَنݣَّارُو، يمُّوْث أُوْشَا يكَّر-د زِي ڒْموْث، ئِقَّار-اَش: