يوحنا 8:40 - ثريفيث 2020

⁴⁰ خْزَر، نش ذ يجّن ن بْنَاذم سِّيوْڒغ اَكِذْوم س لْحَقِيقَا زِي مِين سْڒِيغ زِي أَربِّـي. ڒخُّو كنِّيو ثْرزُّوْم اَذَايِي ثنْغم، مَايمِّي؟ بْرَاهِيم عمَّارْص مَا يݣَّا اَمُّو.

يوحنا 8:40 ပူးပေါင်းရင်းမြစ်များ

يوحنا 7:1

منْبَعْد إِ مَانَايَا عِيْسَى يݣُّوْر زݣ ومْشَان غَار ومْشَان ذِي ثْمُوْرْث ن لْجَالِيل. ئِتْبعَّاذ زِي ثْمُوْرْث ن يَهُوْذِيَا مِينْزِي يسْرَائِيلِيْين نِّي رزُّوْن خَاس اَث نْغن.

يوحنا 8:26

غَارِي اَطَّاس ن وَاوَاڒن زمَّرغ اَذَاوم ثن ينِيغ، زَّايْسن إِي غَا حكْمغ خَاوم. ونِّي ذَايِي د يسّكّن نتَّا ذَايس لْحَقِيقَا. مِين سْڒِيغ زَّايس قَّارغ-ث إِ دُّنشْت."

يوحنا 8:56

جدِّيثْوم بْرَاهِيم يفَرح اَطَّاس عْلَاحْسَاب خْمِي غَا يࢲر نْهَار ينُو، وَامِي ث يࢲْرَا يفَرح."

أيث-روما 4:12

أُو نتَّا ذ جدِّيثْسن عَاوذ ؤُڒَا ن يِنِّي يݣِّين طَّهَارث، وَلَكِن مَاشِي ݣِّين طَّهَارث أُو صَافِي. لَّا، ئِتْخصَّا-يَاسن اَذ ذفَّارن ڒَاثَار ن لْإِيمَان مَامش تُوْغَا يدْجَا غَار جدِّيثْنغ بْرَاهِيم وَامِي تُوْغَا عَاذ وَار يݣِّي بُو طَّهَارث.

أيث-ݣلاطيا 4:16

مَا ڒخُّو نش ذ ڒْعَذُو نْوم وَامِي ذَاوم نِّيغ لْحَقِيقَا نِيشَان؟

أيث-ݣلاطيا 4:29

ذِي ڒْوقْث نِّي، ونِّي إِي د يخڒْقن عْلَاحْسَاب ڒْخَاضَر وَاهَا ن بْنَاذم يتْعدَّاب إِسْحَاق يعْنِي ونِّي إِي د يخڒْقن س جّْهذ ن أَرُّوْح يقدّْسن. أُو مَانَايَا كِيف-كِيف ذِي ڒْوقْث-أَ.

لواحي ن يوحنا 12:17

ئِغْضب بُو-سبْعَا-يزدْجِيفن خ ثمْغَارْث نِّي يرُوْح اَذ يحَارب س مِين يقِّيمن زِي دُّوْرِّيث نّس، يعْنِي يِنِّي يتݣّن اَرَّاي س ڒُوْصِيَاث ن أَربِّـي تطّْفن خ مِينْخف يشْهذ عِيْسَى.

لواحي ن يوحنا 12:4

ئِجَرّ س وعنَّاب نّس تُلُث ن يِيثْرَان وجنَّا، ئِنْضَر-يثن غَار ثْمُوْرْث. ئِبدّ بُو-سبْعَا-يَا-يزدْجِيفن زَّاث إِ ثمْغَارْث نِّي أُو نتَّاث تَارو حمَا خْمِي ث غَا ثَارو اَذَاس يشّ مِّيس.