يوحنا 8:47 - ثريفيث 2020

⁴⁷ ونِّي يدْجَان ن أَربِّـي اَتَاف نتَّا يتسْڒَا إِ وَاوَاڒن ن أَربِّـي. كنِّيو وَار تسْڒِيم شَا مِينْزِي كنِّيو وَار ثدْجِيم شَا ن أَربِّـي."

يوحنا 8:47 ပူးပေါင်းရင်းမြစ်များ

يوحنا 12:48

ونِّي إِي ذَايِي يتْعيَّابن نتَّا وَار يقبّڒ شَا اَوَاڒ ينُو، أَتَاف غَارس وِي ث غَا يحَاسْبن. أَوَاڒَ-أَ إِي نِّيغ ذ ونِّي إِي ث غَا يحَاسْبن ذِي نْهَار اَنݣَّارُو.

يوحنا 18:37

ينَّا-ٱس بِيلَاطُوْس: "زَعْمَا، شك ذ اَزدْجِيذ؟" ينَّا-ٱس عِيْسَى: "ثنِّيذ شك نش ذ اَزدْجِيذ. نش خڒْقغ-د ؤُسِيغ-د غَار دُّنشْت-أَ حمَا اَذ شهْذغ إِ لْحَقِيقَا. مَارَّا ونِّي يدْجَان زِي لْحَقِيقَا اَذ يذْفَار اَوَاڒ ينُو."

يوحنا 5:25

أَقَا تسْڒَام ڒْحَقّ: أَذ د تَاس ڒْوقْث اَقَا ڒخُّو ثُوْسَا-د، أَذ سْڒن يمتِّينن إِ صُّوْت ن مِّيس ن أَربِّـي أُو يِنِّي ذَاس غَا يسْڒن اَذ دَّرن.

يوحنا 6:65

ينَّا-ٱسن: "س مَانَايَا نِّيغ-اَوم: وَار يزمَّر ؤُڒَا ذ يجّن اَذ د يَاس غَارِي إِلَّا مڒَا س لْإِذن ن بَابَا."

يوحنا 8:37

نش سّْنغ قَا كنِّيو ذ دُّوْرِّيث ن بْرَاهِيم. إِنَّمَا، كنِّيو ثْرزُّوْم اَذَايِي ثنْغم مِينْزِي اَوَاڒ ينُو وَار ث ثقْبِيڒم شَا.

يوحنا 8:43

مَايمِّي وَار ثفْهِيمم شَا إِ مِين ذَاوم قَّارغ؟ ڒَاحقَّاش وَار ثْزمَّرم شَا اَذ تْقبْڒم اَوَاڒ ينُو.

يوحنا 8:45

نش قَّارغ ڒْحَقّ س مَانَاينِّي كنِّيو وَار ذَايِي تِيمْنم شَا.

1 يوحنا 3:10

مَامّش غَا نݣّ أَ نسْفرق ثَارْوَا ن أَربِّـي ذ ثَارْوَا ن إِبْڒِيس؟ قَا يِنِّي وَار يقِّيمن شَا سْخدَّامن مِين يدْجَان نِيْشَان وَار دْجِين شَا زِي أَربِّـي. عَاوذ ونِّي وَار يتخْسن شَا ؤُمَاس وَار يدْجِي شَا زِي أَربِّـي.

1 يوحنا 5:1

مَارَّا ونِّي غَا يَامْنن عِيْسَى نتَّا ذ لْمَسِيح اَتَاف يخْڒق-د زِي أَربِّـي. أُو مَارَّا ونِّي يتخْسن بَابَاثْنغ اَتَاف نتَّا عَاوذ يتخْس ثَارْوَا نّس إِي زَّايس د يخڒْقن.

2 يوحنا 1:9

ونِّي يرُوْحن غَار ڒݣّْوَاج وَار يقِّيم شَا ذِي تَّعْلِيم ن لْمَسِيح اَتَاف وَار غَارس شَا أَربِّـي. ونِّي يقِّيمن ذِي تَّعْلِيم-أَ اَغَارس يِيڒِي بَابَاثْنغ اَك مِّيس.

3 يوحنا 1:11

آي ؤُمَا ينُو يعِيزّن، وَار تْقلَّاد شَا مِين يدْجَان ذ اَعفَّان؛ لَّا، قلّد مِين يدْجَان ذ اَصبْحَان. ونِّي يتݣّن مِين يدْجَان ذ اَصبْحَان نتَّا زِي أَربِّـي؛ ونِّي يتݣّن مِين يدْجَان ذ اَعفَّان نتَّا وَار يتْوِيڒِي شَا أَربِّـي.