يوحنا 8:51 - ثريفيث 2020

⁵¹ أَقَا تسْڒَام ڒْحَقّ: ونِّي يتݣّن اَرَّاي إِ وَاوَاڒ ينُو اَتَاف وَار يْتْوِيڒِي ڒْموْث عمَّارْص."

يوحنا 8:51 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:28

أَقَا تسْڒَام ڒْحَقّ: ڒبْعَاض زݣ يِنِّي يدْجَان ذَا اَكِذِي وَار تْمتِّين شَا اَڒ غَا ࢲرن مِّيس ن بْنَاذم يُوْسَا-د ذِي ڒْمُلْك نّس."

لوقا 2:26

تُوْغَا نتَّا يخْبَر-يث أَرُّوْح يقدّْسن وَار يتْمتِّي شَا اَڒ غَا يࢲر لْمَسِيح ن سِيذ أَربِّـي.

يوحنا 14:23

ينَّا-ٱس عِيْسَى: "ونِّي ذَايِي يتْحِبَّان، أَتَاف اَذ يخْذم زݣ وَاوَاڒ ينُو. أَث يحِبّ بَابَا، أَ نْرَاح غَارس نش ذ بَابَا، غَارس إِي غَا نزْذغ.

يوحنا 15:20

فكَّرث ذݣ وَاوَاڒ إِي ذَاوم نِّيغ يعْنِي اَخدَّام وَار يدْجِي شَا ذ اَمقّْرَان زݣ ؤُوقَّاف نّس. مڒَا عدّْبن-اَيِي، أَتَاف اَكنِّيو عدّْبن. مڒَا سْڒِين إِ وَاوَاڒ ينُو، أَتَاف اَذ سْڒن عَاوذ إِ وَاوَاڒ نْوم.

يوحنا 17:6

سْبيّْنغ-د يسم نّش إِ يمحْضَارن-أَ إِي ذَايِي ثُوْشِيذ زِي دُّنشْت-أَ. شك ثدْجِيذ ذ بَاب نْسن قْبڒ، ثُوْشِيذ-اَيِي-ثن، قَا طَاعن إِ وَاوَاڒ نّش.

يوحنا 5:24

أَقَا تسْڒَام ڒْحَقّ: ونِّي يتْسْڒَان إِ وَاوَاڒ ينُو يتَامن زݣ ونِّي ذَايِي د يسّكّن، أَغَارس ثِيڒِي ثُوْذَارْث ن ڒبْدَا وَار يتِيذف شَا ذِي لْعِقَاب، نتَّا اَذ يمُوْتِّي زِي ڒْمُوْث غَار ثُوْذَارْث.

يوحنا 6:50

مِين يعْنَا وغْرُوْم إِي د يهْوَان زݣ وجنَّا بَاش ونِّي إِي ث غَا يشّن وَار يتْمتِّي شَا؟

يوحنا 8:12

ئِسِّيوڒ غَارْسن عَاوذ عِيْسَى ينَّا-ٱسن: "نش ذ نُّوْر ن دُّنشْت. ونِّي ذَايِي غَا يذْفَارن عمَّارْص اَذ يُوْيُوْر ذِي ثَادْجسْت، أَغَارس يِيڒِي نُّوْر ن ثُوْذَارْث."

يوحنا 8:52

نَّان-اَس يسْرَائِيلِيْين: "رخُّو نسّن بلِّي شك ذَايك جْنُوْن. سِيذْنَا بْرَاهِيم ذ لْأَنْبِيَا مَارَّا مُّوْثن. شك ثقَّارذ مڒَا شَان يِجّن اَذ يݣّ اَرَّاي إِ وَاوَاڒ ينُو عمَّارْص اَذ يقَّاس ڒْموْث.

يوحنا 8:55

كنِّيو وَار ث ثسِّينم شَا، نش سّْنغ-ث. مڒَا نِّيغ ؤُڒَا ذ نش وَار ث سِّينغ شَا، أَذ يڒِيغ اَم كنِّيو ذ بُو-يخرِّيقن. وَلَكِن نش سّْنغ-ث، تݣّغ اَرَّاي إِ وَاوَاڒ نّس.

يعيبرانيين 11:5

س لْإِيمَان يكَّر نَّبِي أَخْنُوْخ يتْوَاخْضف غَار وجنَّا حمَا وَار يتْوِيڒِي شَا ڒْموْث. وَار ث ؤُفِين شَا، ئِيْسِي-ث أَربِّـي غَارس. أُو قْبڒ مَا ٱذ يتْوَاخْضف يتْوَاشكَّر اَم يِجّن يَارْضَا خَاس أَربِّـي.

يعيبرانيين 2:9

وَلَكِن عِيْسَى وَاه، نتْوَاڒَا-ث ڒخُّو س تَّاج نّس ن ڒُوقَّار ذ وَاطَّاس ن شَّان. مَايمِّي؟ لِأَنَّا عِيْسَى ذݣ يِجّن ن ڒْوقْث تُوْغَا يسهْوَا-ث-يذ أَربِّـي شْوَايْت سْوَادَّاي إِ لْمَلَائِكَاث يعْنِي وَامِي يصْبَر إِ ڒَعْذَاب ن ڒْموْث. بَاش نتَّا س اَرْضَا ن أَربِّـي اَذ يقَّاس ڒْموْث، ڒْموْث نِّي اَذ تِيڒِي ن مَارَّا يوْذَان.