يوحنا 8:37 - ثريفيث 2020

³⁷ نش سّْنغ قَا كنِّيو ذ دُّوْرِّيث ن بْرَاهِيم. إِنَّمَا، كنِّيو ثْرزُّوْم اَذَايِي ثنْغم مِينْزِي اَوَاڒ ينُو وَار ث ثقْبِيڒم شَا.

يوحنا 8:37 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:15

ڒَاحقَّاش شَّعْب-أَ، ؤُڒ نّس يذْوڒ اَم وزْرُو، عْڒَاين وَار تسْڒِين وَالُو، قّْنن ثِيطَّاوِين نْسن. حمَا وَار تْوِيڒِين شَا س ثِيطَّاوِين نْسن، وَار تسْڒِين شَا س يمجَّان نْسن، وَار فهّْمن شَا س وُوْڒَاون نْسن، أَغَارِي د ذوْڒن، أَثن سْݣنْفِيغ.>

أَسڒْمذ ن سِيذِيثْنغ عِيْسَى لْكِتَاب ن مَتَّى 3:9

مَاشِي اَذ تِينِيم ذِي نّفْس نْوم قَا نشِّين ذ ثَارْوَا ن بْرَاهِيم أُو صَافِي. مڒَا يخس أَربِّـي ثَارْوَا ن بْرَاهِيم، أَتَاف اَذ ييْسِي يزْرَا-يَا اَثن يَرّ ذ ثَارْوَا ن بْرَاهِيم!

يوحنا 10:31

ئِسْرَائِيلِيْين نِّي يْسِين-د عَاوذ يزْرَا اَث رجْمن.

يوحنا 11:53

زِي نْهَار نّي تَافْقن حمَا اَث نْغن.

يوحنا 5:44

مَامّش غَا ثݣّم اَذ تَامْنم؟ إِيوَا كنِّيو تخْسم لْعَظَمَا ن وَايَاوْيَا، وَار ثْرزُّوْم شَا خ لْعَظَمَا ن أَربِّـي اَوحْذَانِي.

يوحنا 7:1

منْبَعْد إِ مَانَايَا عِيْسَى يݣُّوْر زݣ ومْشَان غَار ومْشَان ذِي ثْمُوْرْث ن لْجَالِيل. ئِتْبعَّاذ زِي ثْمُوْرْث ن يَهُوْذِيَا مِينْزِي يسْرَائِيلِيْين نِّي رزُّوْن خَاس اَث نْغن.

يوحنا 7:19

ذ مُوْسَى إِي ذَاوم يُوْشِين شَّرِيعَا، نِغ؟ وَلَكِن ؤُڒَا ذ يجّن زَّايْوم مَا يتݣّ زِي شَّرِيعَا نِّي. إِيوَا، مَايمِّي ثخْسم اَذَايِي ثنْغم؟"

يوحنا 7:25

ڒبْعَاض زِي ثنْدِينْت ن لْقُدْس نَّان، ذ وَانِيتَا يمْكن إِي يرزُّوْن اَث نْغن نِغ لَّا؟

يوحنا 8:33

نَّان-اَس: "نشِّين زِي دُّوْرِّيث ن بْرَاهِيم، عمَّارْص وَار ندْجِي ذ يسمْغَان إِ حَدّ. مَايمِّي ذَانغ ثنِّيذ اَذ تْوَاضڒْقم اَذ تِيڒِيم حُرّ؟"

يوحنا 8:43

مَايمِّي وَار ثفْهِيمم شَا إِ مِين ذَاوم قَّارغ؟ ڒَاحقَّاش وَار ثْزمَّرم شَا اَذ تْقبْڒم اَوَاڒ ينُو.

يوحنا 8:56

جدِّيثْوم بْرَاهِيم يفَرح اَطَّاس عْلَاحْسَاب خْمِي غَا يࢲر نْهَار ينُو، وَامِي ث يࢲْرَا يفَرح."

يوحنا 8:59

كَّرن يسْرَائِيلِيْين نِّي يْسِين يزْرَا حمَا اَث رجْمن، وَلَكِن عِيْسَى ينسْڒث يفّغ زِي ثمْزِيذَا ثَمقّْرَانْت.

يوحنا 8:6

نَّان-اَس نِثْنِي مَانَايَا تْجَرَّابن-ث حمَا اَث تَاهْمن. ئِكَّر عِيْسَى يهْوَا غَار ثْمُوْرْث يبْذَا يتَارِي ذݣ وشَاڒ س وفُوْس نّس.

ڒخذايم 13:26

ينَّا-ٱسن بُوْلُس: "آي اَيثْمَا، آ ثَارْوَا ن بْرَاهِيم، آي يِنِّي يتݣّْوْذن أَربِّـي! قَا ذ نشِّين ؤُمِي د يسّكّ أَربِّـي اَوَاڒ-أَ إِي زِي غَا ننْجم.

أيث-روما 9:7

عَاوذ وَار يدْجِي مَارَّا ثَارْوَا إِي د يكِّين زِي بْرَاهِيم ذ ثَارْوَا نّس ن صَّح. ينَّا-ٱس أَربِّـي: <ذ ثَارْوَا نّش إِي د غَا يفّْغن زِي مِّيش إِسْحَاق إِي غَا يتْوَاحسّْبن.>

1 أيث-كورينث 2:14

بْنَاذم عَادِي يتَاݣِي اَذ يقْبڒ ثِمسْڒَايِين ن اَرُّوْح ن أَربِّـي، غَارس مَانَايَا ذ ثُوْبُّوْهْڒِيَا وَاهَا. وَار يزمَّر شَا اَثنْت يفْهم، لِأَنَّا س اَرُّوْح ن أَربِّـي وَاحْذس إِي ثنْت غَا يميّز.

1 يوحنا 2:14

آ يبَابَاثن، نش ؤُرِيغ-اَوم-د ڒَاحقَّاش كنِّيو ثسّْنم ونِّي إِي يدْجَان زݣ ومزْوَارُو. آ يعْزْرِيْين، نش ؤُرِيغ-اَوم-د ڒَاحقَّاش كنِّيو ثْجهْذم، أَوَاڒ ن أَربِّـي يزدّغ ذَايْوم، كنِّيو ثْغڒْبم خ لْمُفْسِيد نِّي.